लुका 5

पहिलोठि चेलवाह

(मति ४:१८-२२; मरकुस १:१६-२०; युहन्‍ना १:४०-४२)

1एक दिन जब येसुजि गनेसरेत#५:१ गालिलि तलवाक दोसर नाउँ गनेसरेत फेनि रहलइ। तलवाक तिरवामा ठडियाइल रहलसि, तखनहिँ बहुत मन्‍सेसभ परमेस्‍वरक वचन सुनेके तहिँया चारिवरसे याके भिड लगलइ। 2येसुजि तलवाक तिरवामा दु गो डोङा देखलसि। तखनहिँ मछुरियावाह डोङवा छाडके जलवा धोवइ रहलइ। 3वहवाँ भेलि दु गो डोङवामधेसे एगुडि डोङवा सिमोनक रहलइ। येसुजि सिमोनक डोङवामा चढके वकरेके तिरवासे इचिक वताहुँ लिगाएके कहलसि हसे डोङवामा बइठके मन्‍सावानिके सिछा देवे लगलसि।#मति १३:१-२; मरकुस ३:९-१०; ४:१

4येसुजि सिछा देसकलेपर सिमोनके कहलसि, “डोङवा गहिरि पनियावरि लिगहि हसे यापन जलवा खेपहि।” 5इअ सुनके सिमोन येसुजिके कहलिय, “गुरुजि, हमरा त रातभर जाल खेपके एगुटो फेनि माछरि हइने मारले बडहुँ, बाकि यपनहुँक कहलि बतवा यनुसार मुइ याबे जलवा खेपबहि।”#युहन्‍ना २१:३ 6जब हुनुका जलवा खेपलइ, यतुरा बहुत माछरि परलइ कि हुनुकर जलवा फाटे लगलइ।#युहन्‍ना २१:६ 7उहेसे हुनुका दोसरि डोङवाक सङहतियवानिके फेनि याके मदत करेके तहिँया हथवा बतलाके बलोलइ। हुनुका याके मछरिया निकडोते दुन्‍हु डोङवामा धरते गेलइ हसे डोङवा बहुत माछरिसे भरइलेसे डुबे लगलइ।

8जब सिमोन पतरुस इअ देखलिय, उअ येसुजिक पाउमा परके कहे लगलिय, “हे प्रभु, मुइ पापि मन्‍से हखहि, मोरसे फरकाहुँ रहहुँ,” 9केहकेकि यतेक बहुत माछरि बाँझल देखके सिमोन हसे वकर सङहतियवाह छक परलइ। 10सिमोनसाङे मिलके काम करलाहर जब्‍दियाक बेटवाह याकुब हसे युहन्‍ना फेनि गहनि छक परलइ। तखनहिँ येसुजि सिमोनके कहलसि, “झिन डेराहि! याबेसे तुइ माछरि हइने बाकि मुइ तोरके मोर लघिना मन्‍सेसभ यानेके सिखोबहिँ।” 11उहेसे हुनुका इअ बतवा सुनके यापन डोङवाह तिरवामा यनलइ हसे जम्‍मे चिजुवा छाडके येसुजिक पाछा लगलइ।

बडकि दुःखवा लागल मन्‍से

(मति ८:१-४; मरकुस १:४०-४५)

12एक दिन येसुजि कुनहुँ एगुडा सहरमा रहलसि। वहवाँ एक जन बडकि दुःखवा लागल मन्‍से येसुजिक लघिना याके बिन्‍ति करके कहलिय, “हे प्रभुजि, यपनहुँ चाहबहुँ जउँ मोरके डउल बनावे सकबहुँ।” 13येसुजि यापन हथवा पसराके वकरेके छुके कहलसि, “मुइ चाहसहिँ कि तुइ डउल हख” हसे वइघरहिँ वकर बडकि दुःखवा डउल भेलइ। 14तब येसुजि वकरेके आग्‍या देते कहलसि, “हेरहि, इअ बतवा ककरहुँके फेनि झिन कहसि! बाकि पुजेरियाक लघिना जाके यपनहिँके देखोसि हसे मोसाक कहलि नहिँया भोग चढाके डउल भेलिक परमान देसि।”#लेवि १३:४९; १४:२-३२

15बाकि येसुजिक बारेमा चरचा झन छितइले गेलइ। बहुत मन्‍सेसभ येसुजिक सिछा सुनलइ हसे यापन-यापन दुःखवासे डउल हखेके तहिँया हुनेक लघिना यावे लगलइ। 16बाकि येसुजि मन्‍सावानिक भिडवासे छुटियाके सुनसान ठउरियामा जाके परथाना करइ रहसि।

धार-हइने चल्‍ना रोग लागल मन्‍से डउल भेल

(मति ९:१-८; मरकुस २:१-१२)

17जब एक दिन येसुजि मन्‍सावानिके सिछा देइ रहलसि, तखनहिँ फरिसियाह हसे व्‍यवस्‍थाक-गुरुसभ फेनि हुनेक लजिके बइठल रहलइ। हुनुका गालिल हसे यहुदिया छेतरक जम्‍मे गउँवा तके यरुसलेम सहरवासे फेनि याइल रहलइ। मनियइलि मन्‍सावानिके डउल बनावेके तहिँया येसुजिसाङे परमप्रभुक सक्‍ति रहलइ। 18तखनहिँ मन्‍सावाह एक जन धार-हइने चल्‍ना रोग लागल मन्‍सेके बिछोनवाहिसाङे बोकके यनलइ। हुनुका उअ मनियइलि मन्‍सावाके भितरा यानके येसुजिक यागा धरे खोजइ रहलइ। 19बाकि मन्‍सेसभक भिड भेलेसे वकरेके येसुजिक लघिना यानेके पइडा हइने पउलइ। उहेसे हुनुका उअ मनियइलि मन्‍सावाके घरवाक छनिया वपरा लिगलइ हसे खपडावा उजारके वहवाँसे रसेरसे बिछोनवाहिसाङे मन्‍सावानिक बिचा येसुजिक यागा नभोलइ। 20येसुजि हुनुकर विस्‍वास देखके मनियइलि मन्‍सावाके कहलसि, “तोर पाप छमा भेलइ।”

