SAN JUAN 18
18
Tej tjaw ttzyet Jesús
(Mt. 26:47-56; Mr. 14:43-50; Lc. 22:47-53)
1Tejtzen tbaj naꞌn Jesús Dios, etzxin tuj Jerusalén tuya t-xnakꞌatzxin, bix e ponkexin jlajxe jnimaꞌ Cedrón tbi. Bix ocxkexin tuj jun awal te loꞌpj.
2Yaltzen te Judas, otk txiꞌ te qꞌueylte Jesús. Ttzkiꞌnxin jaaꞌ e tena Jesús, cuma nim maj otk tzꞌoc cychmon cyiib Jesús cyuya t-xnakꞌatz tuj awal lu tuꞌn cywutanxin. 3Juꞌ tzunj, te tzunj koniyan e pon Judas tuj awal cyuya nimxsen soldado te Roma bix cyuyaj cꞌojlal tja Dios otk txiꞌ cysmaꞌn kej nejenel cye pala bix kej xjal fariseo. E xiꞌ cyiiꞌnxin lampara bix tzaj bix cymacbilxin te kꞌoj.
4Eltzen tniyꞌ Jesús tiꞌj otk pon tumel tuꞌn tbint tcyamecyxin tuꞌnxin. Juꞌ tzunj, e pon lkꞌexin cywitz soldado, bix e xiꞌ tkbaꞌnxin cyexin:
—¿Al tzin cyjyoꞌna?―tz̈ixin.
5—Nko jyona Jesús, aj Nazaret―tz̈ikexin.
Bix e xiꞌ tkbaꞌnxin cyexin:
—Inayena jxjal nchi jyona tiꞌj―tz̈ixin.
Bix at Judas, jqꞌueyl texin, cywitz cꞌojlal tja Dios bix soldado.
6Tejtzen t-xiꞌ tkbaꞌn Jesús “inayena” cye soldado, el lkꞌekexin biꞌx e pjiyꞌ tzꞌakkexin twitz txꞌotxꞌ. 7Juꞌ tzunj e xiꞌ tkanen Jesús juntl maj cyexin:
—¿Al tzin cyjyoꞌna?―tz̈ixin.
—Nko jyona Jesús, aj Nazaret―tz̈ikexin.
8Bix aj ttzakꞌbeꞌn Jesús:
—Ma txiꞌ nkbaꞌna cyey ka inayena jxjal nchi jyona tiꞌj. Katzen inayena, cytzakpinxna ke nxnakꞌatza tuꞌn cyex libre―tz̈ixin, 9tuꞌntzen tjapan baj jyol otk txiꞌ tkbaꞌnxin te Dios: “Min-al nxnakꞌatza e tzaj tkꞌoꞌna tuj nkꞌaba ma txiꞌ tuj il.”
10Yaltzen te Simón Pedro, kꞌiꞌn jun machet tuꞌnxin tcuꞌx tuj tjayel. Tej tlontexin tuꞌn ttzyet Jesús, e jatz tiiꞌnxin tmachet-xin, bix e xiꞌ tjubacxin tmachet-xin tiꞌ twiꞌ jxin Malco, bix el jun tẍquinxin te tmankꞌabxin. T-xel jxin pala mas jawnex ja Malco. 11Pero e xiꞌ tkbaꞌn Jesús te Pedro:
—Kꞌoncꞌax tmacheta tuj tjayel. Ja qꞌuixcꞌaj ma tzaj tkꞌoꞌn Nmana weya tuꞌn tiyꞌx wuꞌna, qꞌuiyex wuꞌna―tz̈i Jesús.
