Lucas 10

Nai Jesus haruka Nia eskolanti nain hitu-nulu resin rua

1Tuir mai, Nai Jesus hili tan eskolanti nain hitu-nulu resin rua, depois Nia haruka sira rurua baa uluk iha fatin-fatin nebee Nia atu baa.#10:1:Dokumentu antigu balu hakerek dehan, ‘eskolanti nain hitu-nulu resin rua’. Balu fali dehan, ‘eskolanti nain hitu-nulu’. Tradusaun modernu barak mak hili ‘hitu-nulu resin rua’. 2Nia dehan, “Batar barak teb-tebes iha toos boot laran maran tiha ona, maibee ema atu silu batar nee, ituan deit. Tanba nee, husu ba toos Nain para haruka tan ema hodi silu batar nee.#Mateus 9:37-38 3Agora, imi baa ona! Hau haruka imi baa iha povu nia leet, hanesan bibi malae oan baa iha asu siak nia leet.#Mateus 10:16 4Imi lalika lori osan ka pasta, sandalias rezerva mos la bele. I lalika hasee ema iha dalan.

5Bainhira imi tama iha uma ida, hatete ba sira, “Nai Maromak foo paz ba uma kain nee.” 6Se uma nain harakak simu paz nee, entaun paz nee hela ho sira. Se sira lakohi, paz nebee imi foo ba sira nee fila fali ba imi. 7Hela deit iha uma nee, la bele muda hosi uma ida ba uma seluk. Haan-hemu saida deit mak sira foo ba imi, tanba ema nebee serbisu iha direitu atu ema selu nia kolen.

8Bainhira imi tama iha aldeia ida, i ema simu imi ho diak, haan deit saida mak sira foo ba imi.#1 Korintu 9:14; 1 Timóteo 5:18 9Kura ema moras iha aldeia nee, i foo hatene ba ema hotu dehan, ‘Nai Maromak nia Reinu besik too ona.’

10Maibee se iha aldeia ruma, nia ema la simu imi, baa hamriik iha estrada hodi hatete, 11‘Rai rahun iha ami nia ain okos hosi aldeia nee, ami baku hodi hatudu katak, imi rasik mak sei simu todan. Maibee keta haluha, Nai Maromak nia besik too ona.’ ”#Mateus 10:7-14; Marcos 6:8-11; Lucas 9:3-5; Apostolu sira nia Istoria 13:51

12Jesus hatutan tan ba Nia eskolanti sira dehan, “Hau hatete ba imi, iha loron ikus, bainhira Nai Maromak tesi ema hotu-hotu nia lia, ema iha aldeia nee sei simu kastigu todan liu fali ema aat sira nebee uluk hela iha sidade Sodoma.”#Jenesis 19:24-28; Mateus 10:15; 11:24

Ema nebee lakohi simu Nai Jesus, sei terus

(Mateus 11:20-24)

13Jesus mos dehan, “Imi ema aldeia Korazim sei hetan susar. Imi ema Betsaida sei hetan susar. Hau halo ona milagre bar-barak iha imi nia leet. Se karik uluk ema iha sidade Tiru ho Sidon haree milagre sira nee, hori uluk kedas sira tuur iha akudesan i hatais hena lutu hodi hatudu katak sira husik ona sira nia sala.#Isaías 23:1-18; Ezequiel 26:1—28:26; Joel 3:4-8; Amós 1:9-10; Zacarias 9:2-4 14Iha loron ikus bainhira Nai Maromak tesi ema hotu-hotu nia lia, imi sei simu kastigu todan liu fali ema Tiru ho ema Sidon.

15Nunee mos imi ema Kafarnaum sira, keta hanoin katak, Nai Maromak sei foti imi sae ba lalehan. Lae! Nia sei soe imi ba infernu.”#Isaías 14:13-15

16Depois Jesus hatete ba Nia eskolanti sira, “Ema nebee rona imi, nia rona Hau. I ema nebee lakohi simu imi, nia lakohi simu Hau. I ema nebee lakohi simu Hau, nia mos lakohi simu Ida nebee mak haruka Hau mai.”#Mateus 10:40; Marcos 9:37; Lucas 9:48; João 13:20

Eskolante nain hitu-nulu resin rua fila fali ona

17Bainhira eskolanti nain hitu-nulu resin rua nee fila fali ona,#10:17:Dokumentu antigu balu hakerek dehan, ‘eskolanti nain hitu-nulu resin rua’. Balu fali dehan, ‘eskolanti nain hitu-nulu’. Tradusaun modernu barak mak hili ‘hitu-nulu resin rua’. sira haksolok teb-tebes hodi konta ba Jesus dehan, “Nai, bainhira ami hodi Ita Boot nia naran haruka espiritu aat sai hosi ema, espiritu aat mos sai kedas!”

18Jesus hataan, “Nee loos! Bainhira imi halo nunee, Hau haree Satanás monu tuun hosi loro leten hanesan rai lakan. 19Hau foo ona kbiit ba imi atu sama samea ho sakunar. Kbiit nebee Hau foo nee, boot liu fali imi nia inimigu Satanás nia kbiit. La iha buat ida bele halo aat imi.#Salmu sira 91:13 20Maski nunee, lalika haksolok tanba deit espiritu aat sira hakruuk ba imi. Diak liu haksolok tanba imi nia naran hakerek ona iha lalehan.”

