ཡོ་ཧ་ནན། 14

ཡེ་ཤུ་ཡིས་ཉེ་གནས་ཀྱ་ལ་སེམས་གསོ་གནང་བ།

1ཡེ་ཤུ་ཡིས་ཉེ་གནས་ཀྱ་ལ་གསུངས་བ་ལགས ཁྱེད་ཀྱ་སེམས་ཕམ་པ་མ་བྱེད། དཀོན་མཆོག་ལ་བློ་བཀོལ། དེ་ནས་ང་ལའང་བློ་བཀོལ། 2ངའི་ཡབ་ཀྱི་ནང་ལ་བསྡད་ས་མང་ང་འོད་ད་ལགས། དེ་རེ་མིན་ན། ངས་ཨེན་མ་ཁྱེད་ཀྱི་ཕྱིར་ལ་བསྡད་ས་གྲ་སྒྲིག་བྱེད་རུ་འགྲོའོ་སྨྲས་རེ་ཁྱེད་ཀྱ་ལ་སྨྲ་གི་ལེ། 3དེ་ནས་ང་སོང་རེ་ཁྱེད་ཀྱི་ཕྱིར་ལ་བསྡད་ས་གྲ་སྒྲིག་བྱས་ཚར་ཏེ། ང་ལྡབ་ལེ་འོང་ཡས་ཡིན། དེ་ནས་ཁྱེད་ཀྱ་ལ་ང་འོད་ས་རུ་འཁྲིད་དེ་འགྲོ་ཡས་ཡིན། དེ་ནས་ང་གི་རུ་འོད་ས་རུ་ཁྱེད་ཀྱའང་འོང་གི་ལགས། 4ང་འགྲོ་སེ་ལམ་གོ་ཁྱེད་ཀྱའང་ཤེས་ལ་ལགས།

ཡེ་ཤུ་རང་ལམ་དང་། བདེན་པ་དང་། ཚེ་སྲོག།

5ཐོ་མཱ་ཡིས་ཡེ་ཤུ་ལ་ཞུས་བ་ལགས། གཙོ་བོ། འེ་ཀྱ་ཡིས་ཁྱེད་རང་ག་རུ་ཕེབས་ཡས་གོ་མེད་ཤེས་འོད། ད་ལམ་གོ་འི་ཀིས་གང་གི་བྱས་རེ་ཤེས་ཡས།

6ཡེ་ཤུ་ཡིས་ཁོ་ལ་གསུངས་བ་ལགས། ང་ནི་ལམ་དང་། བདེན་པ་དང་། ཚེ་ཡིན། ང་ནས་མ་ན་ཡབ་ཀྱི་དྲུང་དུ་སུའང་འགྲོ་མི་ཐུབ་ཀྱི་ལགས། 7ཁྱེད་ཀྱ་ཡིས་ང་ལ་ངོ་ཤེས་འོད་ན། ངའི་ཡབ་ལའང་ངོ་ཤེས་ཡས་འོད། ད་དེ་ནས་ཧ་ལ་ཁྱེད་ཀྱ་ཡིས་ཁོང་པ་ལ་ངོ་ཤེས་ལ་ལགས། དེ་ནས་ཁོང་ལ་མཇལ་འོད་ད་ལགས།

8ཕི་ལིབ་ཀྱིས་ཁོང་པ་ལ་ཞུས་བ་ལགས། གཙོ་བོ། ཁྱེད་རང་གིས་འེ་ཀྱ་ལ་ཡབ་མངོན་ད་མཛད། དེ་ནས་འེ་ལ་འགྲིག་ཡས་འདུག།

9ཡེ་ཤུ་ཡིས་ཁོ་ལ་གསུངས་བ་ལགས། ཕི་ལིབ། ང་འོ་རེ་རིང་ང་ཁྱེད་ཀྱི་མུ་ལ་བསྡད་དེའང་ཁྱོས་ང་ལ་ངོ་མེད་ཤེས་ལ་ལེ། ང་མཐོང་མཁན་གྱིས་ཡབ་ལའང་མཇལ་འོད་ད་ལགས། འེ་ཀྱ་ལ་ཡབ་མངོན་ད་མཛད་སྨྲས་རེ་ཁྱེད་ཀྱ་གང་གི་བྱས་རེ་སྨྲ་ཐུབ་བ་ལེ། 10ང་ཡབ་ནང་འོད་ཀྱིན་དང་ཡབ་ངའི་ནང་འོད་ཀྱིན་གོ་ཁྱེད་ཀྱ་ཡིས་དད་པ་མི་བྱེད་ད་ལེ། ངས་ཁྱེད་ཀྱ་ལ་བཤད་ཀྱིན་ལབ་ཀྱ་ང་རང་གི་དབང་ནས་བཤད་ད་མིན། ཡིན་ནའང་ངའི་ནང་བཞུགས་མཁན་ཡབ་གིས་རང་གིས་ཕྱག་ལས་ཀྱ་མཛད་ད་ལགས། 11ང་ཡབ་ནང་འོད་ཀྱིན་དང་ཡབ་ངའི་ནང་འོད་ཀྱིན་ལ་དད་པ་བྱེད། ཡང་མེད་ན་ངའི་ལས་ཀ་ཀྱ་ལ་བལྟས་རེ་དད་པ་བྱེད།

