Luka 21
21
1Amua a’a omo la’aruku omoro marea anu moni maua eimakei’inave U inamu‐ei’inave.
2Rurupu a’e kepea monou awku U inamu‐oinave una moni mau’u maua eimakei’inave.
3U erau voa kurunave, Nai kurunaina kapoi, ei a’e kepea anu la’aruku ovara keina, omo la’aruku uriria mau’u keina:
4Uku ei a’a uriria omo moni mo’onu mere moni varomo e la’aruku Eloi awkuane euna: a ei a’e kepea moni oea‐rokona una moni iki u awkuane euna.
5A’a varomo kurumakei’inave uku omoro marea anu vaupa rawre, la’aruku ane, U erau voa kuruenave,
6A uku ei awku noro inamu‐eimakina pani aneliviai anelia eu ai ei marea anu rawre rawre mo upa mere keiapea, oro uriria upupua?-?keiakana.
7Oro erau voa veve’enave, Amua e, ekarapani ai ei awku evere’eiakeiakana? Oi veia ana keiakana ei awku evere’eiai awkama?-?keiakana?
8U erau voa kuruenave, Naivirine, noro ewaea‐naka?-?vakeinavaia: uku a’a aila aneakana Na nawi eroiakeiakana, erau voa kurumakeiakana, Nai Keriso keina; pani arekamu ai aneliviai anelia; noro pa e’e’ekavai.
9Noro epo voa viriane uku apaki, voaki ane, eiai, noro kore pa liai; uku ei awku pinai aneai limakina; oailia pani emoki aneapea.
10U erau voa kuruenave, Kaki a’a kaki a’a e mani‐lala’avakana, eiei a’a eiei e enu a’a mani‐lala’avakana:
11Pani va’au oioi ovara liakeiakana, mako‐mako ai pei oea, maia ni’iri ane, keiakana; veia ovara ane pani muku mere ereakana.
12Ei awku uriria anu anea pani paku ai oro napiriakana, mani‐nakavakana ane, uku voa vevenaiai Na nawi eiai oro napiriakana omoro marea ai, kipura marea ai ane.
13Ika pani ai ei awku uriria ione keiakana uku nomo opara miki eiai.
14Noro lai iviri mi’ine, noro lai ipiapea uku kavani voa eiai:
15Uku voa, lai evera ane, Nai nakuakana, nomo mani a’a kapeo nomo voa kavani awkuakana.
16I a’e mai ane, aroa a’a ane, ovaki airavaki ane, nomo a’a ane, noro anai‐aviakeiakana; nomo a’a varomo e‐avakeiakana.
17I a’a uriria Na nawi eiai noro vai’i‐nakavakeiakana.
18Nomo uku unu kimari monou oavakeiapea.
19I nomo lai kekepa nomo imunu noro iekavakana.
20Noro inamu‐oiane Ierusalema aiau avikiakeia’ane, noro ipaliakana pai’iri inu oava arekamu ai keina.
21Ou pani ai oro Iudea eiei ai i‐pokoiakana oro akapu ai area‐enanameki; oro awku pai’iri laru ai pokoiakana oro elenameki; avari pokoia a’a oro pai’iri ai pa vairuai.
22Uku ei lare pani ipu‐mia anu lare keina, uku awku uriria kikiriakeina oro evere’eiakeia’ane‐iai.
23Au’a a’ero eiai oro nemo keiakana kurua pani ai, oro awku eiai oro upi ame ekuakana! uku kukupuna ovara, iara ane, keiakana ei a’a eiai.
24I rawve enu epo oro aravakana, oro piria‐erava?-?keiakana kaki a’a uriria anu pani va’au ai; Ierusalema pai’iri i lai unuku a’a anu are oiniakeiakana, anea’?-?anea lai unuku a’a anu pani evere’eakeia’ane.
25Lare ai, ia ai ane, rawpu ai ane, veia keiakana; pani va’au ai kaki a’a kukupuna miakana; uku ere aura anu rawre, menono ane;
26Uku kore a’a oia eavu?-?limakeiakana, uku aioiaka?-?pokoimakeiakana awku eiai pani va’au ai aneliviai anelia: uku kaia anu iva‐vawpo iakari‐ekavakeiakana, kuku?-?puna‐ekavakeiakana ane.
27Ou pani ai A’a anu Mere oro inamu‐oiakana awporo laru ai anemakeiakana; iva, evao’evao ovara ane, U mi‐anemakeiakana.
28Ei awku evere’eiai awkamakeia’ane, upa mere inamu‐ekine, nomo uku la‐ekane ane, uku nomo iawka arekamu ai aneliviai anelia.
29Aipo voa U kuruenave, Akoi’i, kurua uru iri, iri uriria ane,
30Oro ilo‐ereane, noro inamu‐oina, ipali’ina ane, aumeia pani arekamu ai keina.
31Orau awku noro inamu‐eiane ei awku evere’eiai, noro ipaliakana Eloi inu eiei arekamu ai keina.
32Nai kurunaina kapoi, Ei kiri a’a imuapea anea’?-?anea ei awku uriria evere’eiakeia’ane.
33Pani va’au, kaia ane, periakana: a Na voa periapea.
34Naivirine nomo umu mu’u liakeinavaia uku pei nemo konono na’amakina, mawka ane, ei rokoa anu kukupuna ane, kurua lare, uai orau, anenavaia noro eiai.
35Uku ekeni orau kurua lare aneakana a’a uriria eiai pani va’au iki pokoimakina.
36Ou uku eiai noro oivirine, nawki‐awkane ane panipani ai, noro iviri‐nakava?-?keia’ane iai noro area‐enavai ei lipi uriria mere aneliviai anelia, uku noro A’a anu Mere enu paku ai oiane‐iai.
37Ou pani ai Una opara lare pani ai omoro marea laru ai ipawkiai; kipere pani ai U elenave, Oliveta akapu ai i‐pokoinave ane.
38Merea pani ai a’a aruru uriria U ai anenave omoro marea laru ai uku Una voa viriai.
Currently Selected:
Luka 21: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
