Wəza net Maslənɗe ƏTOŊ ADDƏVƏN
ƏTOŊ ADDƏVƏN
Wəza net maslənɗe na, wən nenek na Luka yi dədazba, ki wən metiŋgin an adawpel akan na, ndəni məs dəzbanən Yesu, Zeŋgile Salala adawgitike, apelinik alabara nenek a Yerusalem, a Yuda baymani, a Samari gəm aket meŋge na dələv pakə (1:8). Tay əboton an dətoŋ dəwəl sən ətəŋ na ənzləra net məzutafaŋ a walaŋgit mə Yudeɗi gəm ədaw net addəv ətaf aka dələv gboŋgu. An məverin tay əmpa dəwəl sən ɗerewel naŋɗa tay ərban na əzban Kristu na tay əmzlah səka keket na məlĩ na Rom, əzban Kristu na tay əknahan əzba net mə Yudeɗi.
Derewel na Wəza net Maslənɗe van waɓap uɗak temtem hoku, dəzban ɗa ənzləra na kivadələv məs alabara nenek na Yesu abbal adaka gəm gəlaɗe na Maŋgəlva ampaŋ adak ɓa: (1) Ətəŋ ənzləra net məzutafaŋ a Yerusalem səɓɓa əpeŋ na Yesu a disiŋ; (2) Ətəray aka va na Filisti maɓɓan, gəm (3) Əzban əɓay a Mediterane hã aka dələv na Rom. Ətaf net məzutafaŋ na əknahan əzba net mə Yudeɗi yi.
Weza net maslənɗe waɓap uɗak gəlan temtem hoku, duwəl sən ətəray gəm ətəlma na alabara nenek na Yesu gəm əmpa net gəlaɗe na Maŋgəlva: (1) Ətəŋ ənzləra net məzutafaŋ a Yerusalem sə dərɓaga əpeŋ na Yesu a disiŋ; (2) ətəray a təki maɓɓan aka dələv net mə Filistiɗe gəm, (3) ətəray əmpa aka dələv na Mediterane va an na Rom.
An na sləma naddəv ɗerewel na Wəza net maslənɗe na ndəni wəza na Zeŋgile Salala, məs dəde də gagdak aket məzutafaŋ a Yerusalem aka pay na əzləra na Paŋtekot, tay əzban ədawgən gəm əpsən gbogboŋ sən Gəla-na-Maŋgəlva gəm ədawgən addəv an dətoŋ məverin addəv ɗereweləŋka. An kiwən an məs məzutafaŋ adarban na ndəni əpel na Maŋgəlva, gəm alabaraɗe məverit addəv an narban gagdak na wən vanəs addəv ənziya net məzutafaŋgə gəm addəv əsap na Gəla-na-Maŋgəlva temtemi.
Va muɗakani
Əzaɓan an nawpele (1:1-26)
Əpel na Alabara nenek a Yerusalem (2:1—8:3)
Əpel na alabara nenek a Yuda gəm a Samari (8:4—12:25)
Wəza na Pol (13:1—28:31)
Currently Selected:
Wəza net Maslənɗe ƏTOŊ ADDƏVƏN: GB
Highlight
Share
Copy
Want to have your highlights saved across all your devices? Sign up or sign in
All right reserved