Tej tpon kꞌiꞌn Jesús twitz tneel pala
(Mt. 26:57-58; Mr. 14:53-54; Lc. 22:54)
12Bix e xiꞌ tzyet Jesús tuꞌn capitán bix ke soldado bix kej judío cꞌojlal tja Dios, bix oc cyẍpoꞌnxin tkꞌabxin tzaltiꞌjxexin. 13Bix e xiꞌ cyiiꞌnxin jaxin tuj tja Anás. E ponkexin tuya Anás nejl, cuma at nim tipemal tyol Anás tibaj jtneel pala, cuma tjiiꞌxin tneel pala. 14Caifás jaj xin tneel pala otk txiꞌ tkbaꞌn cye judío ka mas baꞌn tuꞌn tcyim jun xjal te cyxel cykil xjal.
Tej tel tiiꞌn tiib Pedro tiꞌj Jesús
(Mt. 26:69-70; Mr. 14:66-68; Lc. 22:55-57)
15Tejtzen t-xiꞌ cyiiꞌn soldado ja Jesús, e xiꞌ lpe Simón Pedro tiꞌ Jesús, pero nakch chꞌin. Bix at juntl t-xnakꞌatz Jesús e xiꞌ lpe tiꞌ Jesús. Ttzkiꞌn Caifás twitz t-xnakꞌatz Jesús, bix juꞌ tzunj e tcuyaxin tuꞌn tocx ja t-xnakꞌatz Jesús lu tuj tjaxin tuya Jesús. 16Pero min ocx Pedro tunwen. Nuk e cyaj ten tiꞌjxe tlemel jaaꞌ. Juꞌ tzunj, jt-xnakꞌatz Jesús otk tzꞌoc tunwen cuma ttzkiꞌn tneel pala twitz, etz tuj jaaꞌ tuꞌn tkanen tej txin cꞌojlal ttziiꞌ jaaꞌ tuꞌn tocx Pedro tunwen, bix e tcuyatxin. 17Bix e xiꞌ tkanen jtxin cꞌojlal ttziiꞌ jaaꞌ te Pedro:
—¿Yaaꞌmpatey juntl cyxol t-xnakꞌatz ja xjal at tunwen?―tz̈itxin.
—Yaaꞌn t-xnakꞌatzxin kenwa―tz̈i Pedro.
18Attzen cheꞌw, bix otk cub cykꞌoꞌn t-akꞌanal taaw jaaꞌ bix ke cꞌojlal tja Dios jun kꞌakꞌ. Waꞌleckexin tiꞌ kꞌakꞌ nchi mekꞌen cyiibxin. Tuyax Pedro ocx cyxolxin te mekꞌl tiibxin.
Tej toc Jesús tuj xkelbil tuꞌn Anás
(Mt. 26:59-66; Mr. 14:55-64; Lc. 22:66-71)
19Yal te Anás, e xiꞌ tkanen te Jesús cyiꞌj t-xnakꞌatz bix tiꞌj t-xnakꞌtzbil. 20Bix aj ttzakꞌbeꞌn Jesús:
—Cywitz cykil xjal ma txiꞌ nkbaꞌna. Cyuj camon jaaꞌ ma txiꞌ nkꞌoꞌna nxnakꞌtzbila, bix ma txiꞌ nkꞌumena tyol Dios tuj nintzaj tja Dios, jaaꞌ n-oca cychmon cyiib cykil judío. Mintiiꞌ ma txiꞌ nkbaꞌna tuj ewjel. 21¿Tikentzen ntzaj tkanena weya? At nim tstiwa ma cybi nyola. Kanenx cyexin, tixix tten tuj cyleya. Baꞌn cyuꞌn alcyej ma txiꞌ nkꞌumena cye xjal―tz̈i Jesús.
22Tejtzen t-xiꞌ tkbaꞌnxin jlu, oc tloka jun cꞌojlal tja Dios twitzxin, bix e xiꞌ tkbaꞌnxin texin:
—Miꞌn tzꞌoc t-xmucchaꞌna jawnex pala―tz̈ixin.
23Aj ttzakꞌbeꞌn Jesús te cꞌojlal:
—Ka min ma chin yolena tuj tumel, kbantz weya ti tten ma chin tzpeta. Pero ka tuj tumel nyola, ¿tikentzen n-oc tloka nwitza?―tz̈ixin.
