युहन्ना 7
7
येसुनुङ खोमि निसाजि
1मोबा ए़क्साङ येसु गालिलबेॽनोॽ वाइडुसा, खो यहुदियाबेॽ मे़ङ्खडा, इन्ढोङ्होङ यहुदि डायोङ्बाजिडे़ॽ खो सेॽनेमे निहु योक्मे़ॽनिङ्सिडुजे। 2मोडोक्पेॽ यहुदिजिमि छाप्रोबास लुमे चाड लेङ्सिॽपोरोक्पॽआ ले़टा। 3मोडोगे़ॽ येसुमि निसाजिडे़ॽ खो लुसुजि, “इगो ठाउँ याःॽयानुङ यहुदियाबेॽ खडे। हे़ने़ॽ ले़ःॽटिङ्बॽआ खरिहा योम्बोक मोबेॽ हे़ने़हा चोङ्साजिडे़ॽसो खाङ्डोगुजिरो। 4टाङ्बामि निङ मुक्पॽआ नेन्जाघुबे़ॽ टाङ्बे़ॽ ले़ःॽपॽआ योम्बोक चुप्सुनिहा। मोडोक्नोॽ हे़ने़ॽसो खरिहा योम्बोक ले़ःॽमे़ॽनिङ्सिन्डुहा, इघा खरिहा योम्बोक मक्खाम्डेमबेॽ चोप याॽमिजिमि पोम्बेॽ खाङ्मुसे।” 5इन्ढोङ्होङ येसुमि निसाजिडे़ॽसो खो बिस्वास मे़ले़टुजे।
6येसुडे़ॽ माहाजि लुसुजि, “का मोबेॽ खे़ॽमे बेला हागोनोॽ मे़लेन्डिॽ, तर हे़निङ्मि लागिगो सानिङ्नोॽ ठिक बेला ले़ये। 7मक्खाम्डेमबेॽहा याॽमिजिडे़ॽ हे़निङ सिच्चामिने, तर कागो सिच्चाम्मे, इन्ढोङ्होङ मक्खाम्डेमबेॽहा याॽमिजिमि चाल चलन मङे़हा ले़हा लुनुङ के़ॽ लुनुङ्हा। 8हे़निङ इगो चाडबेॽ खडानिङे। का चाहिँ इगो चाडबेॽ खे़ॽङानि, इन्ढोङ्होङ काङ्मि बेला हागोनोॽ मे़लिडिॽ।” 9येसुडे़ॽ माहाजि इडोॽ लुनुङ खो चाहिँ गालिलबेॽनोॽ पेना।
छाप्रो बासमि चाडबेॽ येसुडे़ॽ इःॽपॽआ
10तर खोमि निसाजि चाडबेॽ खे़ॽपॽआ बेला खोसो असानुङ्सो मे़ङ्खाङ्मुरेॽ खुस्रिङ्मु मो चाडबेॽ खडा। 11मो चाडबेॽ यहुदि डायोङ्बाजिडे़ॽ येसु योक्साङ “खो हाम्बेॽ टुये ?” लुनुङ याॽमिजिनुङ सिम्मे़ॽनिङ्सिडुजे। 12मोबेॽ सुम्बॽआ याॽमिजिमि रुम्बेॽ येसुमि टुम्बेॽ खा लिबोगा। माहाजिबेॽ “आढाजि कासामि येसु नुबा याॽमि ले़ये।” तर आढाजि कासामि, “ने़ॽनि, आक्कोसे़ॽको याॽमिजि फोःप्सेॽमे़ॽनिङ्सिङ्डुजे।” 13तर माहाजि यहुदि डायोङ्बाजिबाङ किस्सिबॽआसे़ॽ असे़ॽसो येसुमि टुम्बेॽहा खा इःमामि लागि याबुक मे़हेनुजे।
14चाड लिमे़ॽनिङ्सिडे़ मोडोक्पेॽनोॽ येसु मन्दिर होङ्सिॽयु पे़खे़ॽनुङ सिक्छे पिबोगु। 15माहा यहुदि डायोङ्बाजिडे़ॽ येसुमि खा खे़म्नुङ खरि मिङ्साङ कासामि, “इगो याॽमिडे़ॽ इमाङ्सो मे़न्चिङ्लेॽ इन्डोक्टे इडोॽ बेॽलो खा लेसुहा ?”
