Mareko 2
2
1Neko mere ai, lare ailapea, U moawku Kaperanauma ai ikirinave, uru ema upurukiakei’inave U marea ai i‐pokoinave.
2Uku a’a aila kaupukinave mako eria kei’inave oro eiai marea laru ai, orau awku kikau ai; Iva voa U omoro kuruenave.
3A’a morere morere maia varuvaru a’a vakarumakei’inave U ai anenave.
4Oro U arekamu ai aneai a‐li’inavea uku a’a aruru niniakei’inave, marea anu i’i oro lai erenave: maia varuvaru a’a una kile upa mere oro ururunave Iesu unu paku ai.
5Iesu omo pirimaroakoa inamu‐oimakei’inave U maia varuvaru a’a erau voa kurunave, Mere e, ni namea paue‐emiakeina.
6Kikiria a’a varomo i‐papa’amakei’inave omo umu laru ai erau voa ekinamakei’inave,
7Uku oiana ei a’a mai voa kuruna? Namea koa?-?ma‐paue‐emi’i? Iehova U e namea paue‐emi’ina.
8I una Avaea Iesu ipalimakei’inave oro erau voa ekinamakei’inave U erau voa veve’einave, Uku oiana ei awku eiai nomo umu laru ai noro voa nakinamakina?
9Ekara voa ana awpono keina maia varuvaru a’a awkiai, Ni namea paue‐emiakeina naea, La’ane, ni kile uakine, are rokone naea?
10A uku noro ipaliane‐iai A’a anu Mere iva mi’ina pani va’au ai namea paue‐emiai, (U urukinave maia varuvaru a’a erau voa awkinave),
11Nai nikina, La’ane, ni kile uakine, ni marea ai enara.
12U emoki la’anave, una kile uakinave, oro uriria paku ai elenave ane; oro uriria varuavakei’inave, Eloi avioinave ane, erau voa kurumakei’inave, Opara ei opara orau enei inamu‐oiape.
13Iesu moawku elenave Ururu ai; a’a aruru uriria U ai kaupukinave, U ipekinave ane.
14U awawpemakei’inave Levi Alapeo onu mere U inamu‐oinave moni akoa marea ai i‐pa’amakei’inave, Iesu erau voa awkinave, E’e’ikane. U la’anave, e’e’okanave ane.
15Iesu Levi inu marea laru ai pei pakara ai pa’amakei’inave, moni akoa a’a aila, namea a’a ane, Iesu kiripai Una aivara ane, papa’amakei’inave: uku a’a e’e’okanave oro a’a aila kei’inave.
16Parisea kikiria a’a inamu‐oimakei’inave moni akoa a’a, namea a’a ane, U pei na’amakei’inave, Una aivara oro erau voa veve’einave Uku oiana U pei na’amakina moni akoa a’a, namea a’a ane, kiripai?
17Iesu omo voa viriaka’ane, U erau voa kuruenave, Kape venea a’a lapu a’a oea‐rokoapea; maia a’a oro lapu a’a oea‐rokona. Opara anana a’a laea‐elauai Nai aneakape, a namea a’a lai urukiai ekiai Nai aneaka.
18Ioane enu aivara, Parisea a’a anu aivara ane, pei larilimakei’inave: oro U ai anenave erau voa kurunave ane, Uku oiana Ioane enu aivara, Parisea a’a anu aivara ane, pei larilimakina, a Ni aivara pei lari‐a‐li’inakea?
19Iesu erau voa veve’einave, A’e mia vaki inu ukua oro pei lari ama‐li’i u oro kiripai pokoiane? a’e mia vaki oro kiripai oro miane pei lariliai oro liapea.
20Pani aneakana a’e mia vaki oro mere iou miakei?-?akana, kurua pani ai oro pei lariliakana.
21A’a kapeo kapua nawawrea eni a’a kape upa mere kikirina: nawawrea kapua eni a’a kape koranavaia, eni a’a kape enu rua ovara li’inavaia.
22A’a kapeo eni kaia maina uru ika nawawrea evopona: uru ika nawawrea kaia maina koronavaia, uru ika upunavaia, kaia maina paukinavaia: uru ika nawawrea kaia maina nawawrea evo?-?poai limakina.
23Sabati lare kawni aura ai U are rokoamakei’inave: Una aivara enamakei’inave kawni pikiri oro ekekemakei’?-?inave.
24Parisea a’a Iesu erau voa kurunave, Akoi’i, uku oiana Sabati lare enu vupu oro lipili’ina?
25U erau voa veve’einave, Voa uku opara Davida liaka noro oraiapeana kurua pani ai u pei oea keia’ane, u pei navai‐navai li’inave, oro awku u kiripai pokoinave?
26Abiata omoro amua a’a anu pani ai u Eloi inu marea ikirinave, vupu pei omoro a’a eiai u navaka, una kaupu a’a kurua pei ekuaka ane.
27U erau voa kuruenave, Sabati lare evere’eakei’inave a’a eiai, a’a a‐eakei’inavea Sabati lare eiai:
28Ou uku eiai A’a anu Mere Sabati lare awku unu Amua rokona.
Currently Selected:
Mareko 2: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
