Svun Juan 18
18
Ja' li' yaloj ti itsaque ti Jesuse
(Mt 26.47-56; Mc 14.43-50; Lc 22.47-53)
1Ti c'alal laj yal yech chac taje, ti Jesuse iloc' ech'el xchi'uc li yajchanc'optaque, ibatic ta jech uc'um Cedron sbi. Oy tey ts'unubaltic, tey i'och xchi'uc yajchanc'optac ti Jesuse. 2Ti Judase spasoj xa trate ti chac' entrucal ti Jesuse, Yiloj li ts'unubaltic uque, yu'un tey onox ch-c'ot stsobilan sbaic xchi'uc yajchanc'optac ti Jesuse. 3Ti Judase yich'oj ech'el epal soltaroetic, xchi'uc jayvo' jchabiejtemplo, ti tacbilic ech'el yu'un ti totil paleetique xchi'uc ti jfariseoetique, yich'oj ech'el yespadaic, sjapoj ech'el sc'oq'uic, xchi'uc slamparaic. 4Pero ti Jesuse sna'oj xa onox ti c'usitic ta xcha'leate, ba snup ta be li jtsacvanejetique ja' yech isjac'be chac li'i:
―¿Much'u cha sa'ic? ―Xut.
5Itac'avic:
—Ja' ta jsa'ticotic li Jesus ta Nazarete ―xiic.
Itac'av ti Jesuse:
―Vo'on ―xut.
Tey ti Judas uque, ja' ti much'u iyac' entrucale. 6Ti c'alal «Vo'on», xi ti Jesuse, ti jtsacvanejetique valapat ibatic, ilomic ta lum.
7Ti Jesuse ixcha' jac' noxtoc:
—¿Much'u cha sa'ic? ―X'utatic.
Itac'avic noxtoc:
―Ja' ta jsa'ticotic li Jesus ta Nazarete ―xiic. 8I'albatic noxtoc yu'un ti Jesuse:
—La calbeic xa ti vo'one. Ti mi vo'on cha sa'icone, ac'u batuc li jchi'iltac li'i mu me c'u xavalbeic. ―X'utatic yu'un ti Jesuse.
9Ti x'elan iyale, ja' ic'ot ti c'usi iyalbe ti Stote: «Ti jayvo' avac' yich'icon ta muq'ue, mi jun muc xch'ay cu'un.» —Xi onox. 10Ti Simón Pedroe tey yich'oj yespada, ora isloq'ues, istuch'be sbats'ichiquin smozo ti más totil palee, Malco sbi ti vinique.
11Ti Jesuse, xi iyalbe li Pedroe:
—Tic'o ta sna lavespadae. Ti mi Jtot yaloj ti chquich' jvocole, ¿mi xu' ti mu xquich' jvocol xa na'e? ―X'utat.
Ja' li' yaloj ti iyiq'uic ech'el ta stojol Anás ti Jesuse
(Mt 26.57-58; Mc 14.53-54; Lc 22.54)
12Ti capitan soltaroe, xchi'uc ti yajsoltarotaque, xchi'uc scotol ti jchabiejtemploetic yu'un ti jurioetique, istsaquic ti Jesuse, ixchuquic ech'el. 13Ba'yi iyiq'uic ech'el ta sna ti Anase, yu'un ja' sni'mol ti Caifase, ti Caifase ja'o sjabilal ochem ta totil paleal. 14Ja' ti Caifase ti iyalbe ti xchi'iltac ta jurioale “Ti ja' más lec mi jun no'ox vinic ch-cham ta scuenta li jteclume.
Ja' li' yaloj ti iyal ti mu xojtiquin Jesús ti Pedroe
(Mt 26.69-70; Mc 14.66-68; Lc 22.55-57)
15Ti Simon Pedroe xchi'uc li otro jun yajchanc'op ti Jesuse, tey tijilic ech'el ta spat ti Jesuse. Li jun yajchanc'ope x'ojtiquinat yu'un ti totil palee, co'ol i'ochic ech'el ta na xchi'uc ti Jesuse; 16Ti Pedroe tey icom ta ts'el ti'na. Li jun yajchanc'op ti lec x'ojtiquinat yu'un ti totil palee, iloc' ech'el ba jc'opon li tseb ti tey ch-chabi ti'nae ti ac'u yotesel ti Pedro uque. 17Li tseb ti tey ch-chabi ti'nae, isjac'be li Pedroe:
—¿Mi mu vo'oticot yajchanc'opot li vinique li'i? ―Xut.