21बाकि येसुजिक बतवा सुनके व्‍यवस्‍थाक-गुरुसभ हसे फरिसियाह एक दोसरिसाङे यसके कहे लगलइ, “परमेस्‍वरक निना करलाहर इअ कुने हखिय? पाप त परमेस्‍वर मतरे छमा करे सकबसि।” 22बाकि येसुजि हुनुकर मनवाक बतवा जानके कहलसि, “तोहरा केहके यसनुक विचार करइबडह? 23इअ मन्‍सावाके ‘तोर पाप छमा भेलइ’ कहेके उसार बडइ कि ‘उठ हसे बुलहि’ कहेके उसार बडइ, मोरके कहह त? 24बाकि तोहरा जनिह कि, इअ धरतियामा मुइ मन्‍सेक पुतरक पाप छमा करेके अधिकार बडइ।” तब येसुजि उअ मन्‍सावाके कहलसि, “मुइ तोरके कहइ बडहिँ, उठहि हसे यापन बिछोनवा बोकके घर जाहि।” 25तखनहिँ उअ धार-हइने चल्‍ना रोग लगलि मन्‍सावा वइघरहिँ उठलिय हसे यापन बिछोनवा बोकके परमेस्‍वरक बखान करते घर गेलिय। 26तब उअ देखके हुनुका जम्‍मे जन गहनि यचम्‍म मनलइ हसे परमेस्‍वरक सक्‍ति देखके डेरेलइ। हुनुका जम्‍मे जन परमेस्‍वरक बखान करते कहे लगलइ, “याजु हमरा त कस्‍नुक यचम्‍मक बात देखलहुँ!”

येसुजि लेविके बलोलसि

(मति ९:९-१३; मरकुस २:१४-१७)

27वकरपाछा येसुजि वहवाँसे निकडके बाहरा जाइखुनि लेवि नाउँक एक जन कर उठोलहर मन्‍सेके कर उठोना यडवामा देखलसि। येसुजि वकरेके कहलसि, “मोर पाछा याउ।” 28तब उअ यापन जम्‍मे चिजुवा छाडके येसुजिक पाछा लगलिय।

29वकरपाछा लेवि येसुजिक तहिँया यापन घरवामा जबड भोज तयार करके खाए बलोलिय। उअ भोजवामा बहुत जन कर उठोलहर हसे याको मन्‍सेसभ फेनि रहलइ। 30बाकि फरिसियाह हसे व्‍यवस्‍थाक-गुरुसभ घुनघुनइते येसुजिक चेलवानिके कहे लगलइ, “तोहरा केहके कर उठोलहरा हसे पपियानिसाङे बइठके खेसह?”#लुका १५:१-२ 31तब येसुजि हुनुकाके जवाफ देते कहलसि, “हइने मनियाइल मन्‍सेके बइध हइने चाहिँ लगसइ, बाकि मनियाइल मन्‍सेके मतरे बइध चाहिँ लगसइ। 32वसने मुइ धरमियानिक तहिँया हइने, बाकि पापिसभके यापन-यापन पाप मानके छडह कहके बलावे याइल बडहिँ।”

उपासक बारेमा येसुजिके प्रस्‍न

(मति ९:१४-१७; मरकुस २:१८-२२)

33एक दिन कतेक जन मन्‍सेसभ येसुजिके कहलइ, “बप्‍तिस्‍मा देलाहर युहन्‍नाक चेलवाह त घर-घराहे उपास रहके परथाना करसइ हसे फरिसियानिक चेलवाह फेनि वसने करसइ, बाकि यपनहुँक चेलवाह सबदिन खेसइ हसे पियसइ।” 34तब येसुजि हुनुकाके जवाफ देते कहलसि, “कथि तोहरा बियाहक भोजवामा दुलहावासाङे यलहरवानिके भुखले पठोबह? 35बाकि यसनुक दिन यवइ बडइ, जब दुलहवा तोहारसे लिगेबिय, तब हुनुका उपास रहतइ।”

36येसुजि हुनुकाके एगुडा उदाहरन देते कहलसि, “कुनहुँ मन्‍से फेनि लउठा लुगा फारके पुरान लुगामा पेउना हइने लगोसइ, यगर पेउना लगोले जउँ लउठि लुगवा फेनि बिगडतइ हसे लउठा पेउना पुरनि लुगवासाङे हइने मिलसइ।

37 “कुनहुँ मन्‍से फेनि लउठा अंङगुरक मोद पुरान छालक-मसक # ५:३७ छालाक-मसक: छालाक-मसक कहले छेर नहिँया झिनमिन जनवारक छालासे बनावल मोद धरना भडिया। मा हइने धरसइ, यगर धरले जउँ लउठि छालक-मसकवा फटतइ हसे मोदवा हरकतइ। 38उहेसे लउठा अंङगुरक मोद लउठि छालक-मसकमा मतरे धरे परसइ। 39कुनहुँ मन्‍से फेनि पुरान अंङगुरक मोद पिके लउठा अंङगुरक मोद हइने रुचसइ, ‘बरु पुरनि डउल कहसइ’।”

Currently Selected:

लुका 5: CTHR

Highlight

Copy