Mataio 24
24
1Iesu omoro marea ave’eaka, U enamakei’inave kapea ai, Una aivara omoro marea anu lalava e e ipekiai U ai anenave.
2Iesu erau voa kuruenave, Ei marea uriria noro inamu?-?eiapeana? Nai kurunaina kapoi, Ei marea ururia enakavakeiakana, rawre eria rawre mo upa mere keiakana.
3Neko mere ai U Oliveta akapu upa mere pa’amakei’inave Una aivara‐oro e U ai anenave, erau voa veve’enave ane, Ni akine uku ei awku unu evere’ea pani eiai, oi vupu ana uku Ni aneliviai anelia pani ai, pani va’au unu oailia pani ane?
4Iesu kuruenave, Noro oivirine a’a ewaea‐nakana?-?vaia.
5Uku a’a aila aneakana, i Na nawi oroiakeiakana ane, erau voa kuruakana ane, Nai Keriso keina; a’a aila oro ewaea‐ekavakana.
6Maura, pani va’au peo, noro uru viriakana uku apaki e e eiai, epo voa awku apaki e e eiai. Kukupuna pa miai: uku ei awku uriria evere’eai limakina, a oailia pani arekamu ai peo.
7Uku kaki a’a kaki a’a e apakinavai mani lala’avakana, eiei awku uku eiei e: pei oea, ni’iri maia, pani va’au oioi keiakana mako?-?mako ai.
8Ei kukunu awku uriria ukua kinia anu mepu kukunu orau keina.
9Uku mani‐nakavai oro napiriakana, na’avakana ane: i kaki a’a uriria noro mani‐nakavakeiakana uku Na nawi eiai.
10A’a aila aua’avakana, aravakana ane, omo a’a oro anai‐aviakana, vai’i‐ekava?-?kana ane.
11Arauau laikorava a’a lala’avakana, a’a aila oro ewaea‐ekavakana.
12Uku namea opara la’avakana a’a aila anu umu kou’upua evere’eakana opara anana eiai.
13A kurua a’a iviri keiakana anea’anea oailia pani ai, u iawkavakeiakana.
14Ei Iva voa Eiei eiai omoro kuruakeiakana pani va’au iki ai ione voa kaki a’a uriria eiai; neko mere ai oailia pani aneakana.
15Kurua oava anu uku noro inamu‐oiane Iaa Mako ai oimakina, orau Daniela laikorava a’a kurunave (a’a ei voa oraina u virinamoki).
16Oro Iudea eiei ai i‐pokoiakana oro akapu ai area‐enanameki.
17U ane u marea upa mere i‐pokoina aru una marea mere iou miai u pa liliai:
18U ane u aura ai i‐pokoina una a’a kape roikiai marea ai u pa vairuai.
19Au’a oro eiai oro ukua nemo keina, oro awku eiai ou pani ai upi ame ekuna!
20Nawki‐awkane noro area‐enanavaia laura pani ai, Sabati lare ai ane:
21Uku ou pani ai kukupuna ovara keiakana, kukupuna orau pani va’au unu pinai pani mere anea’anea eai keiape, moawku keiapea ane.
22Ou pani inu eiei uma?-?eaka livilia a’a kapeo area‐enavaka; a uku Eloi inu a’a eiai ou pani inu eiei uma eiakeiakana.
23Ou pani ai a’a kurunaiane, Akoi’i, Keriso eu aku naea, iou aku naea: una voa noro pa pirimaroakoai.
24Uku arauau keriso?-?oro arauau laikorava a’a ane, lala’avakana, momo’ore vupu oro ipekiakana ane, oro liai liane, oro Eloi inu a’a ewaea‐ekavakana.
25Pa aikavai uku ei awku eiai Nai nakiane euna omo anea pani paku ai.
26Oro erau voa kurunaiane, Akoi’i, u kekepere ai i‐pokoina: pa eleai; Akoi’i, u marea lalava laru ai uapokoina; pa pirimaroakoai.
27Uku orau kaia anu evao anu eiei mere elemanena, maruru eiei ai inamu‐oiakeina ane; A’a anu Mere enu anea orau keiakana.
28Iou ai imua kape uakeina, iou ai iara naku kau?-?pukiakeiakana.
29Ei lare enu kukupuna periakeia’ane, lare emoki muru‐awkavakeiakana, ia awku pamea awkuapea, rawpu kaia mere aravakana, kaia anu iva‐awku oro varuvaru‐ekavakeiakana:
30Ou pani A’a anu Mere enu vupu ereakana kaia ai: pani va’au unu kaki a’a uriria vikiriakana, A’a anu Mere iva, evao’evao ovara ane, kaia anu awporo upa mere anemakeiakana oro inamu‐oiakana.
31Una aivara‐avaea oro pi laea araro liai U ekaiviriakana, Una a’a‐oro pani va’au unu eiei morere‐morere mere oro kaupukiakana, kaia ei anelai mere kaia iou anelai.
32Uru iri mere aipo voa ipawkine; una vao ika miane, aw‐oro ilo ereane ane, aumeia pani arekamu ai noro ipali’inake:
33Orau noro awku, ei awku uriria noro inamu‐eiane, noro ipaliakana U arekamu ai keina, lia, nomo kikau ai keina.
34Nai kurunaina kapoi, Ei kiri a’a imuapea ei awku unu evere’ea pani paku ai.
35Kaia, pani va’au ane, periakeiakana, a Na voa‐oro periakeiapea.
36A uku kurua lare, pani inu eiei miki ane, a’a kapeo ipali’ina, pani muku unu aivara‐avaea‐oro, Mereawku, ipapea, Mai e ipali’ina.
37Orau awku kei’inave Noa anu pani ai, orau awku keiakana A’a anu Mere enu anea pani ai.
38Orau pani va’au unu ere aru pani paku ai a’a purai na‐amakei’inave a’e mimakei’inave, vako pei awkumakei’inave anea’anea Noa mapea lakeaka’ane,
39Oro pauapauakei’inave anea’anea erearu aneaka’ane, oro uririra e‐avakei’inave: A’a anu Mere enu anea orau keiakana.
40A’a rere aura ai keiakana; monou iou‐miakeiakana, monou ave’eakeiakana.
41A’ero rere pu awmakeiakana; monou ioumiakeiakana, monou ave’eakeiakana.
42Ou uku eiai noro oivirine: uku Amua anu anea lare noro ipapea.
43Ei voa ipali’ine, marea anu mai‐vaki avapu a’a anu anea pani ipaliaka livilia, u marea oiviriaka.
44Ou uku eiai noro awku oivirine: uku pani noro laikorana A’a anu Mere aneapea kurua pani ai U aneakana.
45Aivara miki, lai evera ane, u koana una amua are’eane euna una marea a’a pei ekuai pei pani ai?
46Kurua aivara orau limakina una amua auiakana una anea pani ai u kopai‐awkavakeina.
47Nai kurunaina kapoi, Amua kurua aivara are’eakana, una aru uriria eiviriai.
48A kurua aivara lipi a’a keia’ane, una umu laru ai u erau voa kuruane, Na amua ema vairuapea;
49Marea ukua u vaki?-?emiane, awpa nania a’a kiripai u ailo keia’ane;
50Kurua lare aivara laikorapea una amua vairuakana,
51U aivara laoiakana ewaea a’a‐oro kiripai pokoiai; iou ai vikirimakeiakana, ni’iri ekikimakeiakana ane.
Currently Selected:
Mataio 24: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
