Mathiu 17
17
1An nepenian katilum mekarena neterua muan an Iesu neteros Piter mene Jems mene Jon nohran, neterir ihlel marit le touar apam ilar pusenam.
2An neterhwapen pusen to ihlel; an nemrin neteramselsel kama mit, an nar rakava lan neteretuan kama hnakakan.
3An ahm ru, netakhaihm Moses mene Ilaija kahmekar ihlel Iesu.
4An Piter neteraram menipen to Iesu, Ieremera, ravit to katar moma tiakamairik uk; takama ik nakolkeikei, io tiakol uk nimwa aulul kisil, ker taham, an ker taha Moses, an ker taha Ilaija.
5An ramakameni ena an napua tuan rapua esun ilar; an ahm ru, nakaran netersipe le napua meni, moma, In uk Neruk keikei, ierem nekiuk ragienipus ton; aitelegin kam in.
6An tan ieremim ihlel netakhairo an netakhalam hmaisin nemrin ihlel, an mamhaliginipus.
7An Iesu neterua map ihlel meni, moma, Hairmig mesaliginan.
8An netakhaletaget netakasaihman nar ker mero Iesu am.
9An netakamaitite le touar, an Iesu neteramenhiau hmahma ihlel, moma, Teneshanian nar uk nehmaihm to nar ker, loanian Neri Ieremim terepermig le neki nerem kamaremis.
10An tan ieremim ihlel netakaihrapuk ton, mama, An retol nerem kama Ilaija terekeikei maupan mua?
11An neteraram meni, Nuparhien Ilaija terua mamol ut naremnar min.
12Mero tiakani to kamhiel, Ilaija reknua ita, an ilar katiktik in, mero kamarol lan nar ilar karolkeikei. Rolmok lan Neri Ieremim mun terepos nahmean to ilar.
13An tan ieremim ihlel netakhahlinatin mama rameni nar uk to ihlel le Jon ierem ramol nebaptisoan.
14An netakarua to nahuto, an ieremim ner neterua ton, merenum noulin ton, mameni,
15Ieremera, asitu le neruk, mero in ka nikavean rakahmo in, an nahmean tahan ribor; mero in ka le nepenian min rakamam pen le nekam, mene le nepenian min le nowa nu.
16An iemir in mua to tam ieremim min, mero kasaisanenan to nolutan in.
17An Iesu neteraram meni, Eu nerem nuparhienan temiar rika, kamiar nerem namaroletat, kamairik katar min io nahnan? Nahnan nekiuk ramahma to kamiar? Ir ua ietuk tonio.
18An Iesu ramenhiau in, an nanumun tat neterier lan an wusuas kamol ut le aur ka.
19An tan ieremim min netakarua to Iesu ilar pusenam mamani, Retol kamar iesaisanenan to hnaliatouan in?
20An netereni to ilar, Mero in ka nuparhienan temiar resuas. Mero in ka nuparhien tiakani to kamiar, takama nuparhienan temiar rol koma wiker i mastard, an takani to touar uk, Uata ikenuk muan an, an teruan; an nar ker repesiakisan to kamiar.
21Mero nar uk to repesieran mero in am ka nahwakan mene nemekan.
22An netakairik i Kalili, an Iesu netereni to ilar, Neri Ieremim tepaurai le nelimin neremim: an teparhwapnin: an le nepenian kisil tapos miuh mun.
23An nekin ilar neteramahmapuk.
24An netakarua Kaperneam, an nerem kamerhwafugen nofenan te nimwa ahwak netakarua to Piter mani, Ieremera temiar ramero nofenan te nimwa ahwak wa kapa?
25Netereni, Ooh. Neteruan imwa an Iesu neteraupan meni ton, moma, Nekim rakahmo neta, Saimon? Neremera le ten uk kamaros nuhwafugenan wa nofenan to fe? To nererin ilar wa to nerapusen?
26An netereni, To nerapusen. An Iesu netereni ton, Mero in ka nererin ilar min kamaivan am.
27Mero in ka moma tiesarolan ilar kaipitetel, ik uan irhe marum nowan metau an muvit nam teraupan met mua, an mautepiai nowan an nepahm shekel. Os in mofen kam ilar kam ik mene io.
Currently Selected:
Mathiu 17: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