12ང་ཁྱེད་ཀྱ་ལ་བདེན་པ་བདེན་ཀྱང་སྨྲ་ཡིན། ང་ལ་དད་པ་བྱེད་མཁན་གྱིས་ངས་གི་བྱེད་ཀྱིན་ལས་ཀ་ཀྱའང་བྱེད་ཀྱི་ལགས། དེ་ནས་དེ་ལས་ཆེ་ལས་ཀ་ཀྱ་ཁོས་བྱེད་ཀྱི་ལགས། གི་བྱས་རེ་སྨྲ་ན་ང་ཡབ་ཀྱི་དྲུང་དུ་འགྲོའི་འོད། 13ཡབ་ཀྱི་གཟི་བརྗིད་སྲས་ཀྱི་ཐོག་ནས་མངོན་ཡས་ལ། ཁྱེད་ཀྱ་ཡིས་ངའི་མིང་ལ་གི་ཞུས། འོ་དེ་ངས་བྱེད་ཡས་ཡིན། 14ངའི་མིང་གི་ཐོག་ནས་ཁྱེད་ཀྱིས་ང་ལ་གི་ཞུ་ན། ང་འོ་དེ་བྱེད་ཡས་ཡིན།

དམ་པའི་ཐུགས་ཉིད་ཀྱི་དམ་བཅའ།

15ཁྱེད་ཀྱ་ཡིས་ང་ལ་བརྩེ་བ་བྱེད་ན། ངའི་བཀའ་ཁྲིམས་ཀྱ་སྲུང་། 16དེ་ནས་ང་ཡབ་ལ་ཞུ་ཡས་ཡིན། དེ་ནས་ཁྱེད་ཀྱི་མུ་ལ་རྒྱུན་ནས་རྒྱུན་དུ་གནས་ཡས་ལ། ཁོང་པ་ཡིས་ཁྱེད་ཀྱ་ལ་རོགས་བ་མཛད་མཁན་གཞན་མ་གཅིག་གནང་གི་ལགས། 17འདི་ནི་བདེན་པ་སྟོན་མཁན་དམ་པའི་ཐུགས་ཉིད་ལགས། འཇིག་རྟེན་གྱི་མི་ཀྱ་ཡིས་ཁོང་པ་ལ་སུས་མི་ཐུག་གི་ལགས། གི་བྱས་རེ་སྨྲ་ན་ཁོང་ཀྱ་ཡིས་ཁོང་པ་ལ་མེད་མཐོང་ང་ལགས། དེ་ནས་ངོ་མེད་ཤེས་ལ་ལགས། ཁོང་པ་ཁྱེད་ཀྱ་མུ་ལ་གནས་ལ་ལགས། དེ་ནས་ཁྱེད་ཀྱི་ནང་གནས་ཀྱི་ལགས། འོ་བྱས་རེ་ཁྱེད་ཀྱ་ཡིས་ཁོང་ལ་ངོ་ཤེས་ལ་ལགས།

18ང་ཁྱེད་ཀྱ་ལ་དྭ་ཕྲུག་ལ་མི་འབོར། ང་ཁྱེད་ཀྱ་རྩ་རུ་འོང་ཡས་ཡིན། 19ད་དུས་ཏི་ཏེ་གཅིག་ནས་འཇིག་རྟེན་གྱིས་ང་ལ་མེད་མཐོང་གི་ལགས། ཡིན་ནའང་ཁྱེད་ཀྱ་ཡིས་ང་ལ་མཐོང་གི་ལགས། ང་གསོན་པོ་བྱས་རེ་ཁྱེད་ཀྱའང་གསོན་པོ་གནས་ཀྱི་ལགས། 20འོ་དེ་ཉིན་མ་གོ་ལ་ང་ཡབ་ནང་འོད་ཀྱིན་དང་ཁྱེད་ཀྱ་ངའི་ནང་འོད་ཀྱིན། དེ་ནས་ང་ཁྱེད་ཀྱ་ཡི་ནང་འོད་ཀྱིན་གོ་ཁྱེད་ཀྱ་ཡིས་ཤེས་ཀྱི་ལགས། 21ངའི་བཀའ་ཁྲིམས་ཀྱ་ཁས་ལེན་ཏེ་སྲུང་མཁན་ཀྱ་ཡིས་ང་ལ་བྱམས་པ་བྱེད་ད་ལགས། དེ་ནས་ང་ལ་བྱམས་པ་བྱེད་མཁན་ཀྱ་ལ་ངའི་ཡབ་ཀྱིས་བྱམས་པ་མཛད་ཀྱི་ལགས། ངས་ཁོ་ལ་བྱམས་པ་བྱེད་ཡས་ཡིན། དེ་ནས་རང་ལ་ཁོ་རྩ་རུ་མངོན་ཡས་ཡིན།

