Mareko 3
3
1Omoro marea U moawku ikirinave; eve paroro a’a i‐pokoinave.
2Oro inamu‐ekinave U eve paroro a’a aukarika’ane Sabati lare ai oro ailieane‐iai.
3U eve paroro a’a erau voa awkinave, Paku ai anene.
4U erau voa veve’einave, Opara anana ana Sabati lare ima liai naea, lipi liai naea? rokoa iawkavai naea, a’a avai naea? oro voa peo.
5U omo paku ai ia’ia urukiaka’ane, U lai kukunu‐awkavakei’inave uku omo umu unu kane eiai, U eve paroro a’a erau voa awkinave, Ni eve oiokane. U eve oiokanave, una eve una eve e orau evere’enave.
6Parisea a’a elenave Herodia a’a kiripai oro voa ipinave oro Iesu ava’ane‐iai.
7Iesu Una aivara kiripai Ururu ai ve’enave: A’a aruru ovara Galilaia mere e’e’okanave, Iudea mere ane,
8Ierusalema mere ane, Idumea mere ane, Ioridana iou anelai mere ane; Turia mere, Sidona mere ane, a’a aruru ovara uru viriaka’ane uku awku momo’ore U liaka oro U ai anenave.
9Una aivara U ekinave uku mapea U eiai aioiaka?-?pokoiane‐iai a’a aruru ninina?-?vaia.
10Uku a’a aila U aukarie?-?kavaka; uku nekeai oro U ai i’inumakei’inave oro ane oro maia miaka.
11Upu avaea awku Iesu inamu‐oiaka’ane Una paku ai oro are epo ai’inave, erau voa araro kurumakei’inave, Ni Eloi inu Mere.
12Una uru pa upurukiai U emoki ekinave.
13Akapu ai U inanave, a’a U ie’einave U ai aneai U laea‐elau’unave: U ai oro anenave.
14A’a 12 U ie’einave oro U kiripai pokoiane‐iai, oro omoro kuruai U ekaiviriane‐iai,
15Oro iva miane‐iai maia aukariekavai, avaea lipi laeiai ane:
16Ei a’a 12 oro Simono, nawi Petero U oroinave;
17Iakobo Sebede enu mere ane, Ioane Iakobo onu aroa a’a ane; orere nawi Boanere U eroinave, kurua nawi inu miki, Kaia kiri inu mere:
18Anederea ane, Pilipo ane, Batolomaio ane, Mataio ane, Toma ane, Iakobo Alapeo onu mere, Tadeo ane, Simona Kananaio onu a’a ane,
19Iuda Isakariota ane, kurua vaki Iesu anai‐avinave: U marea ikirinave.
20A’a aruru moawku i’?-?inunave oro pei navai a‐li’inavea.
21Una a’a Una uru viriaka’ane U a’akiai oro anenave: oro erau voa kurunave, U avuavu keina.
22Kikiria a’a Ierusalema mere aneaka oro erau voa kurunave U laru ai U Belesubo mi’ina, i avaea‐lipi amua anu airavaki U avaea‐lipi laeina.
23Una paku ai kaupukiai U laea‐elau’unave, aipo voa U erau voa veve’einave, Satani ane u Satani laoiai amali’i?
24Eiei mani‐awkavakeia’ane, kurua eiei rokoakeiapea.
25Marea avai a’a mani‐ekavakeia’ane, kurua marea rokoakeiapea.
26Satani mani‐awkavakeia’ane una nane eiai, u koravakeia’ane, u rokoakeiapea, u periakeina.
27A’a kapeo venea a’a anu marea ikiriai li’ina, una aru avapuli’ina ane, anea’?-?anea u pinai venea a’a piriane; neko mere ai u kurua a’a anu aru avapuliakana.
28Nai kurunaina kapoi, A’a anu mere enu namea uriria paue‐emiakeia’ane, omo mai voa ane oro a’a e mai‐voa ekavakana:
29A kurua a’a u mai‐voa kuruna Avaea Iaa eiai u paue‐awmiakeiapea opai keiakana, u namea anu mua miakana opai keiakana.
30U orau kurunave uku oro erau voa kurunave, U upu avaea mi’ina.
31Ei pani ai Una mei, ovaki airavaki ane, pai’inave, a’a aruru iki ai oimakei’inave, U oro ai elemaneai oro okaivirinave.
32A’a aruru U ai aviki?-?aka‐papa’amakei’inave, oro erau voa kurunave, Akoi’i, Ni mei, ovaki airavaki ane, oro iki ai nivoromakina.
33U erau voa kuruenave, Na mei koana, Na ovaki airavaki koana?
34U urukimakei’inave a’a papa’amakei’inave U inamu‐ekinave, erau voa kuruenave ane, Akoi’i, Na mei eu aku, Na ovaki airavaki ane!
35Uku a’a kavakava Eloi inu lai kamaialiakana, kurua a’a u Na aroa a’a, Na aro a’e ane, Na mei ane.
Currently Selected:
Mareko 3: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
