Nar 3
3
1An Piter mene Jon kamuat miavan le nimwa ahwak le aur te nahwakan ierem rol katilum mekuer.
2An ieremim ker nelikin ravara le netipu inen kamles, ierem kamahituk le nepenian min le nausilua le nimwa ahwak ierem netigen Ravitipuk, moma teretamap in nar to nerem kamaruan le nimwa ahwak.
3Ieremim uk neterahm Piter mene Jon kuama kamiavan le nimwa ahwak neteretamap in ilau to nosan nar ker.
4An Piter nakanemrin neteramail lan ilau Jon, netereni, Ahm ru kamlau.
5An neterameteleg aken ena in ilau nekin neterakahmo moma neteros nar ker to ilau.
6Mero Piter netereni, Silver mene kold, rika tonio, mero nar iakamos tiakofena kam ik, Le netige Iesu Kristo le Nasareth, aliwak.
7An neteros in le nelimin matu muit in, an ihwe am nelikin mene nipil nelikin kenol asanen.
8An neterarut mamail mamaliwak, an neteruan ihlel min le nimwa ahwak, mamaliwak mamivukit mameni vivi Wuhgin.
9An neremim petum netakaihm in ramaliwak mameni vivi Wuhgin.
10An netakarhinatin in mama in uk ierem ramowata to netamapan le nausilua Ravitipuk le nimwa ahwak, an nanuman ilar neterakamuka aken mamagien to nar kenol lan.
11An neteramakil pen le Piter mene Jon, an neremim petum netakari was marua to ihlel le nausilua netigen Taha Solomon, nanumun ilar makamuka.
12An Piter neterahm neteraram to neremim, Kamiar nerem Israel, Retol nanumamiar rakamuka to nar uk? Wa retol nakanemrimiar ramail le kamlau mama le nasanenan atu wa nevitan temlau iakeniaol ramaliwak?
13Wuhgin te Ebraham mene Aisak mene Jekob, Wuhgin te riputar min, reknofen nevitan kam Iolatkokun nar tahan Iesu, ierem kamiar nemaiurai pen maipnin le nemri Pailet loanian in rameni moma tererisin.
14Mero kamiar nemaipnin ierem rausim mamatu mameihrapuk in ierem rahmo til moma takofena kam kamiar.
15An nemarhwapnin Ieremera te Nemihwan, ierem Wuhgin ramosit mun le neki nerem kamaremis, ierem kamar iemaihm esas lan.
16An netigen reknol asanen ieremim uk le nuparhienan le netigen, ierem kamiar nakamaihm marhinatin, an nuparhienan ierem tersipe lan reknofen kam in nesanenan uk le nemrimiar muka.
17Mero, piak min, iakhinatin moma nemarol le netiktikan nar, kama neremera mun temiar.
18Mero naremnar min Wuhgin reknamenita paupan le hnuli profeta min moma Kristo tahan tereperou nahmean, reknol etahun mok lan.
19Mero aleleg marhwin kamiar, moma taprai ita tehwaga tat temiar.
20Moma nian te nasituan tersipe le nemri Ieremera mua, moma terhalipa Kristo ierem kenamenita aupan to kamiar, Iesu.
21Ierem neai terakeikei mir meroatis nian te natikan mun le naremnar min petum, ierem Iehova rameni le hnuli profeta ausim min tahan le nerwowunan ten.
22Mero Moses rameni, moma, Ieremera, Wuhgin tereposit profeta ker le piamiar min rolkoma io; kamiar tenepaiteleg kam in le naremnar min terepeni to kamiar.
23An rapol moma nanumun ierem tereseteleganin profeta ka tefhwapnin aken le neki neremim.
24An profeta min etahun resipe le Samiuel mene nerem kaiuatisig in ieremin kameikar, ilar mun kamamaiusito in nian min uk.
25Kamiar nereri profeta min mene nimtatin Wuhgin ramol kam ripumiar min mameni to Ebraham, An le namipum nahuto min le ten uk tepakar vi kam ilar.
26To kamiar aupan Wuhgin ramosit mun Iolatkokun nar tahan hmalipena moma terakar vi kam kamiar le nalelinan kamiar karena kiten to tehwaga tat temiar.
Currently Selected:
Nar 3: LEN1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
