Mareko 4
4
1Ururu ai U moawku ipekinave: a’a aruru ovara mai U ai kaupukiakei’inave, ou uku eiai U mapea lakenave, i‐pa’anave ane; a’a aruru iki miri ai papa’anave.
2U awku aila i aipo voa ipekinave; U ipekimakei’inave erau voa kuruenave,
3Akoi’i, uru voea a’a uru voeai elenave:
4U voemakei’inave ane uru varomo kapea ai ara’anave, naku‐oro lilinave uru na’anave ane.
5Uru mo rawre mako ai ara’anave, kae mo’onu peo mako ai: uru veve emoki lala’anave uku kae mo’onu a‐kei’inavea:
6Lare inavaka’ane oro vero‐e‐avakei’inave; uku oro neva eria miaka oro paroroli’inave.
7Uru mo aimu awkono avao ai ara’anave; aimu‐oro lala’anave, veve miminikinave, awkoni‐ekanave ane, oro uru eria merinave.
8Uru mo kae ima mako ai ara’anave, veve lala’anave, uru merinave ane, varomo uru 30, mo uru 60, mo uru 100 merinave.
9U erau voa kuruenave, Keporo‐mia a’a u virinamoki.
10U e pokoinave ane, oro aivara 12 kiripai avikinave ei aipo voa anu miki eiai veve’enave.
11U erau voa kuruenave, Lai evera nakuakeina Eloi inu eiei vauavaua awku ipaliai: a iki ai pokoia a’a eiai ei awku uriria aipo voa ipekiakeina:
12Oro inamu‐ekiane, inamu‐ekiane ane, a oro inamu‐oiapea, Oro viriane, viriane ane, oro ipapea, Oro lai urukinavaia, paue‐emiakeiakana ane.
13U erau voa 61, Ei aipo voa anu miki noro ipapeana? aipo voa uriria anu miki noro eka’ama‐ipalimau?
14Kurua voa voea a’a voena Iva voa keina.
15Kapea a’a oro ei a’a Iva voa omo umularu ai voeakeina, oro Iva voa viriane, Satani emoki anena Iva voa omo umu laru ai voeakei’?-?inave u iou‐mi’ina.
16Rawre mako a’a oro ei a’a oro Iva voa viriane uku Iva voa eiai oro emoki kopaili’ina;
17Oro laru ai oro neva eria mi’ina, pani mau’u e oro iviri keina: kukupuna naea, mani naea, la’ane uku Iva voa eiai, oro emoki ara’ana.
18Aimu mako a’a oro ei a’a oro Iva voa virina,
19Pani va’au unu iakari awku, moni inu ewaea ane, lai inu i’ima awku ane ikirina, Iva voa miminikina ane, Iva voa uru eria merina.
20Kae ima a’a oro ei a’a oro Iva voa virina, pirimaroakona ane, uru merina ane, a’a varomo uru 30, a’a mo uru 60, a’a mo uru 100 merina.
21U erau voa veve’einave, Lamepa mi‐aneakeina ana aru u’ui ai naea, pakara u’ui ai naea, pa‐okavai? pakara miki upa mere pa?-?okavapeana?
22Awku kavakava vaua‐awkavakeina u ipawkiakeiakana: awku vauavaua‐aw?-?kavakei’inave iki ai ipawkiakeiakana.
23Keporo mia a’a u virinamoki.
24U erau voa kuruenave, Oivirine voa eiai noro virina: kurua ikiau noro ipina a’a e eiai, orau ipiakeiakana noro eiai: veruku nakuakeiakana.
25U ane u mi’ina mo awkuakeiakana; u ane u miape kurua awku u mi’ina u mere iou‐miakeiakana.
26U erau voa kurunave, Eloi inu eiei a’a orau u uru voena;
27Lare pani ai, kipere pani ai ane, u rokona, awawkeina ane, uru veve ereane, muku la’ane ane, la’ava anu uku u ipapea.
28Uku kae verukua uru merina; pinai veve, neko mere ai pikiri, ika pani ai uru miki pikiri laru ai.
29Uru nepa keia’ane, u uru eia a’a emoki ekaivirina, uku uru roikia pani ei‐anena.
30U erau voa veve’einave, Eloi inu eiei enei eka’ama?-?mikirimau? ei eiei inu aipo enei oiama‐mikirimau?
31Ei eiei sinapi uru mikirina, kurua uru kae ai voeakeia’ane, pani va’au unu uru uriria awkono avao ai ei uru mau’u vaki keina:
32A u voeakeia’ane, u la’ana, iri kokoro uriria awkono avao ai u ovara mai evere’ena, u mere vao ovara erena; naku omo kakora una vao awkono avao ai amaina.
33Aipo voa aila orau U ipekinave, omo lai evera orau kurua voa anu miki ipaliai.
34Aipo voa e U ipekinave, Una aivara e U kiripai pokoinave ane voa uriria anu miki U ipekinave.
35Kurua lare ai, lare eua pani ai, U erau voa kuruenave, Enei iou ane mekai ke’enamaki.
36Oro a’a aruru ekaiviriaka’ane, oro U kiripai mapea ke’enave; mapea e oro kiripai ke’emakei’inave.
37Kavaea ovara mai evukinave, menono mapea lakenave, mapea ve’emakei’inave ane.
38Mapea aw ai uku’uku upa mere U e awawkeimakei’inave: oro epekenave, erau voa kurunave ane, Amua e, Ni umu eria ana enei mumukimakina?
39U la’anave, kavaea ei’inave ane, ere aura U erau voa awkinave, Ere kaiva evere’ene. Kavaea eikinave, ere kaiva ovara kei’inave.
40U erau voa veve’einave, Nomo kore uku oiana? noro pirimaroakoa eria ana?
41Oro kore ovara li’inave, erau voa ekinamakei’inave ane, Ei a’a koana, kavaea, ere aura ane, Una voa kamaiali’ina?
Currently Selected:
Mareko 4: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
