मात्ति 28
28
येसु स्यानाभाङ् हिङ्गिलिक लेक्साना
(मार्कुस १६:१-११; लुका २४:१-१२; युहान्ना २०:१-१८)
1आराम चोक्माना लेनगा हेक्साङ्ना लेन भेनिक कुचिक्कुचिक्पे मारियाम माग्दालिनि नुङ् हेकोना मारियाम येसु ङ्युक्सुना सियापाङ् सोसे ख्याचि॥ 2ङ्खिङ्बेला थाप्थुम्बे माडा लुक्लिबा ख्या, इजाङ्बाङ्निङ् हाङ्बा निङ्वाफुमागा एको वालोक्दुत वालोकपाहाङ् मो उक्साहोङ् सियापाङ्गा माडा लुङ्खाक लेक्साहाक्सु न्हाङ् न्ना छोङ्बे युङा॥ 3उका उनाचिक बिजुलि चाम्काचोगाना लोॽवा न्हाङा ओतेक च्हेन नाङ्#२८:३ हिउ लोॽवा फु साया॥ 4सियापाङ् कुखुबाचि च्हेन उङ् न्निसुहोङ् किसिॽमाङा थोकोकोक ङ्योङा न्हाङ् न्स्याहा लोॽवा न्लेक्सा॥
5ङ्खाॽनिङ्गो वालोक्दुतङा ङ्खा मामुचि खाॽला लुचि, “ङ्गिसितान्चिन, का था वान्ने, न्जिङ्दा कुरुसपे स्याना येसु योक्मासिम्मेचिघा॥ 6उङ् गो नाबे मान्ना, उङा ओन्दाङ् कायाना लोॽवा उङ् स्यानाभाङ् हिङ्गिलिक लेक्साब्यामाना॥ आबाचिघोङ् उका लास युक्साना ठोङ् सोयाचु! 7हाकु हानि ख्याचिघोङ् उका चेलाचि ‘उङ् स्यानाभाङ् हिङ्गिलिक लेक्सामा, उङ् न्निङ्दा हाक्निङ् ओन्दाङ् गालिलबे खेॽमासिम्मेॽना, न्नाबे न्निङ्दा उङ् निस्वाम्गाना’ लुयाचुचि! का न्जिङ्दा लुॽमाहा चेॽया खिङ्सेॽहा॥”
8ङ्खिङ्बेला ङ्खा मामुचि किसिताचि चा न्हाङ् चोन्दास्याचि चा॥ न्हाङा ङ्खाचि सोलोक सियापाङ्भाङ् लोन्दाचिहोङ् चेलाचि ङ्खा चेॽया खेम्मेसे लुक्ताचि॥
9थाप्थुम्बे येसुङा ङ्खाचि तुप्सुचिहोङ् लुचि, “न्जिङ्दा हाङ्हाङ् लेङ्चिगानि!” ङ्खिङ्बेला ङ्खाचिङा उलाङ् तोक्निसाङ् सेमेताचु॥ 10न्हाङा येसुङा लुचि, “ङ्गिसितान्चिन! ख्याचिघोङ् आका आनुन्छाचि ‘गालिलबे ख्यानि’ लुयाचुचि, न्हाङ् न्नाबेॽमाङ् का उङ्चिङा निमेहा॥”
काङ्बाचिङा न्दाहा सालेन
11ङ्खा मामुचि लाम्बुबे खेॽमास्याचिनिङ्, एकोहिप्पाङ् काङ्बाचि साहारबे ङ्ख्याहोङ् सियापाङ्बे लेक्साहा घाक चेॽयागा उतुम्बे खाङ्खाङ् हाङ्खुबाचि ङ्योक्मेतुचि॥ 12न्हाङा खाङ्खाङ् हाङ्खुबाचि नुङ् याहुदि हाङ्गुम्बाचि न्छुप्साहोङ् हाकु इ चोक्माहाभोङ् साल्लाहा न्जोगा॥ न्हाङ् ङ्खाचिङा काङ्बाचि प्याक याङ् पिसाङ् खाॽला न्लुचि, 13“न्निङ्दा ‘कानिङ् सेॽनि इप्सिखेइमिसिङ्निङ् येसुगा चेलाचि न्दायामाहोङ् उका लास ङ्खुसेतुक्सुना’ कायानियो॥ 14खा चेॽया माडा-खाङ्खाङ्बागा उनाभाकपे तासिभोङ्चा न्निङ्दा हिङ्मेॽमागा कानिङ् चेॽया तोक्स्वाम्ङाहा॥” 15काङ्बाचिङा याङ् न्दाप्तुहोङ् ङ्खा खाङ्खाङ् हाङ्खुबाचिङा न्जिन्दुचिहा लोॽवा ङ्गाया॥ न्हाङामाङ् खा चेॽया हिसा न्हाङ् हेन्सेन चा याहुदिचि ङ्खाॽला ङ्गामेहा॥
येसु चेलाचिगाबे ओताना
(मार्कुस १६:१४-१८; लुका २४:३६-४९; युहान्ना २०:१९-२३; सेगुम्पाक १:६-८)
16एए चेलाचि येसुङा ख्यानि लुचिना गालिलगा कोङ्गुबे ङ्ख्या॥#मात्ति २६:३२; मार्कुस १४:२८ 17ङ्खाचिङा येसु न्नाबे न्निसुहोङ् फोप न्सेमेतु, ङ्खाॽनिङ्गो इखिङ्ङा च्हेन साङ्का न्जोगु॥ 18न्हाङा येसु उङ्चि युम्बे तायाहोङ् खाॽला लुचि, “वालोक नुङ् ताम्दाङ्फुमाबे घाक चोक्तोक निङ्वाफुमाङा का पियामाङ्॥ 19न्हाङामाङ् ख्यानि, न्हाङा घाक जातिगा याॽमिचि चेला चोगानुम्चिम॥ ङ्खाचि निङ्वाफुमा पा, उच्या नुङ् पाबित्तारा आत्मागा उनिङ्बे बाप्तिस्मा पियानुम्चिम॥#सेगुम्पाक १:८ 20का आग्गे पिॽनेनिन्हा घाक चेॽया पालाना चोक्मा चिन्साङ् ख्यानि॥ सोयानुम, कायुङ्लेनगा आखेरि लेन सोम्मा का साधाइ न्निङ्दानुङ् वेॽङाना॥”
Currently Selected:
मात्ति 28: YAKH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
