Luka 22
22
1Veila ika eria pu purai arekamu ai anenave, purai nawi Pasova oroiakei’inave.
2Omoro amua a’a, kikiria a’a ane, uku evoromakei’inave oro Iesu a’ane‐iai; uku a’a aruru oro kore kei’inave.
3Satani Iuda ikirinave, u aivara 12 inu kaupu a’a kei’inave, nawi mo Isakariota u oroiakei’inave.
4U elenave, omoro amua a’a, aiau marevaki a’a ane, kiripai u voa kurunave, u Iesu anai‐aviane‐iai.
5Oro kopaili’inave, kuruei voa kurunave ane uku moni kavani oro awkuakana.
6Omo voa kavani eiai u evere’enave, u pani aioiaka‐pokoinave a’a aruru U kiripai a‐pokoinavea ane, uku anai‐aviai.
7Veila ika eria pu purai lare anenave, kurua lare Pasova mamoe ukua avai limakina.
8Iesu Petero, Ioane ane, ekaivirinave, erau voa kuruenave ane, Enara, pasova pei evera, enei na’ane‐iai.
9Orere erau voa veve’enave, Enere pei eka’ama?-?evemau?
10U erau voa kuruenave, Akoi’i, norere pai’iri ikiriane, a’a au‐nakuakana, ere vana vakarumakeiakana; e’e’okane marea laru ai u ikiriakana.
11Norere marea anu mai?-?vaki erau voa kuruakana, Amua vevenina, aki a’a anu lalava ekeiana, Nai pasova pei i‐navakana Na aivara kiripai?
12Marea upa mere lalava ovara u ipanakiakana, aru uakeina ane: iou ai pei evene.
13Orere enanave, auinave ane orau U kureaka: pasova pei orere evenave.
14Pei pani aneaka’ane, iva a’a 12 kiripai U pa’anave.
15U erau voa kuruenave, Umu miki Nai umuliane euna ei pasova pei navai noro kiripai Na kukunu pani paku ai.
16Uku Nai kurunaina, Ei purai inu pei Nai moawku na’apea, anea’anea ei purai inu miki iki evere’eakeia’ane Eloi inu eiei laru ai.
17Koiri U mi’inave, nawki‐awkanave ane, U erau voa kuruenave, Mi’ine, noro aua‐mi’ine ane noro awkono avao ai;
18Uku Nai kurunaina, Iri uru unu ika Nai na’apea anea’anea Eloi inu eiei anea’ane.
19Pu awku U mi’inave, nawki‐awkanave ane, vepenave ane, au‐ekunave ane, erau voa kuruemakei’inave, Na kape eire awkuakeina noro eiai: uku laikora‐ikiai ei opara li’ine.
20Pei oailiakeia’ane koiri awku U au‐ekunave, erau voa kuruenave, Ei koiri kuruei nawawrea keina i Na aro evere’eakeina, Na aro orekavakeina noro eiai.
21Akoi’i, kurua vaki anai?-?avi’imakina una eve Nai kiripai pakara ai keina.
22Orau evere’eakei’inave A’a anu Mere Una kapea enana kapoi: au’a Una anai‐avia vaki eiai!
23Oro voa veve’eimakei’inave eka vaki ana ei opara liakana.
24Oro voa kavakava ekinamakei’inave uku kurua a’a omo amua evere’eakana.
25U erau voa kuruenave, Lai unuku a’a amua a’a mi’ina amua‐ekavai; oro ane oro amua‐ekana oro paioka a’a eroiakeina.
26A noro orau keiapea: a kurua a’a noro awkono avao ai amua keina, kikoro a’a orau u evere’enamoki; u ane u amua a’a keina, aivara a’a orau u evere’enamoki.
27Ekara a’a amua a’a keina, u ana u pei navai pa’ana: pei kamaia awkua a’a ana? U peana u pei navai pa’ana? a Nai noro awkono avao ai pei kamaia awkua a’a orau keina.
28Noro Nai kiripai pokoiane euna Na kukupuna pani ai.
29Nai eiei nakuna orau Na Mai eiei ikuane euna;
30Na eiei laru ai Na pakara ai noro pei nava’ane‐iai, amua pakara upa mere papa’ane‐iai Isaraela kaki a’a 12 voa veve’eimakeia’?-?ane‐iai.
31Amua erau voa kurunave, Simona e, Simona e, Akoi’i, uku ni‐miai Satani nawki‐awkava’ane euna, u mumunu‐nikava’ane‐iai orau kawni mami mere mumunu?-?awkavakeina:
32A ni eiai Nai nawki‐awkava’ane euna, ni pirimaroakoa aveninavaia: ni a’a miki lai urukiane, ni aroa a’a ni paiekava’ane‐iai.
33U erau voa kurunave, Amua e, nai iviri keina Ni kiripai kipura marea ai enavai, imuai ane.
34Iesu erau voa kurunave, Petero e, Nai nikina, kokora‐vaki ei lare vikiriapea, anea’anea pani rere kaiane ni kuruane ni ipa?-?ilauapea.
35U erau voa veve’einave, Moni eria, pei akeke eria ane, rawre are eria ane Nai nakaivirinave’ane, noro peipei oea ama‐rokoa’e? Oro erau voa kurunave, Ai, awku eria enei oea‐rokoanave.
36U erau voa kuruenave, Kurua a’a u moni mi’ina una moni u mi’inamoki, orau awku a’a pei akeke mi’ina, u mi’inamoki: kurua a’a rawve eria mi’ina, una a’a kape u inaea‐li’inamoki u rawve inaealiane‐iai.
