Luka 23
23
1A’a uriria kaupukiakei’inave oro lala’anave, Pilato paku ai ora’anave ane.
2Onai‐awkavai oro awkamakei’inave, erau voa kurumakei’inave, Ene kaki a’a awkono avao ai ei vaki ewaea ipawkia vaki enei auiane euna, a’a eimakei’inave uku kavani Kaisara awkuai, U kurumakei’inave ane U Keriso keina, Amua awku keina.
3Pilato erau voa veve’enave, Ni Isaraela a’a anu amua ana? U erau voa kurunave, Ni orau kuruna.
4Omoro amua a’a, a’a aruru ane, Pilato erau voa kuruenave, Ei a’a anu namea nai auiape.
5Erau voa oro iviri kurumakei’inave, A’a aruru U iara‐ekamakina uku Una ipawkia voa eiai Iudea eiei iki ai, Galilaia mere pinai?-?limakina anea’anea ei mako ai.
6Pilato ei voa viriaka’ane u veve’enave ei a’a Galilaia a’a ane.
7U ipalimakei’inave Iesu Heroda anu voa vevea eiei a’a kei’inave, Heroda ai u okaivirinave; ou pani ai Heroda awku Ierusalema ai pokoinave.
8Heroda Iesu inamu‐oiaka’ane u kopai‐mai li’inave: uku pani va’au Iesu inamu‐oiai u umuli’inave, uku voa aila u viriaka Iesu eiai; Iesu iva iaki liai u inamu‐oiai u araea’araea‐li’inave.
9U Iesu voa aila veve’enave, Iesu voa eria kurunave.
10Omoro amua a’a, kikiria a’a ane, lala’anave, iara onai‐ulau’unave ane.
11Heroda una aiau kiripai Iesu inaka‐awkamakei’?-?inave, oro keke‐makiri‐awkanave, vaupa a’a kape luki‐awmi’inave, Pilato ai moawku okaivirinave.
12Kurua lare ai Pilato, Heroda ane, airu evere’eiakei’inave; orere mani a’a keiaka.
13Omoro amua a’a, a’a aruru unu mai‐oro ane, Pilato kaupukiaka’ane.
14U erau voa kuruenave, A’a aruru unu ewaea ipawkia a’a noro ei a’a arekava’ane euna na paku ai: noro paku ai nai voa veve’eane euna, ewaea eria nai auiane euna ou awku eiai noro onai?-?ulauna:
15Heroda awku ewaea eria auiane euna uku U eiai: uku Heroda moawku okaiviriane euna ene paku ai, uku eria keina avakeiai.
16Ou uku eiai nai vaki‐awmiakana, ururuakana ane.
17(Ei pani inu opara uakei’inave purai pani ai a’a monou u ururuai limakina.)
18A’a aruru uriria voa araro laeali’inave, erau voa kurunave ane, Ei vaki iou‐mi’ira, Baraba ururura enei eiai.
19(Ei a’a, Baraba, uku iara rawre pai’iri laru ai u eaka, avé eiai awku, upi?-?riakei’inave kipura marea laru ai.)
20Pilato Iesu ururuai umulimakei’inave, voa moawku kuruenave
21Voa araro oro nanali’?-?inave, erau voa kurunave ane, Iri keoa upa mere a’ane, iri keoa upa mere a’ane.
22Rere kaiane pani u erau voa veve’einave, Oi lipi ana U liane euna? avai uku eria nai auiane euna: nai vaki‐awmiakana, ururuakana ane.
23Oro voa araro laeali’inave U avakeia’ane‐iai iri keoa upa mere. Omo voa evere’eakei’inave.
24Pilato voa evere’enave orau oro umuli’inave.
25Kurua vaki piriakei’inave iara rawre, avé ane, eiai u ururunave, orau oro umuli’inave; Iesu u ekunave oro liane‐iai orau oro umu?-?li’inave.
26Oro oravaka‐enama?-?kei’inave, Kurene enu a’a, nawi Simona, oro a’akinave, u avari mere anemakei’inave, una ano ai oro iri keoa ai’inave, uku u vakaruane‐iai Iesu neko ai.
27A’a aruru ovara awku, a’ero ane, e’e’okanave, oro awni mu’u mailau awkamakei’inave, vikirimakei’inave ane U eiai.
