Mataio 23
23
1A’a aruru, Una aivara‐oro ane, Iesu erau voa kuruenave,
2Kikiria a’a, Parisea a’a ane, Mose enu pakara ai papa’ana.
3Awku uriria oro nakina noro li’ine, kamaiali’ine ane; a omo opara noro pa ipiemiai, uku oro a’a e ipekina opara anana eiai, a oro orau a‐li’inakea
4Paua mu’u oro e‐pirina, a’a anu ano ai aina ane; a oro paua uakiai omo eve a‐oio?-?kanakea.
5Awku kavakava oro li’ina oro orau li’ina uku a’a e inamu‐eiane‐iai: omo eve ua oro peavali’ina, omo a’a kape enu puru oro va’auli’?-?ina.
6Purai mako ai, omoro marea laru ai ane, ima pa’ava mako oro umu‐li’ina,
7A’a anu kepoia voa ane oro umuli’ina pai’iri kanikara ai, nawi Rabi oroiakeiai oro umuli’ina.
8Nawi Rabi noro pa miai: monou e nomo Amua rokona, noro uriria aroa a’a keina.
9Pani va’au ai a’a nawi mai pa oroiai: uku monou e nomo Mai uarokona pani muku ai.
10Nawi amua awku noro pa miai: uku monou e Keriso, U nomo amua keina.
11Kurua vaki laikorana u nomo amua a’a keina u nomo aivara a’a keiakana.
12Kurua vaki una nane are’ena u rurupu eakeiakana: u ane una nane u rurupu‐ena u are’eakeiakana.
13Au’a noro e, kikiria a’a e, Parisea a’a e, ewaea a’a e! uku pani muku eiei inu kikau noro awkuna a’a ikirinavaia: noro a‐ikirinakea, oro ikiriai umuli’ina noro evere’eiapea.
14Au’a noro e, kikiria a’a e, Parisea a’a e, ewaea a’a e! uku a’e kepea anu marea noro avapuli’ina, nawki va’au awku noro awkana a’a ewaea‐ekavai: kavani lipi ovara noro miakana.
15Au’a noro e, kikiria a’a e, Parisea a’a e, ewaea a’a e! uku ere aura, pani va’au ane, noro avikina a’a monou oravai nomo kaupu laru ai, u nomo a’a evere’eakeia’ane, nomo iviri una iviri ipi’ipiapea Gehena anu opara eiai.
16Au’a noro e, inamu‐apua orava a’a e, noro erau voa kuruna, A’a kuruei voa kuruane omoro marea eiai, kurua voa eria keina: a a’a kuruei voa kuruane omoro marea anu moni eiai, i una kuruei voa u piriakeina!
17Inamu‐apua avuavu a’a e: ekara ovara ana, moni ana, omoro marea ana, marea ana moni iaa’ena?
18Ei voa awku noro kuruna, A’a kuruei voa kuruane iaa pakara eiai, kurua voa eria keina; a a’a kuruei voa kuruane epie pei eiai iaa pakara upa mere i una kuruei voa u piriakeina.
19Inamu‐apua avuavu a’a e: ekara ovara ana, epie pei ana, iaa pakara ana, iaa pakara epie pei iaa‐ena?
20A’a kuruei voa kuruna i iaa pakara, u kuruei voa kuruna uku iaa pakara, awku uriria ane iaa pakara upa mere keina.
21A’a kuruei voa kuruna i omoro marea, i omoro marea, u awku laru ai pokoina, u kuruei voa kuruna.
22U ane u kuruei voa kuruna i pani muku, i Eloi inu pakara, i U ane pakara ai pa’ana, u kuruei voa kuruna.
23Au’a noro e, kikiria a’a e, Parisea a’a e, ewaea a’a e, uku minete, aneto, kumino ane, noro kavani awkuna ei urupei eiai, a uku Vupu unu omoro awku, voa vevea anana, umu ane, pirimaroakoa ane noro inaka?-?ekava’ane euna: ei awku noro liai liane euna, awku e ane noro liai liape.
24Inamu‐apua orava a’a e, noro makoukina neai eiai nomo kamuri laru ai, kakaia iki noro enakana.
25Au’a noro e, kikiria a’a e, Parisea a’a e, ewaea a’a e! uku koiri, ainau ane, iki ai noro urupu‐eina, a laru ai oro voviri, i’ima ane, evopoakeina.
26Inamu‐apua Parisea a’a e, koiri laru ai pinai urupu‐ene, ainau ane, iki ai awku urupu keiakana.
27Au’a noro e, kikiria a’a e, Parisea a’a e, ewaea a’a e! uku noro maina urupu lauoi mikiriakeina, oro iki ai vapara keina, a laru ai oro imua a’a anu la’aro pomoa evopoakeina.
28Kurua voa miki keina noro eiai: iki ai a’a anu paku ai noro opara anana a’a mikiriakeina, a laru ai noro ewaea, namea ane, evopoakeina.
29Au’a noro e, kikiria a’a e, Parisea a’a e, ewaea a’a e! uku noro laikorava a’a anu lauoi la‐ekana, opara anana a’a anu lauoi noro vapara‐ekana,
30Erau voa kuruna ane, Enei rokoaka livilia ene a’e mai ane enu pani ai enei oro kiripai laikorava a’a e‐ava?-?kape.
31Noro iki e’ena noro laikorava a’a anu avé a’a anu mere keina.
32Nomo a’e mai ane enu mua noro evopone.
33Paiko e, kaika anu kiri e, noro eka’ama‐area‐enamau Gehena mere?
34Ei uku eiai laikorava a’a, lai evera a’a ane, kikiria a’a ane, noro ai Nai ekaiviri?-?makina: varomo noro e‐avakana, iri keoa upa mere e‐avakana; oro varomo nomo omoro marea laru ai noro vaki‐emiakana, mani‐ekavakana pai’iri mere pai’iri ai:
35Uku opara anana a’a uriria anu aro pani va’au ai upuakei’inave noro upa mere anea’ane‐iai, Abela opara anana a’a anu aro, Sakaria Barakia anu mere enu aro ane, u ane noro a’anave omoro marea vimu ai iaa pakara paku ai.
36Nai kurunaina kapoi, Ei awku uriria aneakana ei kiri a’a eiai.
37Ierusalema e, Ierusalema e, ni ane ni laikorava a’a e‐a’ana, oro awku ni ai ekaiviriakeina ni rawre korei?-?na, pani aila ni ukua mere Nai kaupukiaka, kokora orau una ukua kaupukina una va’ao arau ai, a noro umuliape!
38Akoi’i, nomo marea oavakeina noro eiai.
39Uku Nai kurunaina, Noro moawku inamu‐i’iapea anea’anea noro erau voa kuruane, U ane U Iehova anu nawi aneliviai anelia U kopai‐awkavakeina.
Currently Selected:
Mataio 23: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
