MIKA 5
5
1Aantu yaJerusalem, gongeleni omatanga geni. Otwa kondekwa! Otaa ponokele omuwiliki gwaIsrael.
Kalunga tu uvaneke omuleli ta zi muBetlehem
2Omuwa ota ti: “Betlehem Efrata, ongoye gumwe gwomomikunda omishona muJuda, ihe omungoye tamu ka za omuleli gwaIsrael, oongoka gwomezimo lya za koohekulululwa yomuuyuni wonale.”
3Osho ngeyi Omuwa te ethele aantu ye miikaha yaatondi yawo, sigo esiku ndyoka omuvali ta vala omwanamati. Nena aakwashilongo shaandjawo mboka ye li muupika, otaa ka hanganithwa naangandjawo. 4Sho te ya, ota ka lela aantu ye noonkondo ndhoka dha za kOmuwa nonesimano lyOmuwa Kalunga mwene. Aantu ye otaa ka kala megameno, oshoka aantu ayehe yokombanda yevi otaa ka zimina uunene we, 5note ke eta ombili.
Ehupitho negeelo
Aayassur ngele taa matukile oshilongo shetu e taa hanagula po omagameneno getu, otatu ke ya tumina aawiliki yetu aanankondo, ye ke ya kondjithe. 6Noonkondo dhomatati otaa ka sinda Assur, oshilando shaNimrod, notaye tu hupitha miikaha yAayassur, ngele taa totele oshilongo shetu.
7Aantu yomuIsrael mboka taa ka hupa ko mokati kiigwana oyindji, otaa ka kala ya fa omata gomume ga tumwa kOmuwa noya fa iihomo yomvula kiimeno iitalala. Otashi uthwa kOmuwa, hakomuntu. 8Mboka taa ka hupa ko mokati kiigwana, otaa ka kala ya fa onime tayi weye yi ikongele iikulya mokuti nenge melundu; otayi itsu oshigunda shoonzi, tayi dhi nukile e tayi dhi tuulagula — nokape na etegameno lyehupitho. 9Israel ota ka sinda aatondi ye e te ya hanagula po ayehe.
10Omuwa ota ti: “Pomasiku ngoka otandi ka kutha po uukambe woye notandi ka yonagula po omatembakwiita goye. 11Otandi ka hanagula po iilando yomoshilongo shoye e tandi kumuna po omagameneno goye. 12Otandi ka hanagula po oonkondo dhuumpulile woye e to ka kala waa na we aayanekeli. 13Otandi ka yonagula po iimenka yoye noongudhimanya dhoye oondjapuki; ito ka simaneka we iinima we yi ningi ngoye mwene. 14Otandi ka kumuna po iiyelekela yoshikalunga Asheera moshilongo e tandi yonagula po iilando yoye. 15Nomuupyundjahi wandje otandi ka galulila iigwana ayihe shoka ye shi ilongela, sho inaayi vulika kungame.”
Currently Selected:
MIKA 5: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