37Uku Nai kurunaina ei Iaa revareva voa kikiriakeina Nai eiai evere’eiai limakina, Namea a’a kiripai U akoakei’inave: uku ou voa Nai eiai evere’ea mi’ina.
38Oro erau voa kurunave, Amua e, Akoi’i, rawve rere eu aku. U erau voa kuruenave, Oaio!
39U elemanenave, Una opara orau U Oliveta akapu ai enanave; Una aivara e’e’okanave.
40U i‐paiaka’ane U erau voa kuruenave, Nawki‐awkane, noro ailia mi’inavaia.
41Rawre koroia anu eiei oro mere U laikinave; U are epo ai’inave, nawki‐awkanave ane.
42Erau voa kurumakei’inave, Mai e, Ni umuliane, ei koiri Nai mere lai‐awkane: a Na lai peo, Ni lai li’inamoki.
43Aivara‐avaea pani muku mere Una paku ai erenave, iviri‐awkamakei’?-?inave ane.
44Uku lai kukunu ovara U iviri nawki‐awkanave: Una la’ania aro orau ka’e ai ara’amakei’inave.
45Nawki‐awkava mere U la’avaka’ane, Una aivara ai aneaka’ane, uku omo lai kukunu oro awaw‐keimakei’?-?inave U auienave,
46U erau voa veve’einave, Uku oiana noro awawkeimakina? lala’ane, nawki‐awkane ane, noro ailia mi’inavaia.
47U voa kurumakei’inave ane, a’a aruru Iuda omo paku ai U ai anenave, Iuda aivara 12 unu kaupu a’a kei’inave, uku Iesu epo?-?awmiai, u Iesu arekamu ai anenave.
48Iesu erau voa veve’enave, Iuda e, A’a anu Mere ni epo ama‐awmi’i ni anai‐aviane‐iai?
49Oro Iesu avikimakei’inave ei awku inamu‐eiaka’ane, oro erau voa veve’enave, Amua e, enei rawve ama‐vakimau?
50Omo a’a monou omoro amua anu aivara vaki‐awmi’inave, una eve miki mekai keporo ei’inave ane.
51Iesu erau voa kurunave, Noro evere’i’ine. A’a anu keporo U nekenave, aukarikanave ane.
52Omoro amua a’a, omoro marea aiau unu marevaki ane, mai‐oro ane, Iesu piriai aneaka’ane, U erau voa veve’einave, Rawve, iri iei ane, avapu no’ovea a’a orau piriai, noro ama‐ane’i?
53Lare kavakava Nai noro kiripai omoro marea laru ai pokoiaka’ane, ipiriai noro eve oiokavakape; a nomo pani eire, muru unu iva pani ane.
54Oro pirinave, arekanave ane omoro amua a’a anu marea ai. Neko ai amai mere Petero e’e’okanave.
55Oro marea anu vara laru ai iau awkuaka’ane, papa’avaka’ane, Petero oro kiripai pa’avaka.
56Aivara paka monou inamu‐oinave u iau paku ai pa’amakei’inave, u iviri ekiawkamakei’inave, erau voa kurunave ane, Ei vaki awku U kiripai uarokoanave.
57U erau voa kurunave, Ai, a’e, nai ipa‐ulauapea.
58Maura pani a’a inamu‐oinave, erau voa kurunave ane, Ni awku ei kaupu unu a’a keina. Petero erau voa kurunave, Ai, vaki e, nai ei kaupu unu a’a peo.
59Pani va’au apea neko mere ai a’a mo erau voa kurunave, Ei vaki U kiripai uarokoanave kapoi: uku u Galilaia a’a keina.
60Petero erau voa kurunave, Vaki e, ni voa nai ipapeo. U voa kurumakei’inave ane kokora vaki emoki vikirinave.
61Amua urukinave, Petero inamu‐ekiawkanave ane. Petero voa laikorakinave Amua kuruaka, Kokora vaki vikiriapea anea’anea ni kuruane pani rere kaiane ni ipa?-?ilauapea.
62Petero elenave, viki ovara u vikirinave ane.
63A’a Iesu a’akinave oro keke‐makiri awkanave, vaki?-?awmi’inave ane.
64Una inamu oro kapua piriaka’ane U inamu‐oinavaia, Una paku oro vaki?-?awmi’inave, erau voa veve?-?enave ane, Ipakine Ni lai korava a’a keina, koama vaki‐nimi’e?
65Awku e aila oro mai‐voa kurunave U eiai.
66Merea pani ai a’a aruru unu mai‐oro, omoro amua a’a ane, kikiria a’a ane, kaupukinave. Omo voa vevea marea laru ai U arekavakei’inave, oro erau voa veve’enave,
67Ni Keriso ana? Ni akine. U erau voa kuruenave, Nai nakiane noro pirimaroakoapea:
68Nai voa vevenaiane, kavani voa noro ikuapea, noro ururuiapea.
69Ei pani mere opai keiakana A’a anu Mere Eloi inu iva eve miki mekai pa’avakana.
70Oro uriria erau voa veve’enave, Ni Eloi inu Mere ana? U erau voa kuruenave, Lia, orau noro kuruna, Nai U keina.
71Oro erau voa veve’enave, Oi oea ana uakeina ione voa e eiai? uku Una ane epo mere ione voa enei viriane euna.
Currently Selected:
Luka 22: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
