1 SAMUEL Dangphank
Dangphank
Samuel cangxeih vbuk gas Israel mau mas Soetuon bang dah shishenh masyah hwankti guon dah shishenh pheh thaiq loh cho lhyi lhaih toh. Israel dius jens kang dwis cho mas haih thaiq cho ka phoqbih somh yuk mas vpom toh las jyon nyeis. Nyamoq gas kuh thank soetuon bang mas thang thank vyuk Samuel, cangxeih dah Israel hwankti Saulo yahge nyang ma guon shih yoq lyis cangxeih dah nyah womh cho#1.0 shei masoh cho jens ka Samuel yahge Saulo dah cho yah dvgeh bos dah Dawi tsain nghuot.
Haih buk dah dangjyung ka Thanghchvp Cauh mas gohtoeu mvnyei buk jens teh Mangso lhyi lomluk cho ka ung cho yoh los teh, dang ma gyo cho ka dyoqbis zainsmuh bweh loh, ge zis nghuot. Haih cho lhyi phudyei soeu Eli jyank jweh los dah Yhensain dah loeus mas 2.30: Ngos lyis chungh bang lyis kyingh ngos chungh das. Ngos lyis ma phauh ma danh kuot bang gas nyoqnho ngelang bi tyamp das, ge dede bos joq.
Haih buk gas hwankti guon cho kuot xi loh zis yah sen lha khamzo cho 2 koeuq lyis taiq. Yhensain ka nyang lyis Israel dah hwankti nghuot joq masyah peq tyamp zis xauh, nghuot laus eq Yhensain ka dius jens sang zis yah dvyhangteh nyamoq lyis hwankti khyen dyei. Yhaugyen cho ka hwankti yahge Israel dius jens gas Mangso dah guon cho yahge soetuon cho khau mha dvgeh nghuot joq (2.7-19). Dis laus, shohjyen laus, dius dvnganh dah toeuh gas Mangso lyi khau mha nghuot joq chah.
Danggvn
Samuel Israel dah soetuon soeu 1.1-7.17
Saulo hwankti bweh los 8.1-10.27
Saulo dah guon cho cangxeih zvnlom jens 11.1-15.35
Dawi yahge Saulo 16.1-30.31
Saulo yahge nyah lo jens shei cho 31.1-13
Currently Selected:
1 SAMUEL Dangphank: NCB
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.