Luka 6

1Sabati lare monou Una aivara kiripai Iesu kawni aura vimu ai are rokoanave; Una aivara kawni uru awke?-?kenave, uru omo eve mokono ai kikirimakei’inave oro na’anave.

2Parisea a’a varomo erau voa veve’einave, Uku oiana noro sabati inu vupu lipi amali’i?

3Iesu erau voa veve’einave, Noro voa oraiapeana Davida eiai ou pani ai u pei navai‐navailiaka’ane, oro awku u kiripai kei’inave;

4U Eloi inu marea ikirinave, iaa pu mi’inave, na’anave ane, una aivara awku u kiripai u au‐ekunave; ei pu iaa keina omoro a’a eiai?

5U erau voa kuruenave, A’a anu Mere sabati lare enu Amua awku.

6Sabati lare mo U omoro marea ikirinave, ipawkinave ane: a’a monou i‐pokoinave una eve miki paroro‐kei’inave.

7Kikiria a’a, Parisea a’a ane, inamu‐ekimakei’inave sabati lare ai U aukarika’ane naea; oro ailieane‐iai.

8Omo lai U ipali’inave, Eve paroro a’a U erau voa kurunave, La’ane, awkono avao ai oine ane. U la’anave, paku ai oinave ane.

9Iesu erau voa kuruenave, Voa monou Nai vevenaima; Opara anana ana sabati lare ai ima liai, mo, lipi liai, ekara’ana? a’a iawkavai naea, a’a oavai naea?

10Inamu‐urukimakei’?-?inave oro uriria ai, U a’a erau voa awkinave, Ni eve oiokane. U eve oiokanave: una eve aukarikavakei’inave.

11Oro iara evopoakei’inave; oro voa ipimakei’inave uku Iesu mani‐awkavai.

12U akapu ai inanave nawki‐awkavai, iou ai kipere iki U Eloi nawki‐awkanave.

13Pani merea Una aivara U ai anenave U laea‐elau’unave: omo a’a 12 U ie’einave, nawi iva a’a U eroinave;

14Simona nawi Petero awku U oroinave, Anederea ane una ovaki, Iakobo ane, Ioane ane, Pilipo ane, Batolomaio ane,

15Mataio ane, Toma ane, Iakobo Alapeo onu mere ane, Simona ane, nawi Selote oroiakei’inave.

16Iuda Iakobo onu a’a, Iuda Isakariota, u ane u Iesu unu anai‐avia vaki kei’inave.

17Oro kiripai U kinunave, kanikara ai oinave Una aivara kaupu kiripai, a’a aruru ovara ane Iudea eiei iki mere, Ierusalema mere, Turia, Sidona ane enu miri mere, Una voa viriai, U omo maia aukariekava’ane‐iai, oro U ai anenave;

18I upu avaea oro kuku?-?nu‐ekavakei’inave: oro aukariekavakei’inave.

19A’a aruru uriria nekeai oro ipia‐mi’inave: uku iva U mere elemanenave, uriria aukariekanave ane.

20Una aivara U inamu?-?ekiekanave, erau voa kuruenave, Noro oea‐rokoa a’a e, noro kopai‐nakavakeina: uku Eloi inu eiei noro eiai uakeina.

21Noro eai pei navainavaili’ina noro kopai‐nakavakeina: uku noro lai aukiakeiakana. Noro awku eai vikirina noro kopai‐nakavakeina: uku noro kekeliakana.

22A’a noro vai’i‐nakava’ane, lainakava’ane nomo a’a mere, anakaia voa kurunaiane, nomo nawi ane lariliane, uku A’a anu Mere eiai, noro kopai‐nakavakeina.

23Kurua lare ai kopaili’ine, kopai eiai ekeli’ine: uku nomo kavani ovara keina pani muku ai: uku orau omo mai‐oro liaka laikorava a’a eiai.

24Umu e, aru mo’onu mia a’a e! uku nomo kavani noro miane euna.

25Umu e, noro eai pei lai aukiakeina! uku noro pei navai‐navailiakana. Umu e, noro eai kekeli’ina! uku noro awni mu’u mailau liakana, vikiriakana ane.

26Umu e, a’a uriria keponaiane! uku orau omo mai‐oro li’inave ewaea laikorava a’a eiai.

