Mathiu 16
16
1An Farisi min mene Sadiusi min netakarua mamarofenofen kam in, netakaihrapuk moma teretikun ilar le nar pusupus ker le neai.
2Mero neteraram menipen to ilar, Lehnaiu tenakani terepemelinu mero in ka neai tereloulou.
3An lakapnipin tenakani nian tertat towe mero in ka neai remloulou an mepukam. Nakamailbakau to hninatinan nemrin neai, mero nakatiktik nar pusupus te nepenian min uk.
4Nerem retat mene nerem kamarol ouloul kamaitkoigen nar pusupus. Mero takasofenan nar pusupus kam ilar, mero nar pusupus te Jona. An neterapas ilar neterier.
5An tan ieremim min netakarua le neutain mailuin nosan bred.
6An Iesu netereni to ilar, Takamaihmena mamaihm leven taha Farisi min mene Sadiusi min.
7An netakani to ilar min, mama, Mero in ka iesarosan bred.
8Mero Iesu neterhinatin netereni, Kamiar nuparhienan temiar resuas aken, retol nakamani to kamiar min mero in ka nemesarosan bred?
9Kamair nesarhinatinan towe mene? Nekimiar reshoan bred katilum le neremim 5,000, an karam kuhu nemaiuiak?
10An bred katilum mekiu le neremim 4,000, an karam huhu nemaiuiak?
11Retol nesarhinatinan mama iemesenian nar uk le bred, mero tenakamaihmena leven taha Farisi min mene Sadiusi min.
12An ilar neterhinatin mama neteresenian to ilar netermaihm leven taha bred, mero tenetermaihmena netikunan taha Farisi min mene Sadiusi min.
13An Iesu neterua le ten i Sesaria Filipai, netererhapuk to tan ieremim min, moma, Neremim kamani le Neri Ieremim moma pehe.
14An ilar netakani, Neremim nevin kama Jon ierem ramol nebaptisoan, an nevin kama Ilaija, an nevin kama Jeremaia, wa profeta ker.
15Netereni to ilar, Mero kamiar nakama io fe?
16An Saimon Piter neteraram meni, ik Kristo, Neri Wuhgin lilen.
17An Iesu neteraram menipen ton, Ik ierem keikei, Saimon Bar‐Jona; mero in ka ieremim resetikunan ik lan, mero Tata le neai.
18An io tiakani mun tonik, moma, Ik netigam Piter, an le kapiel uk tiapol nimwa ahwak tahak; an tapin le nekam asul teresausikausikan ton.
19Tiapofena ki le niko le neai kam ik; an neta ik tenakalis afugen le ten uk, an tepelis afugen le neai; an neta tenakatubalak lan le ten uk, an takatubalak lan le neai.
20An netereni to tan ieremim min moma tesanian to nar ker mama in Kristo.
21Loanian ka Iesu netererwowun mametikun tan ieremim min, moma terakeikei muan Jerusalem mos nahmean ribor le nerem asul mene neremera le nuhwasigenan mene nerem kamatikun, an kafhwapnin, an le nepenian kisil repermig.
22An Piter neteros in netererwowun mamenhiau in, moma, Pas nar uk ruan isou tonik, Ieremera; nar uk to tepesolan lam.
23Mero neterhwin meni to Piter, Uan le numatak, Setan; ik nar kamapitetel lan tonio; mero in ka nekim reshoan nar taha Wuhgin, mero nar taha neremim.
24An Iesu netereni to tan ieremim min, Takama ierem rolkeikei moma teroatisigin io, pas rapas tahan tehwaga, an mosit tahan nik aluauin, an maroupa io.
25Mero in ka ierem terama teros miuh in teriapatou in; an ierem teretigha in nemisan tonio teros nemihwan.
26Mero in ka ierem rama ramos petum ten ravit to neta terama teretaken tahan nemihwan? Wa neta ieremim terofen mos nemrin nemihwan tahan.
27Mero in ka Neri Ieremim terepua le navitan te Remin, ilar nagelo min tahan; an rapofen nemrin tehwaga tenilar kam neremin min.
28Nuparhien tiakani to kamiar, nerem uk nevin kamailil tesaremisan to nian ker tepaihm Neri Ieremim terua le niko tahan.
Currently Selected:
Mathiu 16: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