28Iesu urukimakei’inave, erau voa kuruenave, Ierusalema anu paka e, viki pa liai Nai eiai, a noro eiai vikirine, nomo ukua‐mere awku eiai.
29Uku lare aneliviai anelia a’a erau voa kuruakana, Kono a’ero kopai‐ekavakeina; ame‐oro awku ame ekuape.
30Oro akapu erau voa kurueakana, Arane enei upa mere; ruakine ane.
31Oro iri awkiri orau liane, oro iri nawawre orau oiamalimau?
32Namea a’a rere era?-?vaka‐enamakei’inave e‐avakeiai U kiripai.
33Mako nawi La’aro Epamu oro i‐paiaka’ane, iri keoa upa mere oro a’anave, namea a’a rere ane, monou Una eve miki mekai, monou Una eve keau mekai.
34Iesu erau voa nawki‐awkanave, Mai e, paue’emi’?-?ine, uku oro a‐ipali’inakea iure oro limakina. Oro aua aua miane‐iai Una a’a kape oro kokoranave.
35A’a aruru inamu‐ekiawkamakei’inave oinave; mai‐oro awku oro awkono avao ai keke‐makiri‐awkanave, erau voa kurumakei’inave, A’a e U iekanave, Eloi inu Keriso, Ie’ea a’a ane, U keia’ane, Una nane U iawkanamoki.
36Aiau awku kekema?-?kiri‐awkanave, U ai anemakei’inave, iara ere awkumakei’inave ane.
37Erau voa kurumakei’inave, Ni Isaraela a’a anu amua a’a keia’ane, inikane.
38Revareva Una uku upa mere erau voa kikiriakei’inave: ISARAELA A’A ANU AMUA EIRE
39Namea a’a monou eokavakei’inave anara voa erau voa kurunave, Ni Keriso peana? Inikane, enere awku iakane.
40Namea vaki e una a’a anu voa ei’inave, erau voa veve’enave, Ni awku Eloi korelia‐peana, uku ni awku mua anu kavani eiai imumakina?
41Opara anana enere imumakina, kavani miki eire enere namea eiai, a ei a’a opara namea liape.
42Ei a’a Iesu erau voa kurunave, Ni eiei Ni ikiriane Ni laikora‐ikine.
43Iesu erau voa kurunave, Nai kurunina kapoi, Eai lare Nai kiripai ni poko?-?ima Paradiso ai.
44Lare uku unu pani kei’inave, pani va’au iki muru kei’inave anea’anea pukurua pani ai.
45Lare muru awkavakei’inave, omoro marea anu iaa lalava mai‐kapua vimu ai koravakei’inave.
46Iesu voa araro laealiaka’ane, U erau voa nawki‐awkanave, Mai e, Ni eve mokono ai Na avaea Nai aina: U orau kuruaka’ane, U imunave.
47Aiau marevaki awku liakei’inave u inamu‐oiaka’ane, u Eloi avioinave, erau voa kurunave ane, Ei a’a opara anana a’a kapoi.
48A’a aruru uriria i‐kaupukiakei’inave, awku liakei’inave oro inamu‐eimakei’inave, omo ukari vakimakei’inave oro pai’iri ai vairunave.
49Una a’a uriria, a’ero ane, e’e’okanave Galilaia mere, ei awku inamu‐eimakei’inave oro amai mere oinave.
50Sunederi a’a monou, nawi Iosepa, u ima a’a, opara anana a’a ane, kei’inave:
51(Sunederi a’a anu opara Iesu eiai u evere’eakape; ) U Arimatea a’a Isaraela a’a anu pai’iri: Eloi inu eiei eiai u awku aioiaka‐pokoinave.
52Ei a’a Pilato ai enanave, Iesu unu kape miai u nawki‐awkanave.
53U kape iri keoa upa mere iou‐mi’inave, kapua pirinave, lauoi nawawrea laru ai i’inave ane, lauoi rawre laru ai koravakei’inave, a’a e ei lauoi laru ai a’i’iakei’?-?inavea.
54Purai pei evere’ea lare eire, Sabati lare arekamu ai kei’inave.
55A’ero awku U kiripai Galilaia mere aneaka, oro e’e’okanave, lauoi inamu‐oinave, mako awku lauoi laru ai Una kape kei’inave.
56Oro pai’iri ai vairunave, mera muri muramura oro karikinave, vupu unu ipawkia voa orau oro Sabati lare laikai’inave.
Currently Selected:
Luka 23: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
