Mataio 26

1Iesu ei omoro voa uriria oailiaka’ane una aivara U erau voa kuruenave,

2Noro ipali’ina lare rere mo periane Pasova purai lare anenavailia, A’a anu Mere iri keoa upa mere avai piriakeiakana ane.

3Omoro amua a’a, kikiria a’a ane, a’a aruru unu mai‐oro ane, Kaiapa omoro amua a’a anu marea ai kaupukinave,

4Oro voa ipinave oro Iesu vauavaua piriane‐iai, a’ane‐iai ane.

5Oro erau voa kurunave, Purai lare ima peo, a’a aruru iarali’inavaia.

6Iesu Betania ai aneaka’ane, Simona apa auma a’a anu marea ai kei’inave ane,

7U ai a’e anenave, kaia maina mera muri menamena u mi‐anenave, Iesu pei na’amakei’inave, ei a’e mena?-?mena Una uku upa mere orekanave.

8Una aivara ei opara inamu‐oiaka’ane oro ia’ia erau voa veve’enave, Oi opara ana ei menamena kaipuikaipui liai?

9Uku ei menamena kavani ovara eiai inaealiakeia?-?kana, kavani rurupu a’a ekuakeiakana.

10Iesu omo voa viriaka’ane U erau voa kuruenave, Uku oiana noro ei a’e kukupuna‐awkana? opara ima u liane euna Nai eiai.

11Rurupu a’a noro kiripai noro panipani ai e‐mi’ina, a noro i‐miape panipani ai.

12Uku ei menamena Na kape upa mere u oreka’ane euna, Na kape evere’eai i’ia pani eiai.

13Nai kurunaina kapoi, Mako‐mako ai ei Iva voa omoro kuruakeiakana pani va’au iki, ei opara ei a’e liane euna upurukiakeiakana ei a’e enu uru eiai.

14Aivara 12 inu a’a monou, nawi Iuda Isakariota, omoro amua a’a ai enanave,

15Erau voa veve’einave ane, Nai Iesu anai‐aviane noro eiai noro oiama‐ikumau? Oro u kiripai kuruei voa kurunave moni la’a 30 eiai.

16Ou pani mere Iesu anai‐aviai u ipi‐awmi’inave.

17Purai inu pinai lare ai aivara‐oro Iesu ai anenave, erau voa veve’enave ane, Mako ekeiana Ni umuli’ina enei evere’eai Ni iou ai Pasova purai nava’ane‐iai?

18U erau voa kuruenave, Pai’iri ikirira, a’a monou erau voa awkira, Amua erau voa kuruna, Na pani arekamu ai keina; Na aivara kiripai Nai Pasova purai navakana ni marea laru ai.

19Orau Iesu ekiaka aivara‐oro li’inave; pasova pei oro evere’enave ane.

20Lare eua pani ai aivara 12 kiripai pei pakara ai U pa’anave.

21Oro pei na‐amakei’inave U erau voa kuruenave, Nai kurunaina kapoi, nomo a’a monou anai‐avi’iakana.

22Oro lai kukunu‐mai kei’inave, a’a kavakava erau voa veve’einave, Amua e, nai ana?

23U erau voa kuruenave, U ane una eve uru Nai kiripai aia laru ai u noiawka’ane euna, u anai‐avi’iakana.

24Orau voa kikiriakeina U eiai, A’a anu Mere enanavailia, au’a, kurua a’a eiai i u A’a anu Mere anai?-?aviakeina, ima keiaka kurua vaki eiai u kiniakeiaka livilia.

25Iuda kurua aivara anai‐avimakei’inave erau voa veve’enave, Amua e, nai ana? Iesu kurunave, Lia, nio!

26Oro pei na’amakei’inave, Iesu pei mi’inave, nawki‐awkanave ane, pei vepenave aivara ekunave, erau voa kuruenave ane, Mi’ine, na’ane, Na kape eire.

27U koiri mi’inave, nawki‐awkanave ane, ekunave ane, erau voa kurumakei’inave, Noro uriria koiri mere na’ane;

28Na aro eire orekava?-?keiakana uku a’a aila eiai namea‐oro paue‐emiai, ei aro kuruei voa nawawrea evere’ena.