16मोबा येसुडे़ॽ खोजि लुसुजि, “के़ॽ इःॽपॽआ इघा खा के़हा ने़ॽनिहा, तर का पाङ्घुबा निवाहाङ्बाङ लेम्बॽआ ले़ये। 17निवाहाङ्डे़ॽ नेन्जाबॽआ खा पालना ले़ःॽमा योक्खुबा याॽमि ले़म्मिहोङ, काङ्मि सिक्छे निवाहाङ्बाङ ले़येन्डे काबाङ ले़ये लुनुङ लेन्डुहा। 18असे़ॽ टाङ्बामि निवाबाङ यामुये मोसे़ॽ टाङ्बामि लागि सम्मान योॽइन्डुए, तर असे़ॽ टाङ्बा पाङ्घुबामि सम्मान योॽइन्डुए, मो चाइबमा ले़ये, खोसे़ॽ रेम्देडुनिबा। 19इमा मोसाडे़ॽ हे़निङ धारमिक नियम पिबॽआ ने़ॽनेन्डे ? तरसो हे़निङे़ॽ मो पालना ले़टानुम्नि। इन्ढोङ हे़निङे़ॽ का सेॽमा योॽइन्डानिङे ?”
20माहा याॽमिजिडे़ॽ लुसुजि, “हे़न मङे़ॽमा चबे़ॽ राःप्मिटे़, हे़न असे़ॽटे सेॽमा योगे़ ?”
21येसुडे़ॽ माहाजि लुसुजि, “के़ॽ इक्को खरिमा योम्बोक ले़ःॽमाबेॽ हे़निङ खरि मिङ्इन्डानिङे। 22मोसाडे़ॽ खतना ले़ःॽमे नियम पिसा, तर इगोगो हे़निङ्मि टुबालाबाजिडे़ॽनोॽ तरिक्पॽआ ले़टे़। मो हे़निङे़ॽ नाजामे याकपेॽ हे़निङ्मि पसाजिमि खतना ले़न्डानुम। 23हे़निङे़ॽ चाहिँ मोसाडे़ॽ पिबॽआ नियम नासि मे़लिरो लुनुङ नाजामे याकपेॽसो खतना ले़न्डानुम, के़ॽ चाहिँ इक्को याॽमि नाजामे याकपेॽ नुबोक्माबेॽ हे़निङ इन्ढोङ सुरके़न्डानिङे ? 24याॽमिमि याबुक खाङ्नुङ ने़ॽनि, तर चइबानोॽ नुबानुङ मङे़ॽमा खाङ्नुङ न्याय ले़टानुमे।”
मुक्ति पिघुबा हाङ्बा
25मोडोक्पेॽ यरुसलेमबेॽहा आढा याॽमिजिडे़ॽ लुसुजि, “इमा माहाजिडे़ॽ सेॽमा योक्पॽआ याॽमि इगोनोॽ ने़ॽने ? 26खाक्सानुमे इगोगो चोपमि पोम्बेॽनोॽ कामे़ॽनिङ्सिये, तर इघाजिडे़ॽ खो इमाङ्सो लुसुजिनि! मुक्ति पिघुबा हाङ्बा खिरिस्ट इगोनोॽ ले़ये लुनुङ कानिङ्मि डायोङ्बाजिडे़ॽ लेसुजेन्डे ? 27तर इगो याॽमि हाम्बाङ लेङ्इटे़ लुमे खा कानिङे़ॽ नुरोॽ लेन्डुङ्मे़। खिरिस्ट लेम्माबेॽको हाम्बाङ लेङ्इये असे़ॽसो लेसुजिने।”
28येसुडे़ॽ मन्दिरबेॽ इःॽमे़ॽनिङ्सिमाबेॽ बेॽए सेम्लाडे़ॽ लुसु, “इमा हे़निङे़ॽ का चइबानोॽ लेन्डानिङे ? का हाम्बाङ लेङ्इटिङे लुनुङ चइबानोॽ हे़निङे़ॽ लेन्डानुमे ? का काङ्डाङ्बा लेम्बॽआ ने़ॽनि, का पाङ्घुबा चाहिँ चाइबमा ले़ये, 29तर के़ॽ खो लेनुङे़, इन्ढोङ्होङ कागो खोसे़ॽ पाङ्नुङ लेङ्इटिङे।”
30मोडोक्पेॽ माहाजिडे़ॽ येसु राःप्मा योगुजि, तर असे़ॽसो खोबेॽ हुक मे़न्टिसुजि, इन्ढोङ्होङ खोमि बेला हागोसो मे़लिबॽआ ले़टा। 31तर मोबेॽहा बेॽलो याॽमिजिडे़ॽ येसुबेॽ बिस्वास ले़टुजि। मोबा माहाजिडे़ॽ लुसुजि, “इमा मुक्तिदाङ्बा खिरिस्ट लेम्माबेॽ इगो याॽमिडे़ॽ ले़ःॽपॽआ योम्बोकबाङ्सो बेॽलो खरिहा योम्बोक खोसे़ॽ ले़न्डुहा ?”