22ཡུ་དཱ་ཡིས་(ཡུ་དཱ་ཨཱིས་ཀ་རི་ཨཱོད་གོ་མ་ལགས།) ཞུས་བ་ལགས། གཙོ་བོ། ཁྱེད་རང་འཇིག་རྟེན་གྱི་མི་ཀྱ་ལ་མིན་ད། འེ་ཀྱ་ལ་མངོན་ད་མཛད་ཡས། དེ་གང་གི་བྱས་རེ་འབྱུང་ཐུབ་ཀྱི་ལེ།

23ཡེ་ཤུ་ཡིས་ཁོ་ལ་བཀའ་ལན་གསུངས་བ་ལགས། ང་ལ་བྱམས་པ་བྱེད་མཁན་གྱིས་ངའི་བཀའ་སྲུང་གི་ལགས། དེ་ནས་ངའི་ཡབ་ཀྱིས་ཁོ་ལ་བྱམས་པ་མཛད་ཀྱི་ལགས། དེ་ནས་ང་དང་ངའི་ཡབ་ཁོ་རྩ་རུ་ཕེབས་ཏེ་ཁོའི་མུ་ལ་གནས་ཡས་ཡིན། 24དེ་ནས་ང་ལ་བྱམས་པ་མི་བྱེད་མཁན་གྱིས་ངའི་བཀའ་སྲུང་གི་མ་ལགས། ཁྱེད་ཀྱ་ཡིས་ཉན་གྱིན་བཀའ་དེ་ང་ནས་མིན་ད། ང་ལ་མངགས་མཁན་ཡབ་ནས་ལགས།

25ང་ཁྱེད་ཀྱ་མུ་ལ་འོད་དུས་རང་ངས་དེ་ལབ་ཀྱ་ཁྱེད་ཀྱ་ལ་བཤད་ད་ཡིན། 26ཡིན་ནའང་ངའི་མིང་ཐོག་ནས་ཡབ་ཀྱིས་གནང་གིན་རོགས་བ་མཛད་མཁན་དམ་པའི་ཐུགས་ཉིད་ཀྱིས་ཁྱེད་ཀྱ་ལ་ལབ་གི་རི་བསླབ་བ་མཛད་ཀྱི་ལགས། དེ་ནས་ངས་ཁྱེད་ཀྱ་ལ་བཤད་ཀྱིན་གི་རི་དྲན་གསོ་གནང་གི་ལགས། 27ཞི་བདེ་དེ་ང་ཁྱེད་ཀྱ་ལ་འབོར་ར་ཡིན། འོ་དེ་ངའི་ཞི་བདེ་གོ་ཁྱེད་ཀྱ་ལ་སྟེར་ར་ཡིན། འཇིག་རྟེན་གྱི་སྟེར་གྱིན་ཅོག་རེ་ངས་ཁྱེད་ཀྱ་ལ་སྟེར་ར་མིན། ཁྱེད་ཀྱ་རང་གི་སེམས་འཁྲུགས་དུ་མ་ཆུག།དེ་ནས་དེ་ལ་འཇིགས་སྣང་སྐྱེས་རུ་མ་ཆུག།

28ངས་ཁྱེད་ཀྱ་ལ་ང་ལོག་སྟེ་འགྲོ་ཡས་ཡིན། དེ་ནས་ང་ཁྱེད་ཀྱ་རྩ་རུ་འོང་ཡས་ཡིན། སྨྲ་གིན་དེ་གོ་འོད་ད་ལགས། ཁྱེད་ཀྱ་ཡིས་ང་ལ་བརྩེ་བ་འོད་ན། ང་ཡབ་ཀྱི་དྲུང་དུ་འགྲོ་བ་ལགས་སྨྲས་རེ་ཁྱེད་ཀྱ་ཉམ་མོ་དགའ་ཡས་འོད། གི་བྱས་རེ་སྨྲ་ན་ང་ལས་ཡབ་ཁག་ཆེ་ལགས། 29ད་དེ་འབྱུང་བའི་གང་ལ་ཁྱེད་ཀྱིས་དད་པ་བྱེད་ཡས་ལ། ངས་ཁྱེད་ཀྱ་ལ་དེ་མ་འབྱུང་ཨེན་ལ་རང་དེ་བཤད་པའི། 30ད་ང་ཁྱེད་ཀྱ་མུ་ལ་ལབ་ཡུན་རིང་མེད་བཏང་། གི་བྱས་རེ་སྨྲ་ན་འདི་འཇིག་རྟེན་གྱི་དབང་བསྒྱུར་བྱེད་མཁན་གོ་འོང་བའི། ངའི་ཐོག་ལ་ཁོ་ལ་དབང་མེད་ད་ལགས། 31ཡིན་ནའང་ང་ཡབ་ལ་བརྩེ་བ་བྱེད་ད་ཡིན་སྨྲས་རེ་འཇིག་རྟེན་གྱིས་ཧ་གོ་ཡས་ཀྱི་ཕྱིར་ལ། ང་ཡབ་ཀྱིས་བཀའ་གནང་གིན་ཅོག་རེ་བྱེད་ད་ཡིན། ད་ལོངས། འོ་རང་དེ་ནས་ཧ་ལ་འགྲོའོ།།

Currently Selected:

ཡོ་ཧ་ནན། 14: LOY

Highlight

Copy