Ioane 3
3
1Parisea a’a nawi Nikodemo oroiakei’inave, u mai‐vaki kei’inave Isaraela a’a awkono avao ai:
2Kipere pani ai u Iesu ai anenave, erau voa kurunave ane, Rabi e, enei ipali’ina Ni omoro a’a Eloi mere anea’ane euna: uku a’a kapeo ei iva veia liai li’ina Ni limakina, Eloi u kiripai pokoiape liane.
3Iesu erau voa kurunave, Nai kurunina kapoi, A’a moawku kiniakeiape liakeia’ane, Eloi inu eiei u inamu‐oiai liapea.
4Nikodemo erau voa veve’enave, A’a mai‐vaki keia’ane moawku eka’ama?-?kiniakeiamau? Una mei inu ivei u moawku ama‐ikiri?-?mau, moawku kiniakeiamau?
5Iesu erau voa kurunave, Nai kurunina kapoi, A’a ere mere, Avaea mere ane, kiniakeiape liakeia’ane, Eloi inu eiei u ikiriai liapea.
6Kurua awku oia mere kiniakeia’ane euna oia keina; kurua awku avaea mere kiniakeia’ane euna avaea keina.
7Pa varuavai uku Nai erau voa kurunina, Noro uriria moawku kiniakeiai limakina.
8Pani inu opara orau kavaea evukina, una kiri ni virina, mako mere u anena ni a‐ipali’inakea, una aki‐ena mako ane ni a‐ipali’inakea: orau awku uku a’a kavakava Avaea mere kiniakeina.
9Nikodemo erau voa veve’enave, Ei awku uriria eka’ama‐evere’ei’i?
10Iesu erau voa veve’enave, Ni mai‐vaki ana Isaraela a’a awkono avao ai, ei awku ane ni ipapea?
11Nai kurunina kapoi, Enei kuruna uku awku enei ipali’ina, ioneli’ina ane uku awku enei inamu‐eiane euna; a noro uriria ene ione voa inakali’ina.
12Nai kurunaiane euane uku pani va’au awku eiai, noro pirimaroakoape liane, noro eka’ama‐pirimaroakoamau Nai kurunaiane uku pani muku awku eiai?
13A’a kapeo pani muku ai inava’ane euna; a A’a anu Mere Una mako mere pani muku ai U kinuane euna pani va’au ai.
14Orau Mose paiko la‐okanave kekepere ai, orau A’a anu Mere la‐okavakeia?-?kana:
15Uku a’a kavakava ane u pirimaroakona opai rokoa miane‐iai.
16Uku Eloi pani va’au umu‐awkanave kapoi, Una naumuki Mere U awkunave, a’a kavakava ane u pirimaroakona u imunavaia, a opai rokoa u miane‐iai.
17Uku Eloi Una Mere pani va’au ai okaiviriakape pani va’au mua‐awkavai: a uku i U mere pani va’au iawkavakeia’ane‐iai.
18A’a pirimaroakona u mua‐awkavakeiape: a kurua a’a a‐pirimaroakoanakea u eai mua‐awkavakeina, uku Eloi inu naumuki Mere enu nawi u pirimaroakoape.
19Mua‐awkava anu uku eire, pamea pani va’au ai anea’ane euna, a’a muru ie’enave, pamea oro larili’inave, uku omo opara namea kei’inave.
20Uku namea‐lia a’a kavakava pamea vai’i‐awkana, pamea ai u a‐anenakea, una opara ipekiakeina?-?vaia, mua‐ekavakeinavaia ane.
21A u ane u opara anana li’ina pamea ai u anenake, uku una opara ipekiakeia’ane‐iai oro Eloi inu paku ai liakeia’ane euna.
22Neko mere ai Iesu Una aivara kiripai Iudea eiei ikirimanenave; oro kiripai i‐pokoinave, bapatiso‐li’inave ane.
23Enona ai, Salima arekamu ai, Ioane awku bapatiso‐limakei’inave, uku ere ururu aila iou ai kei’inave: a’a anenave, bapatiso‐ekavakei’inave ane.
24Uku Ioane kipura marea piria‐a‐kei’inavea ei pani ai.
25Ioane enu aivara varomo, Isaraela a’a ane, voa kamukamu kurumakei’inave uku kape ere‐kiai opara eiai.
26Oro Ioane ai anenave, erau voa kurunave ane, Rabi e, kurua a’a Ni kiripai Ioridana iou anelai kei’inave, U eiai ni ioneli’inave, U bapatiso‐limakina, a’a uriria U ai anena ane.
27Ioane erau voa kuruenave, A’a awku eria miai li’ina, awku awkuakeiape liakeia’ane pani muku mere.
28Noro verukua ioneliai li’ina nai erau voa kurunave, Nai Keriso peo, a U paku ai nai ikaiviriakeina.
29Kurua a’a a’e mi’ina u vako vaki keina: a vako vaki inu a’a arekamu ai oina, vako vaki inu voa virina ane, kopai ovara u li’ina vako vaki inu voa eiai: ou uku eiai eai na kopai evere’eakeina.
30U ovara la’avai limakina, a nai mau’u evere’eai limakina.
31U ane U upa mere anena uriria upa mere U keina: u ane u pani va’au mere anena u pani va’au unu a’a keina, voa awku u kuruna uku pani va’au eiai: a U ane U pani muku mere anena U uriria upa mere keina.
32Kurua awku U inamu‐oiane euna, viriane euna ane, kurua awku eiai U ioneli’ina; Una ione voa a’a kapeo pirimaroakona.
33A’a kavakava Una ione voa pirimaroakoane euna, u iki e’eane euna Eloi miki keina.
34Uku U Eloi okaiviriane euna Eloi inu voa U kuruna: uku Eloi Avaea aua‐aua a‐awkunakea.
35Mai Mere umu‐awkana, awku uriria Una eve mokono ai U aiane euna ane.
36Kurua a’a Mere pirimaroakona u opai rokoa mi’ina: kurua a’a Mere pirimaroakoapea u rokoa inamu‐oiapea; Eloi inu iara u upa mere keina.
Currently Selected:
Ioane 3: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