24Mix e caman Anás tiꞌ Jesús. Juꞌ tzunj e xiꞌ tsmaꞌnxin ja Jesús tuya Caifás, tneel pala. Ẍpoꞌnx Jesús.
Tej tel tiiꞌn tiib Pedro tiꞌ Jesús te tcaꞌba maj
(Mt. 26:71-75; Mr. 14:69-72; Lc. 22:58-62)
25Jatzen Simón Pedro, luxxin waꞌlecx tiꞌ kꞌakꞌ tuꞌn tmekꞌt-xin. Bix e xiꞌ cykbaꞌn niyꞌtl xjal toc tiꞌ kꞌakꞌ texin:
—¿Jaanpatey lepchec tiꞌ ja xjal lu?―tz̈ikexin.
Pero tcyꞌi Pedro jcyyolxin juꞌwa, bix e xiꞌ tkbaꞌnxin:
—Yaaꞌn jaan kenwa―tz̈ixin.
26Attzen cyxol xjal junxin t-akꞌanal tneel pala, titzꞌen jxin xjal otk tzꞌel ttxꞌoman Pedro tẍquin. E xiꞌ tkbaꞌn tzunxin te Pedro:
—¿Yaaꞌmpa ja tey xwila t-xol tken awal tuya Jesús?―tz̈ixin.
27Pero juntl maj e cubx tewen Pedro tuꞌn min e tkꞌumexin. Tzinxix xiꞌcꞌa tkbaꞌnxin juꞌwa tej tookꞌ cooꞌ.
Tej tpon kꞌiꞌn Jesús twitz Pilato
(Mt. 27:1-2, 11-31; Mr. 15:1-20; Lc. 23:1-5, 13-25)
28Tejtzen tbaj tkanen Caifás te Jesús, e xiꞌ cyiiꞌn judío ja Jesús twitz peꞌn te tja gobernador. Mitknaꞌx tul kꞌij. Tej cypon judío tja gobernador aj Roma, min ocxke tunwen, cuma tuj cyley kaꞌ tuꞌn tocx jun xjal judío tuj tja jun xjal yaaꞌn judío. Eltzen cyniyꞌ kꞌilte Jesús tiꞌj ka ma chi ocx tuj tja jun xjal yaaꞌn judío, otktzen chucj, bix mlaytltzen txiꞌ cywaaꞌn jwaabj te Pascua. 29Juꞌ tzunj, etz Pilato, ja gobernador, tuj tja, bix e xiꞌ tkanenxin cye judío:
—¿Alcye til ja xjal lu tuj cywitza?―tz̈i gobernador.
30Aj cytzakꞌbeꞌnxin texin:
—Nuket yaaꞌn binchal kaꞌ jxjal lu, mintle ma tzul kiiꞌna twitza tuꞌn tcub tkꞌoꞌna tcastiwaxin―tz̈ikexin.
31E xiꞌ tkbaꞌn Pilato cyexin:
—Ka cycyꞌiy tuꞌn ttzaj cykbaꞌna weya tuj tzinen alcyej tilxin, cyiiꞌnxa, bix cykꞌonx tcastiwaxin tisenj tzin tkbaꞌn tuj cyexa cyleya―tz̈i gobernador cye judío.
Aj cytzakꞌbeꞌnxin texin:
—Jxin lu, il tiꞌj tuꞌn tcyim. Pero judío koꞌya, bix yaaꞌn kꞌoꞌn keya tuꞌn ley te Roma tuꞌn tcub kbyoꞌna jun binchal kaꞌ―tz̈ikexin.
32Tejtzen t-xiꞌ cykbaꞌn judío e cyajbe tuꞌn tcub cybyoꞌn kej aj Roma ja Jesús, el jax tyol Jesús otk txiꞌ tkbaꞌn nejl, jaj tcyimlel twitz cruz.
