Popular Bible Verses from मात्‍ति 28

Share

न्‍हाङामाङ् ख्‍यानि, न्‍हाङा घाक जातिगा याॽमिचि चेला चोगानुम्‍चिम॥ ङ्‌खाचि निङ्‌वाफुमा पा, उच्‍या नुङ् पाबित्‍तारा आत्‍मागा उनिङ्‌बे बाप्‍तिस्‍मा पियानुम्‍चिम॥ का आग्‍गे पिॽनेनिन्‍हा घाक चेॽया पालाना चोक्‍मा चिन्‍साङ् ख्‍यानि॥ सोयानुम, कायुङ्‌लेनगा आखेरि लेन सोम्‍मा का साधाइ न्‍निङ्‌दानुङ् वेॽङाना॥”

न्‍हाङा येसु उङ्‌चि युम्‍बे तायाहोङ् खाॽला लुचि, “वालोक नुङ् ताम्‍दाङ्‌फुमाबे घाक चोक्‍तोक निङ्‌वाफुमाङा का पियामाङ्॥

ङ्‌खाॽनिङ्‌गो वालोक्‍दुतङा ङ्‌खा मामुचि खाॽला लुचि, “ङ्‌गिसितान्‍चिन, का था वान्‍ने, न्‍जिङ्‌दा कुरुसपे स्‍याना येसु योक्‍मासिम्‍मेचिघा॥ उङ् गो नाबे मान्‍ना, उङा ओन्‍दाङ् कायाना लोॽवा उङ् स्‍यानाभाङ् हिङ्‌गिलिक लेक्‍साब्‍यामाना॥ आबाचिघोङ् उका लास युक्‍साना ठोङ् सोयाचु!

न्‍हाङा येसुङा लुचि, “ङ्‌गिसितान्‍चिन! ख्‍याचिघोङ् आका आनुन्‍छाचि ‘गालिलबे ख्‍यानि’ लुयाचुचि, न्‍हाङ् न्‍नाबेॽमाङ् का उङ्‌चिङा निमेहा॥”

न्‍हाङा खाङ्‌खाङ् हाङ्‌खुबाचि नुङ् याहुदि हाङ्‌गुम्‍बाचि न्‍छुप्‍साहोङ् हाकु इ चोक्‍माहाभोङ् साल्‍लाहा न्‍जोगा॥ न्‍हाङ् ङ्‌खाचिङा काङ्‌बाचि प्‍याक याङ् पिसाङ् खाॽला न्‍लुचि, “न्‍निङ्‌दा ‘कानिङ् सेॽनि इप्‍सिखेइमिसिङ्‌निङ् येसुगा चेलाचि न्‍दायामाहोङ् उका लास ङ्‌खुसेतुक्‍सुना’ कायानियो॥ खा चेॽया माडा-खाङ्‌खाङ्‌बागा उनाभाकपे तासिभोङ्‌चा न्‍निङ्‌दा हिङ्‌मेॽमागा कानिङ् चेॽया तोक्‍स्‍वाम्‍ङाहा॥” काङ्‌बाचिङा याङ् न्‍दाप्‍तुहोङ् ङ्‌खा खाङ्‌खाङ् हाङ्‌खुबाचिङा न्‍जिन्‍दुचिहा लोॽवा ङ्‌गाया॥ न्‍हाङामाङ् खा चेॽया हिसा न्‍हाङ् हेन्‍सेन चा याहुदिचि ङ्‌खाॽला ङ्‌गामेहा॥