29Nai kurunaina Nai uru unu ika moawku na’apea anea’anea kurua lare ai Nai uru ika nawawrea nava’ane noro kiripai Na Mai inu eiei laru ai.

30Oro awni awkavaka’?-?ane oro elenave Oliveta akapu ai.

31Iesu erau voa kuruenave, Noro uriria ia’ia‐naka?-?vakeiakana Nai eiai ei kipere ai: uku ei voa kikiriakeina, Mamoe oiviria a’a Nai vaki‐awmiakana, mamoe oro laeiakeiakana.

32A Nai moawku imua mere la’ava’ane, noro paku ai Galilaia ai Nai enavakana.

33Petero erau voa kurunave, Oro uriria ia’ia‐ekava?-?keia’ane Ni eiai, nai ia’ia?-?ikavakeiapea.

34Iesu erau voa kurunave, Nai kurunina kapoi, Ei kipere ai, kokora vaki inu viki pani paku ai, pani rere kaiane ni inaka‐ikavakana.

35Petero erau voa kurunave, Nai Ni kiripai imuai limakeia’ane nai inaka‐nika’?-?apea. Aivara uriria awku orau kurunave.

36Iesu oro kiripai Getesamane ai anenave, U erau voa kuruenave, Eu ai pa’ane, Nai nawki‐awkavai i‐enava’?-?ane.

37Petero, Sebede enu mere rere ane, U kiripai U are’ekanave, lai kukunu, kukupuna liai U awkamakei’inave.

38U erau voa kuruenave, Na imunu i kukupuna‐mai oiniakeina imua arekamu ai, eu ai ai’iaka pokoine, awaw pa keiai.

39Paku ai mau’u U enanave, are epo ai’inave, erau voa nawki‐awkanave ane, Na Mai e, opara anana keia’ane, ei koiri iou‐mi’inamoki; a uku Nai peo, Ni lai orau ni li’inamoki.

40Aivara ai U vairunave, oro awawkeimakei’inave U auienave, U Petero erau voa kurunave, Noro Nai kiripai pani mau’u oiviriai liapea.

41Oivirine, nawki‐awkane ane, noro ailia uai laru ai ikirinavaia: avaea ivirikeina, a kape eapakeina.

42U moawku enanave, erau voa nawki‐awkanave ane, Na Mai e, ei koiri iou‐miakeia’ane apea anea’anea Nai u mere nava’ane, Ni lai li’inamoki.

43U vairunave, oro awawkeimakei’inave U moawku auienave: uku omo inamu mu’u kei’inave.

44U ave’einave, u enanave, moawku orau nawki‐awkanave, pani rere kaiane eire.

45Una aivara ai U anenave, erau voa kuruenave ane, Nomo kape laikaiai aw?-?awkeine: akoi’i, pani arekamu ai A’a anu Mere anai‐aviakeiakana namea a’a‐oro eiai.

46Lala’ane, enei enanamaki: anai‐avia vaki arekamu ai.

47U voa kurumakei’inave ane Iuda, aivara kaupu una a’a, a’a aruru ovara kiripai anenave, kaia rawve, iri iei ane, oro mi‐anemakei’inave, oro omoro amua a’a, a’a aruru unu mai‐oro ane, mere anenave.

48Anai‐avia vaki oro vupu ekunave, u erau voa kuruenave, Kurua a’a nai epo‐awmiakana, U kurua a’a, noro pirine.

49U Iesu ai anenave, erau voa kurunave, Amua e, Ni ouana: u epo‐awmi’inave ane.

50Iesu erau voa veve’enave, Mere e, ni lai evere’ene, oro anenave, Iesu eve kane a’akinave ane.

51Iesu unu a’a monou una rawve a’akinave, omoro amua anu aivara a’a anu keporo ei’inave ane.

52Iesu erau voa awkinave, Ni rawve paiku laru ai omali’ine: oro uriria rawve a’akina, i rawve oro avakeiakana.

