Mathiu 21
21
1An netakarua iwaket to Jerusalem, netakarua to Bethpej le touar Oliv min. An Iesu neterhalipen tan ieremim mil kiu, meni to ilau,
2Iavan to nauanu le ten levinpen to kamilau, an ihwe am tenepuahm as kameruatin ilau nerin. Tenekiaresin an miair miava tonio.
3An ama ieremim ker tereni nar ker to kamilau, nukuani, muoma, Ieremera rolkeikei ilau; an ihwe am in terethalipa ilau.
4Nar uk kenol moma reknet le nar kameni le profeta, moma,
5Ani to beresuas neri Zaion,
Ahm ru, Ieremera taham terua tonik,
Meruk an mowata letui as,
Mene letui as vi neri as.
6An tan ieremim mil netikiavan miaol nar ka Iesu rameni to ilau, netikiair as mene nerin miava,
7An netakaihlaupen lan nar kamarviu ilar in; neterowata lan.
8An neremim ribor le nahuto netakareipin nar kamarviu ilar in le suatu, an nevin mun kameirai nelimin nik mamehlau le suatu.
9An nahuto kamaiupan in an nerem kamaiuatisig netakamaisak, mama, Hosana le Neri Devid! Ierem keikei ierem rava le netigen Ieremera, Hosana iles aken.
10An neterua Jerusalem, an neremim petum le nauanu nekin ilar ragien, moma, Pehe ena uk?
11An nahuto min netakani, In uk profeta Iesu te Nazareth i Kalili.
12An Iesu neteruan le nimwa ahwak, an neterhaliatou petum nerem kamaiurai in nar maros nemrin nar le nimwa ahwak, an neterahwin tebel te nerem kametain moni mene nar kamowata lan te nerem kamaiurai in menuk.
13An netereni to ilar, Kamrai moma, Tahak nimwa tepeni moma nimwa ahwak, mero kamiar nemarol kama nepag kapiel te nakihla.
14An netakarua ton nerem remrin ilar rou mene nerem nelikin ilar retat le nimwa ahwak: an neteramol ut ilar.
15An neremera le nuhwasigenan mene nerem kamatikun netakaihm nar ut aken ena in ramol mairo kova min le nimwa ahwak kamaisak, mama, Hosana le Neri Devid: Netakarol niehma kam in;
16An netakanipen ton, Ik nakamero nar nerem uk kamani? An Iesu netereni to Ilar, Ooh, kamiar nesaihman le nawowa, moma, Le hnulin nowasuas min mene kova kova min ik neknol kani vivi ik?
17An neterapas ilar, neterier le nauanu asul neteruan i Bethani, mapul iken.
18An lakapnipin neterelelegpen mun le nauanu asul, neteremek.
19An neterahm nihm ker le suatu, neterua ton, neteresahman nar ker mero numalin am; an netereni ton, Pas nowam terika loanepenian uk mene le nian min petum. An ihwe am nihm riknimer.
20An tan ieremim min netakaihm netakamaisak, mama, Retol nihm riknimer hwaihwe am?
21An Iesu neteraram menipen to ilar, Nuparhien tiakani to kamiar, takama tenakani nuparhienan lan, mesanian mun neiwean lan, tenesanian mama tenakarol am nar uk kamol le nihm, mero tenakani to touar uk, Tuklesit ik an kapelakpenin ik le tami tehe, an takol.
22An naremnar min tenakaihrapkin le nahwakan mamani nuparhienan lan, teneparos.
23An neterua le nimwa ahwak neterametikun, an netakarua ton neremera le nuhwasigenan mene nerem asul te nermim mamani, Netige fe nakamol nar min uk lan? An, Pehe ramofena kam ik nesanenan uk?
24An Iesu neteraram menipen to ilar, Io mun tiakahrapkin nar ker to kamiar, takama tenakani tonio, io mun tiakani to kamiar netige fe tiakol nar min uk lan.
25Nebaptisoan te Jon remsipeten, le neai wa le neremim? An netakamani to ilar min, mama, Takama tiakani, mama, Remsipe le neai, repeni to katar, Mero in ka retol nesanian nuparhienan lan?
26Mero takama tiakani, mama, Remsipe le ieremim, iakamarigin to nahuto, mero in ka neremim petum kama Jon profeta.
27An netakairam to Iesu mamani, Iakatiktik. An in netereni to ilar, An io mun tiesenian to kamiar netige fe tiakol nar min uk lan.
28Mero nekimiar rakahmo neta? Ieremim ker nerin kiu, an neterua to iraupan meni, Neruk, uan towe masum to vain.
29An neteraram meni, Io tiakuan, Ieremera: an resuanan.
30An neterua to iresuas meni nar karena, an neteraram meni, moma, Iakapas. An oatisig nekin netereleleg an neteruan.
31Ierem peten le ilau ramol nowa remin? Netakani ton, Iresuas. Iesu netereni to ilar, Nuparhien tiakani to kamiar, moma, Neremim tat mene neberan kamaroletat takaiupan le kamiar maruan le niko te Wuhgin.
32Mero in ka Jon rava to kamiar le suatu te tehwaga ut, an kamiar nesanian nuparhienan lan; mero neremim tat mene neberan kamaroletat netakani nuparhienan lan. An kamiar nakamaihm mero nakasalelegan maiuatisig mani nuparhienan lan.
33Airo hnoan nakaran ker mun. Ieremim ker ierem ramos nimwa ramsu vain le nasuman, neterol aparin, neteril nimil ton, neterol nimwa iakis ker, neterofen kam nerem kamaisum, mier muan le ten pusen ker.
34An nian te nowa nik reknua iwaket, an neterhalipen nolatkokun nar tahan to nerem kamaisum moma takaros nowa nik tahan.
35An nerem kamaisum ka netakaros nolatkokun nar tahan, netakahro ker, netakarhwapnin ker, an mamaru ker le kapiel.
36An neterhalipen mun nolatkokun nar nevin mun le nerem kamaiupan, netakarol nar karena to ilar.
37An oatisig neterhalipen nerin to ilar meni, Takaitelegin kam neruk.
38Mero nerem takaisum netakaihm nerin netakani to ilar min, Inuk ierem te nasuman, pas katar kahro maros nasuman tahan tetar.
39An netakaros in an netakailakiatou le nikali nasuman, marhwapnin in.
40An to nian ker ieremera te nasuman terua, neta terol to nerem kamaisum ka?
41Netakani ton, Teraphwapnin aken neremim tat ka, an terepofen nasuman kam nasum pusen, nerem takarosipen nowa nik kam in le nepenian tahan.
42Iesu netereni to ilar, Kamiar nesaihman le nawowa, moma,
Kapiel nerem kamarol nimwa kamaipas
Inuk kenol ieremera le nikali nimwa.
In uk remsipe le Ieremera,
An ravit aken le nemritar?
43Mero in ka tiakani to kamiar, Niko te Wuhgin taposita to kamiar an tapofen kam nerem takarol nowa tahan.
44An ierem teram le kapiel uk terepounasesan, mero ierem kapiel teram lan reperwasesan rivuk ivuk kama nemolul.
45An neremera le nuhwasigenan mene Farisi min netakairo hnoan nakran min tahan, an netakarhinatin moma rahmo nakaran le ilar.
46An netakarolkeikei mama tiakarhiapatin in, mero kamarigin to nahuto, mero in ka netakama in profeta.
Currently Selected:
Mathiu 21: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