येसु राःप्मा योक्पॽआ
32बेॽलो याॽमिजिडे़ॽ येसुमि टुम्बेॽ खा इःमे़ॽनिङ्सिबॽआ फरिसिजिडे़ॽ खेप्सुजि। मोबा एप्पा याडाङ्बाजिनुङ फरिसिजिडे़ॽ येसु राःप्सिॽ मन्दिर हुङ्घुबाजि पाक्सुजि।
33येसुडे़ॽ लुसु, “हागो इक्याक नियाक का हे़निङ्नुङ टुङे, मोबा ए़क्साङ का पाङ्घुबाबेॽ टेघे़ङे। 34हे़निङे़ॽ का योॽइन्डानिङे, तर चुप्टानुम्नि, का हाम्बेॽ खे़ॽए़ङे मो ठाउँबेॽ हे़निङ लेङ्हेसानिङ्नि।”
35मोबा यहुदि डायोङ्बाजि खोजिदाङ्बा कासामि, “कानिङे़ॽ मे़न्चुप्हेमे हाम्बे ठाउँबेॽ इगो येसु खे़ॽसिॽपोरोइटे़ ? इमा इगोसे़ॽ गिरिक जातिहा याॽमिजि खोरो हाःनुङ पेम्बॽआ यहुदिजिबेॽ खे़ॽनुङ गिरिक जातिहा याॽमिजि सिक्छे पिमा योॽइटुए ? 36‘हे़निङे़ॽ का योॽइन्डानुमे, तर चुप्टानुम्नि, का हाम्बेॽ पेङ्इङे, मोबेॽ हे़निङ लेङ्हेसानिङ्नि’ इगोसे़ॽ इन्डोक्मा खाडे इःमे़ॽनिङ्सिन्डुए ?”
हिङ्मवा पिघुबा योङा
37छाप्रोबास लुमे चाडमि ए़क्साङ्ए याकपेॽ येसु येःप्नुङ बेॽए सेम्ले़ॽ लुसुजि, “हे़निङ्बेॽ वाइॽमे़ॽ सिघुबाजि टुन्डानिङेहोङ काबेॽ आप्नुङ उक्सानुमे। 38धारमिक नेॽचिराबेॽ इडोॽ साप्पॽआ ले़ये, ‘काबेॽ बिस्वास ले़ःॽखुबाबाङ हिङ्मवा पिघुबा योङामि होङ्मा पिइये।’”#७:३८ काबेॽ बिस्वास ले़ःॽखुबाबाङ हिङ्मवा पिघुबा योङामि होङ्मा पिइये। यसैया ५८:११; जकरिया १४:८ 39इगो खा चाहिँ येसुडे़ॽ पबित्रा होङ्निवामि टुम्बेॽ लुबॽआ ले़टे़, मो पबित्रा होङ्निवा खोबेॽ बिस्वास ले़ःॽखुबाजिडे़ॽ चुप्मे बेला लेङ्सिॽपोरोक्पॽआ ले़टे़। मो पबित्रा होङ्निवा मोडोक बेलारो निवाहाङ्डे़ॽ खाङ्मुबॽआ मे़ले़टे़, इन्ढोङ्होङ येसुडे़ॽ महिमा मे़न्चुप्पॽआ ले़टा।
याॽमिजिमि खानुङ निवा मे़न्टोङ्बॽआ