33Cuma e cyajbe judío tuꞌn tbyet Jesús tuꞌn gobierno te Roma, juꞌ tzunj ocx Pilato tuj tja bix e xiꞌ ttxcoꞌnxin Jesús tuꞌn tpon twitzxin. Bix e xiꞌ tkanenxin:
—¿Jaxpa cyuꞌn kej xjal lu ka ja tey jcawel cyibaj judío?―tz̈i Pilato.
34Aj ttzakꞌbeꞌn Jesús:
—¿Tzimpa kanena weya cuma taja tzꞌel tniꞌya tiꞌj ka nchin kꞌojla tiꞌja, bix ka cuma ma chi jaw yolen nejenel cye judío wiꞌja?―tz̈ixin.
35Aj ttzakꞌbeꞌn Pilato:
—Yaaꞌn jun aj judío kena, bix mintiiꞌ il tiꞌj tuj nwitza ti nchi yolena ejeeꞌy judío tiꞌj jun cawel cyxola. Jmas il tiꞌj tuj nwitza, jaj tiken njawe cykꞌoj ttanema tiꞌja. ¿Tikentzen ma tzula cyiiꞌn kej tneel pala nwitza tuꞌn tcub nkꞌoꞌna tcastiwey?―tz̈i Pilato.
36Aj ttzakꞌbeꞌn Jesús:
—Ma tzaj tkanena weya ka inayena jun cawel. At jun ncawbila, pero yaaꞌn cyuꞌn xjal te twitz txꞌotxꞌ ma kꞌoj weya tuꞌn ncawena. Nuket te twitz txꞌotxꞌ ncawbila, matle chi kꞌoj kej xjal lepchec wiꞌja, tuꞌntzen miꞌn nxiꞌ kꞌoꞌna tuj cykꞌab nejenel cye judío. Pero yaaꞌn te twitz txꞌotxꞌ jncawbila ma tzaj kꞌoꞌn weya―tz̈i Jesús.
37Cuma e yolen Jesús tiꞌj tcawbilxin, juꞌ tzunj e xiꞌ tkbaꞌn Pilato texin:
—Jeyꞌ, jun cawel tzuna―tz̈ixin.
Aj ttzakꞌbeꞌn Jesús:
—Juꞌ tzuna. Ma chin ula twitz txꞌotxꞌ bix ma chin ul itzꞌja tuꞌn woca te cawel. In ula tuꞌn t-xiꞌ nkꞌumena jyol jaxxix. Kej xjal cyaj jaxxix yol, chi oquel lpeke wiꞌja―tz̈i Jesús.
38Bix e xiꞌ tkbaꞌn Pilato:
—Tuj nwitza, min cnet jjaxxix yol twitz txꞌotxꞌ―tz̈ixin.
Tej tbaj tyol Pilato tuya Jesús, etz Pilato juntl maj tuꞌn tyolen cyuya judío. Bix e xiꞌ tkbaꞌnxin cyexin:
—Mintiiꞌ jun til jxjal lu ma cnet wuꞌna. 39Pero at jun costumbre cyxola. Tzin tkbaꞌn costumbre tuꞌn tel ntzakpiꞌna jun aj judío tuj tzeeꞌ jaca ninkꞌij te Pascua. ¿Cyajpey tuꞌn tex ntzakpiꞌna jxin xjal lu Cycawel ejeeꞌy judío?―tz̈ixin.
40Pero bix e jaw cys̈iꞌn xjal:
—¡Yaaꞌn jxin lu tuꞌn tetz ttzakpiꞌna! ¡Tzokpimax jaj xin Barrabás keya!―tz̈i ke xjal.
Bix ja Barrabás, jun kꞌojlel tiꞌ gobierno te Roma.
Currently Selected:
SAN JUAN 18: mamTS
Highlight
Share
Copy
Want to have your highlights saved across all your devices? Sign up or sign in
© 2000, Wycliffe Bible Translators, Inc. All rights reserved.
