Chan 2
2
Kana ak o̱ nan‐itauwayʋchi a̱sha ho̱ Chisʋs ʋt oka kapʋssa atuk a̱ oka pa̱ki ikbi, 1; 12 Chelusalem a̱ ona cha, na chumpa ʋhleha, micha na kanchi ʋhleha aiena tempel anu̱kaka aiasha tuk a̱ kocha pit yuhli; 23 yohmi ma Chisʋs ʋt na fehna yʋmihinchi ho̱ pisa hatuk mak osh lauʋt i̱ yimmi.
1Atuk o̱ nitak ont atuchina ma Kalili yakni Kana a̱ nan‐itauwayʋchi ʋt a̱sha tok: mihma Chisʋs ishki ʋt yʋmma ont anta tok.
2Mihma Chisʋs, micha nan im ai ithʋna ʋhleha aiena kʋt nan‐itauwayʋchi a̱ a̱ya hi a̱, im annoa tok.
3Atuk o̱ oka pa̱ki ʋt ont ai ik im ikshot taha ma, Chisʋs ishki ʋt yʋmmak ash o̱, Oka pa̱ki ʋt okla ik im ikshoshke, im achi tok.
4Chisʋs ash ot, Ohoyo ma! ʋno ʋt nanta isht a chi ahalaia li cho? hʋshi kanʋlli ʋm ai ʋlhpisa hʋt ik ai ono ki̱sha hoke.
5Ishki ash ot nan‐isht a̱sha ʋhleha hash, Nana ho̱ hʋchim achikma, hʋsh yʋmihchashke, im achi tok.
6Mihma Chu okla ai yʋmohmi yatuk osh isht il ai achifa ya tuk, tʋli shuti oka ai‐ʋlbeha hannali kʋt, fʋkin tuklokmá, tuchinakmá nana ai ʋlhto aiyuka hosh yʋmma talohma̱ya tok.
7Atuk o̱ Chisʋs ash ot, Shuti oka ai‐ʋlbeha ya̱ oka oh alotolí, im achi tok. Mihma yʋmmak ash o̱ okla alotolit iti‐ʋlbi ʋhlichi tok.
8Mihma, Inta! ho bicheli cha impa pehlichi ya̱ ishit oh im iá, im achi tok. Mihma okla ishit im ia tok.
9Mihma impa pehlichi ash ot oka oka pa̱ki toba tuk ash ishkot pisa cha, kaniohmi hosh toba tuk a̱ ik akostinincho mʋt, yohmi kia nan‐isht a̱sha ʋhleha oka ochi tuk okʋto ithana ho̱, impa pehlichi ash ot himona ohoyo itauwaya ash hoyo tok.
10Yohmi mʋt, Hatak moma kʋt ʋmmona ka okapa̱ki achukma ka talohli chatuk; atuk osh hatak ʋt ishkot fihopak mak o̱, okpulo yak oh chatuk; amba chishno ʋto oka pa̱ki achukma ya̱ ish il atomba na himak atoshke, im achi tok.
11Na fehna yʋmihchit isht ai ʋmmona kʋt ilʋppak o̱ Chisʋs ʋt Kalili yakni Kana yak o̱ ai yʋmihchit, ilap im a holitopa ya̱ otʋninchi tok; mihma nan im ai ithʋna ʋhleha hʋt i̱ yimmi tok.
12Ai yakohmi ha ya, yʋmmak ash ot, ishki, micha itibapishi ʋhleha, mikmʋt nan im ai ithʋna ʋhleha aienʋt Kapenaʋm a̱ ilhkoli tok; atuk osh nitak kanohmi keyu ho̱ ont ma̱ya tok.
13Mihma Chu okla i̱ nan‐ʋbanʋblit ont ia yʋt ai ona̱ hosi hatuk o̱, Chisʋs ʋt Chelusalem a̱ ia tok.
14Atuk osh tempel anu̱kaka ya̱ wak, chukfʋlhpoba, micha pʋchi ʋlhpoba aiena kanchi ʋhleha, mikmʋt tʋli holisso itatoba aiena kʋt binohma̱ya na pisa tok.
15Mihmʋt aseta chipunta yo̱ isht fʋma ikbi cha, yʋmmak ash, chukfʋlhpoba, micha wak puta aiena kash mominchit tempel a̱ a kocha weli tok; mihmʋt tʋli holisso itatoba ʋhleha in tʋli holisso ash aka fohopli mʋt, anonti ai‐impa tʋli holisso ai‐itatoba puta kash kinahlichi tok.
16Mihmʋt pʋchi yoshuba ʋlhpoba kanchi ʋhleha hatuk ash o̱, Ilʋppa kanima ishit oh ia cha, A̱ki in chuka yano nana ai‐itatoba chuka hʋch ik ikbo kashke, im achi tok.
17Mihma, Chin chuka i̱ hullo pulla kak osh ʋm anukfila u̱hʋlinchit ai ishit kaiyanchishke, achi hosh holisso ha tok a̱, nan im ai ithʋna ʋhleha hʋt ithaiyana tok.
18Mihma Chu okla hash ot afalaminchi mʋt, Nan isht atokowa nanta ho̱ ish pim otʋninchi hosh ilʋppa puta ka ish yakohmichi cho? im achi tok.
19Mihma Chisʋs ash ot afalaminchi mʋt, Tempel ilʋppa oh okpʋní; atuk ma nitak tuchinakma falaminchit ikbit hilechi lashke, im achi tok.
20Yohmi ma Chu okla hash ot, Tempel ilʋppʋt afʋmmi pokoli ushta akocha hannali ho̱ tobʋt ʋlhtaha tok: yohmi ka chishno ʋto nitak tuchina ho̱ falaminchit ikbit ish hilecha hinla cho? achi tok.
21Yohmi kia yʋmmak okʋt ilap haknip tempel ak o̱ isht anumpuli ha tok.
22Yohmi tok o̱ yʋmmak ash ot illi tuk ʋt falamʋt tani ma, ilʋppa im achi tok a̱, nan im ai ithʋna ʋhleha hʋt ithaiyana tok; mihmʋt Holisso Holitopa, micha Chisʋs ʋt anumpa anumpuli tok aiena ka okla yimmi tok.
23Ʋbanʋblit ont ia isht a̱shʋt impʋt ma̱ya nitak o̱, yʋmmʋt Chelusalem a̱ anta cha, na‐fehna puta ka yʋmihinchi na okla pisa mʋt, lauʋt i̱ yimmi tok.
24Yohmi kia Chisʋs ʋt hatak moma ka ithana hatuk okʋt ik i̱ yimmo ki tok.
25Micha nana hosh hatak a̱ anukfoyuka ka ithaiyana hoka, kʋna kia hatak a̱ isht atokolit im anola he ʋlhpesa keyu ki tok.
Currently Selected:
Chan 2: CHH
Highlight
Share
Copy
Want to have your highlights saved across all your devices? Sign up or sign in
Published by the American Bible Society 1848-1886, reprinted 1913