40येसुमि इघा खा खेम्नुङ मोबेॽ सुम्बॽआ याॽमिजिडे़ॽ लुसुजि, “इगो याॽमिगो चइबानोॽ लेङ्इये लुनुङ कानिङे़ॽ आसा ले़ःॽपॽआ अगमबक्तानोॽ ले़ये।” 41आढाजिडे़ॽ लुसुजि, “इगोगो मुक्तिदाङ्बा खिरिस्टनोॽ ले़ये।” तर हाइखाजिडे़ॽ लुसुजि, “इमा मुक्ति पिघुबा खिरिस्ट गालिलबाङ लेङ्इये ? 42धारमिक नेॽचिराबेॽ इडोॽ साप्पॽआ ले़ये, मुक्तिदाङ्बा खिरिस्ट, हाङ्बा दाउदमि बङ्सनुङ दाउदमि खिम्डेम बेथलेहेमबाङ लेङ्इये।#७:४२ हाङ्बा दाउदमि बङ्सनुङ दाउदमि खिम्डेम बेथलेहेमबाङ लेङ्इये। २ समुएल ७:१२; यरमिया २३:५-६; मिका ५:२ ” 43येसुमि टुम्बेॽहा इडोक्हा खाडे़ॽनोॽ याॽमिजि फाक्खडामि। 44माहाजिबेॽ इन्डोक जनाडे़ॽ येसु राःप्मा योगुजि, तर असे़ॽसो खो हुक मे़न्टिहेसुजि।
यहुदि डायोङ्बाजिमि अबिस्वास
45मन्दिर हुङ्घुबाजि येसु राःप्सिॽ पाङ्बॽआ मे़राःप्लेॽ टेजासामि। याडाङ्बानुङ फरिसिजिडे़ॽ माहाजि सिप्सुजि, “खोइडे येसु ? हे़निङे़ॽ खो इन्ढोङ मे़राबानुमे ?”
46माहा मन्दिर हुङ्घुबाजिडे़ॽ लुसुजि, “खोमि खा खेम्नुङ कानिङ्गो खरि लिसिङ्मा, कानिङे़ॽ आक्टोॽहा खा हागोरो मे़ङ्खेम्डिॽ!”
47माहा फरिसिजिडे़ॽ लुसुजि, “मोसे़ॽ हे़निङ्मिसो निवा फाङ्बेबेॽटे़ चारा। 48इमा कानिङ्मि डायोङ्बाजिनुङ यहुदि धारमिक नियम इःॽखुबाजिबेॽ असे़ॽटे खो बिस्वास ले़ए़टुए ? 49तर माहा याॽमिजिडे़ॽ मोसामि नियम लेसुजिने, अक्खाजिबेॽ चापहिमा सिॽइटे़।”
50माहा फरिसिजिबेॽ निकोदेमस निङ ले़ःॽखुबा याॽमि टुसा, खोसे़ॽ याक्लोसो इक्खेॽ येसु चुप्पॽआ ले़टे़, मोसे़ॽ लुसु, 51“इमा कानिङ्मि यहुदि धारमिक नियमडे़ॽ आप्टिक टिबॽआ याॽमिमि खा याक्लो नुरोॽ मे़ङ्खेम्लेॽ, खोसे़ॽ ले़ःॽपॽआ योम्बोक नुरोॽ मे़लेरेॽ आप्टिकनुङ्मा ले़ये लुनुङ यहुदि धारमिक नियमडे़ॽ लुये ?”
52तर माहाजिडे़ॽ मो लुसुजि, “इमा हे़नसो गालिलि याॽमि ले़ये ? याक्लो धारमिक नेॽचिरा योक्नुङ नुरोॽ नेडे, मोबा हे़ने़ॽ लेडोक्इन्डुए, इन्डोक्पेॽसो गालिलबाङ अगमबक्ता लेन्निबा।”
53[मोबा चोप याॽमिजि खोजिमि खिम खडामि।
Currently Selected:
युहन्ना 7: YAMP
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