27A noro virimakina Nai kurunaina, Nomo mani a’a noro umu‐ekane, oro awku vai’i‐nakana noro paiekane,

28Oro ivave‐nakana noro kopai‐ekane, oro mani‐nakana oro eiai noro nawki‐awkane.

29A’a ni variri vakina variri e kukine u vakiane‐iai; a’a ni piliue iou‐mi’ina ni piliue e iou‐miai ni pa eiai.

30A’a kavakava nawki?-?nikana ni awkune; u ane u ni aru iou‐mi’ina, ni aru vairuai ni nawki pa awkavai.

31Orau noro umuli’ina a’a liai noro eiai, orau noro awku li’ine oro eiai.

32Noro umu‐ekava’ane oro umu‐nakana, oi avioia ana noro mi’ina? uku namea a’a umu‐ekana oro ane oro umu‐ekana.

33Noro imaliane oro eiai oro ane oro imali’ina noro eiai, oi avioia ana noro mi’ina? uku namea a’a awku orau li’ina.

34Noro aru ara‐emiane oro ane oro mere kavani miai noro araea’araeali’ina, oi avioia ana? uku namea a’a aru ara‐awmi’ina namea a’a eiai uku kavani ipi’ipia miai.

35Nomo mani a’a umu‐ekane, imali’ine, ara‐awmi’?-?ine ane, kavani pa araea’?-?araealiai; nomo kavani ovara?-?mai keiakana, Mukua Epe’epe enu mere noro keiakana: uku U umu keina umu eria namea a’a eiai.

36Noro umu keine, orau nomo Mai awku umu keina.

37Voa pa veve’eai, noro voa vevenaiakeiapea; a’a mua pa awkavai, noro mua?-?nakavakeiapea: paue’awmi’ine, noro paue‐namiakeia?-?kana.

38La’aruku awkune, la’aruku nakuakeiakana; ikiau evopoakeia, oiniakeia, upuakeia, nakuakeiakana. Uku ikiau ipi’ipia noro ipina orau ipiakeiakana noro eiai.

39Aipo voa U erau voa veve’einave, Inamu‐apua a’a inamu‐apua a’a e oravai amali’i? orere aroa laru ai aravapeana?

40Aivara una amua upa mere keiape: a’a kavakava anana evere’eakeia’ane una amua orau u keiakana.

41Uku oiana iri‐uku mau’u ni inamu‐ekiawkana ni aroa a’a anu inamu laru ai, a iri‐uku ovara ni inamu laru ai ni laikora‐nikiapea?

42Ni aroa a’a ni eka’amakurumau, Ovaki e, iri‐uku mau’u ni inamu mere nai uakinamiki, iri‐uku ovara ni inamu laru ai ni laikora?-?nikiape liane? Ewaea vaki e, pinai iri‐uku ovara mi‐awmi’ine ni inamu mere, ni imai inamu‐oiakana iri‐uku mau’u mi‐awmiai ni aroa a’a anu inamu mere.

43Uku iri ima uru ivave a‐merinakea; iri ivave uru ima a‐merinakea.

44Uku iri inu uru iri kavakava ipaliakeina. Uku aimu mere a’a veila akounakea, kaia manumanu mere a’a ma a‐awkeke?-?nakea.

45Ima a’a una umu mere ima awku mi‐anena; lipi a’a una umu mere lipi awku mi‐anena: uku umu unu veruku mere ane epo voa kuruna.

46Uku oiana noro Amua, Amua, iroina, noro awku liape liane Nai nakina?

47A’a kavakava Nai ai anena, Na voa virina, kamaia‐ekana ane, una aipo Nai ipanakiakana:

48U a’a orau marea la‐okamakina, u kae aroa korana, u’uri rawre upa mere aiekina; ere aru anea’ane, ere ovia marea vakiane, ere marea vanovanoliai liapea, uku marea kane la‐okavakeina.

49A kurua a’a u viriane euna, kamaialiape ane, u a’a orau una marea ururu unu kae ai u la‐oka’ane euna, marea u’uri kane mako miape; ere ovia ei marea vakina, marea emoki oa’ana, marea anu upupua ovara mai keina.

Currently Selected:

Luka 6: IAR1920

Highlight

Copy