Nai Jesus hadomi ema kiik sira

(Mateus 11:25-27; 13:16-17)

21Iha tempu nee, Jesus nia laran haksolok liu hosi Espiritu Santu, i Jesus hahii Nai Maromak dehan, “Hau nia Aman, Hau agradese ba Ita Boot. Ita Boot mak lalehan ho rai nia Nain. Ita Boot taka buat sira nee ba ema matenek sira, maibee Ita Boot hatudu fali ba ema kiik sira. Hau nia Aman, ida nee halo Ita Boot nia laran haksolok duni.”

22Depois Jesus dehan ba ema hotu iha nebaa, “Hau nia Aman foo ona kbiit ho matenek hotu-hotu mai Hau. La iha ema ida konhese loloos Hau, so Hau nia Aman deit. I la iha ema ida mak konhese loloos Hau nia Aman, so Nia Oan Hau deit. I Hau mos hili ema seluk hodi hatudu Hau nia Aman ba sira, para sira mos bele konhese Nia.”#João 3:35; 10:15

23Depois Jesus fila ba Nia eskolanti sira hodi hatete ba sira, dehan, “Imi sorti boot tanba imi bele haree buat furak nebee akontese dadauk. 24Hau hatete ba imi, uluk liurai ho profeta barak hakarak teb-tebes atu haree buat nebee agora imi haree, maibee sira la haree. Sira hakarak rona buat nebee agora imi rona, maibee sira la rona.”

Ema Samaria nebee laran diak

25Iha loron ida, mestri relijiaun Judeu ida hamriik hodi koko Jesus. Nia husu, “Mestri, hau tenki halo saida para hau bele hetan moris rohan-laek?”

26Jesus hataan, “Iha Maromak nia Lei hakerek saida? O lee i komprende saida mak hakerek iha nebaa?”

27Nia hataan, “Maromak nia liafuan dehan: ‘O tenki hadomi Maromak, o nia Nai, ho o nia aan tomak, ho laran tomak, ho forsa tomak, ho neon tomak, no o tenki hadomi ema seluk hanesan o hadomi o nia aan rasik.’ ”#Levitiku 19:18; Deuteronomio 6:5

28Jesus hataan fali, “Ita nia resposta nee loos. Entaun halo tuir ba, para ita bele hetan moris.”#Mateus 22:35-40; Marcos 12:28-34; Levitiku 18:5

29Maibee mestri relijiaun nee hakarak hatudu aan hanesan ema nebee moris loos. Entaun nia husu ba Jesus, “Maibee ema seluk nebee hau tenki hadomi nee see loos?”

30Jesus hataan liu hosi istoria ida nunee: “Iha ema Judeu ida sai hosi Jerusalém lao tuun ba sidade Jerikó. Too iha dalan klaran, naok-teen sira asalta nia, baku nia too besik atu mate, i hadau tiha nia ropa ho nia sasaan hotu. Depois husik hela nia iha dalan.

31La kleur nai lulik Judeu ida lao tuun liu hosi dalan nee. Bainhira nia haree ema nee, nia lao sees tiha hosi dalan sorin. 32Nunee mos ema Levi ida nebee serbisu iha Uma Kreda boot. Nia too iha nebaa, haree ema nee, maibee lao liu tiha hosi dalan sorin.

33Tuir mai, ema Samaria ida liu hosi dalan nee. Nia laos ema Judeu, maibee bainhira nia haree ema Judeu nee, nia hanoin teb-tebes.#10:33:Iha tempu nebaa, ema Judeu la gosta liu ema Samaria, i lakohi liga sira. 34Nia baa tau tua ho mina ba nia isin kanek hodi kurtibu, i falun kanek sira nee halo didiak. I nia tula ema nee ba nia kuda buru rasik lori ba too iha uma ida para kuidadu nia iha nebaa.#2 Kronikas 28:15

35Aban fali, ema Samaria nee foo uluk osan mutin rua#10:35:Lian Gregu hakerek dehan, denáriu rua. Iha tempu nebaa badaen sira loron ida manaan denáriu ida. ba uma nain hodi dehan, ‘Uza osan nee hodi tau matan ba nia. Se osan la too, hau fila fali mai mak hau selu hotu.’ ”

36Konta tiha hotu, Jesus husu ba mestri relijiaun nee dehan, “Tuir ita nia hanoin, entre sira nain tolu nee, ida nebee mak sai hanesan maluk ba ema nebee monu iha naok-teen sira nia liman?”

37Nia hataan, “Ida nebee hatudu laran diak ba nia.”

Jesus hatete, “Entaun, baa hodi halo tuir.”

Nai Jesus vizita Marta ho Maria

38Jesus ho Nia eskolanti sira lao dadaun too iha aldeia ida. Iha nebaa iha senhora ida naran Marta konvida Jesus para baa iha nia uma, i Nia mos baa.

39Marta iha alin ida naran Maria. Nia tuur besik hela iha Jesus nia ain hodi rona Nia liafuan. 40Maibee Marta fadigadu hodi prepara buat oi-oin. Entaun nia baa hatete ba Jesus, “Nai, Ita Boot la hanoin hau ka? Hau nia alin husik hela hau serbisu mesak deit! Hatete ba nia mai ajuda hau lai.”#João 11:1

41Nai Jesus hataan, “Marta, Marta, o preokupa ho buat oi-oin deit. 42Afinal iha buat ida deit mak o presiza. Maria hili ona ida nebee diak liu, i la iha ema ida atu foti hosi nia.”

Currently Selected:

Lucas 10: BTDT

Highlight

Copy