YONA 2
2
Yona Dung Dang
1Hauh uhlyis Yona gas hau oengmuh womdau masyah nyah Yhensain Mangso lhyi dung dang gas,
2 Yhensain eh, ngos shanghsenh yvmvyah nvng lyis lui lyis
nvng ngos lyis toeuh dyei.
Noq thank shei mau masyah
pangh das zis kaiq kyi lui lyis
nvng ngah thwe lhyi gyo yoeus dyei.
3Nvng ngos lyis noq thank yvmas kat las
thomh gungs mas khyoq las jeisje zis yah ngos lyis lhaink toh,
jeisphauq, nes than zis dvnganh
ngah thoq mas guons lai loh.
4Hauh thang lhyi ngos taiq zis gas, Ngos gas nah xikkhonh masyah khat thuq zis xauh goeus.
Ngos khasoeh kuot las nah gyingshang yhenmuh lyis doms yoeuh das lah?
5Jeis gas ngah thoq mas nghop las ngos lyis seh nhang.
Thomh gas ngos lyis thop toh.
Ngah uhloms lyis jeis mhanh yah lyet toh.
6Ngos boms khyei jweh shoq nyop gyoh loh.
Vjangh kyank nyheih toh mau mas ngos jweh loh.
Nghuot laus eq ngah Yhensain Mangso eh,
nvng ngah kang lhyi noq dah dwang masyah she yoeus.
7Ngos shei loh nyeis lyis Yhensain lhyi soh las,
ngos shvmanh dung zis gas
nah gyingshang yhenmuh, nah jyank mas jweh loh.
8Vkom nghuot dah phvra lyis paiq bang gas
nyamoq nyang dah wontang cho lhyi tyamp khoq.
9Ngos gas nhaiqshoqlang oen dah thwe yah
nvng lyis phudyei das;
ngos nyhen toh yvlyis tyink das.
Khyuot yoeus cho ka Yhensain mhayah nghuot, oen.
10Hauh thang lhyi Yhensain hau oengmuh lyis taiq goeus ya, hauh oeng gas Yona lyis tungyos mas los duk toh.
Currently Selected:
YONA 2: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.