53Ni amalaikora’i Nai Na Mai nawki‐awkavai liapea U ane aivara‐avaea kaupu 12 pai’ikavai U ekaiviri?-?ma?

54A Nai orau liane Iaa revareva eka’ama‐evere’?-?eakeiamau? oro ipawkina ei awku evere’eai limakina.

55Iesu a’a aruru erau voa veve’einave, Noro ama’ane’i avapu a’a orau piriai rawve, iri iei ane, ipiriane‐iai? Lare kavakava noro kiripai Nai pa’ane eumakina omoro marea laru ai, ipanakiane eumakina ane, noro a‐ipirinavea.

56A ei awku uriria lia?-?keiane euna laikorava a’a anu Iaa revareva voa evere’?-?eakeia’ane‐iai. Ei pani ai aivara uriria U mere area‐enanave, ave’enave ane.

57Oro Iesu a’akiaka Kaiapa omoro amua a’a anu paku ai oro ora’anave, kikiria a’a, mai’‐oro ane, i‐kaupu kiakei’inave.

58Amai neko mere ai Petero e’e’okanave omoro amua a’a anu marea ikirinave ane, oailia awku inamu‐oiai marevaki a’a kiripai u pa’anave.

59Omoro amua a’a, mai‐oro ane, Sunederi a’a uriria ane, avia voa evoromakei’inave Iesu eiai oro ava’ane‐iai;

60Avia a’a aila paku ai anenave, avia a’a omo lai orau oro a‐auinavea. Neko mere ai avia a’a rere paku ai anenave.

61Orere kurunave, Ei vaki erau voa kurunave, Eloi inu omoro marea oavai, lare rere kaiane pani ai Nai moawku la‐okavai li’ina.

62Omoro amua a’a la’anave, Iesu erau voa veve’enave ane, Ni voa eria ana, oi voa ana orere ioneli’ina Ni eiai?

63Iesu voa eria kei?-?inave. Omoro amua erau voa kurunave, I Iehova rokoa nai nikina, akine Ni Keriso keia’ane, Eloi inu Mere.

64Iesu erau voa kurunave, Lia, U, Nai ane, monou keina; a ei voa awku Nai kurunaina, Iru pani ai A’a anu Mere noro inamu‐oiakana Iva Iki inu eve miki mekai pa’amakeiakana, kaia anu awporo upa mere anemakeiakana.

65Omoro amua a’a una a’a kape koranave, erau voa kurunave ane, U mai‐voa kuruane euna; oi uku ana uakei’i ione a’a mo eiai? akoi’i, Una mai‐voa noro viriane euna.

66Noro oiamalaikora’i, oro erau voa kurunave, A’ane uku u mua keina.

67Una paku variri ai oro kaunere kai’inave, vaki?-?awmi’inave ane, a’a mo omo eve kavai vaki‐awmi’inave,

68Erau voa kurunave ane, Laikorava voa kuruaine Keriso e, Koamavakinimi’e?

69Petero marea iki ai pa’anave: aivara a’e u ai anenave, erau voa kurunave ane, Iesu Galilaia a’a kiripai ni awku pokoinave.

70Oro uriria paku ai u erau voa kurunave, Ai, ni voa anu miki nai ipapea.

71U marea anu ainamere ai eleaka’ane, paka moinamu?-?oinave a’a i‐pokoimakei’inave u erau voa kuruenave, Ei vaki awku Iesu Nasareta a’a kiripai uarokoanave.

72U moawku kurunave, Ai, kurua a’a nai ipapea.

73Oro arekamu ai oimakei’inave neko mere ai u ai anenave, Petero erau voa kurunave, Ni awku ei a’a anu kaupu a’a keina; ni voa anai‐avinina.

74Anakaia voa, iara voa ane, u kurumakei’inave, erau voa kurunave ane, Kurua a’a nai ipapea. Kokora vaki emoki vikirinave.

75Kurua voa Iesu Petero kuruaka u laikorakinave, Kokora vaki inu viki pani paku ai pani rere kaiane ni inaka‐ikavakana. U elenave, viki ovara u vikirinave ane.

Currently Selected:

Mataio 26: IAR1920

Highlight

Copy