Itac'av li Pedroe:
—Mu vo'onicon ―xi.
18Ti smozotac totil palee xchi'uc ti jayvo' jchabiejtemploe, stsoyoj sc'oq'uic yu'un tol sic, tey va'ajtic chc'atinic. Tey va'al chc'atin ti Pedro uque.
Ja' li' yaloj ti ja' ba'yi oy c'usi ijac'bat yu'un totil pale ti Jesuse
(Mt 26.59-66; Mc 14.55-64; Lc 22.66-71)
19Ti totil palee, tey lic sjac'be ti Jesuse, ti much'utic li yajchanc'optaque xchi'uc ti c'usitic ti chac' ta chanele. 20Itac'av ti Jesuse:
—Ta sat scotol crixchanoetic lichanubtasvan ta bic'tal temploetic xchi'uc ta muc'ta templo yo' bu ta stsob sbaic li jurioetique; mu c'usi ti ta mucul icale. 21¿C'uyu'un ti vo'on cha jac'bone? Ti yechuque, ja' jac'bo ti much'utic iya'iic ti c'usitic icale, ja' ac'u yalic ti c'usitic icalbeique, yu'un ja' sna'ojic ti c'usitic icale ―xi ti Jesuse.
22Ja' no'ox ti c'alal laj yal chac taj ti Jesuse, ora it'axbat majel yu'un jun jchabiejtemplo, ja' yech i'albat chac li'i:
―¿C'u yu'un ti x'elan chatac'be li totil palee? ―X'utat.
23Itac'av ti Jesuse:
—Mi chopol ti c'usi icale, albon ca'i ti c'usi chopol icale; ti mi lec ti c'usi icale, ¿c'u yu'un ti amajone? ―Xi.
24Ti Anase ixchuc, istac ech'el ta stojol ti Caifase, ja' ti totil palee.
Ja' li' yaloj ti iyal ti Pedroe ti mu xojtiquin ti Jesuse
(Mt 26.71-75; Mc 14.66-72; Lc 22.58-62)
25Ti c'alal tey to'ox ta yut na ti Jesuse, ti Pedroe tey va'al chc'atin yo' bu li c'oq'ue. Ja' yech ijac'bat chac li'i:
―¿Mi mu vo'oticot yajchanc'opot li vinic le'e? ―X'utat.
Li Pedroe muc' xal ta jamal, ja' yech iyal chac li'i:
―I'i, mu vo'onicon ―xi.
26Ja' o ijac'bat yu'un jun smozo ti totil pale noxtoque, ja' xchi'il ti much'u ituch'bat xchiquin yu'un ti Pedroe:
―¿Mi mu vo'oticot ti laquil ta olivotic xchi'uc li vinique? ―X'utat.
27Ti Pedro muc' xal ta jamal noxtoc, ja'o xa i'oc' li queleme.
Ja' li' yaloj ti iyiq'uic ech'el ta stojol Pilato ti Jesuse
(Mt 27.1-2,11-31; Mc 15.1-20; Lc 23.1-5,13-25)
28Ti Jesuse iyiq'uic loq'uel ta sna ti Caifase, iyiq'uic ech'el ta spalacio ti govierno yu'un Romae. Naca to'ox sacjaman ti c'alal ic'otique, ti jurioetique xchi'uc ti xchi'iltaque muc x'ochic ta yut palacio, yu'un ti mi i'ochique, mu xu' sti'ic li chij ta q'uin coltaele, yu'un xch'unojic ti tsta o smulic mi iscap sbaic xchi'uc li jyan lum crixchanoetique. 29Yech'o un ti Pilatoe iloc' tal, ja' yech isjac' chac li'i:
―¿C'usi smul avu'unic li vinic li'i? ―X'utatic.
30―Ti ch'abluc smule, muc xquic'ticotic tal ti yechuque ―xiic.
31Itac'av ti Pilatoe:
Iq'uic ech'el, ba meltsanbeic sc'oplal ta aley atuquic ―x'utatic.
Li yaj meltsanejc'op jurioetique, xi istaq'uique:
Vo'oticotic li juriooticotique, mu xu' ximilvanoticotic ―xutic ti Pilatoe.
32Ja' ic'ot ti yaloj ono'ox ti Jesuse, ti c'u ono'ox x'elan ta xchame. 33Ti Pilatoe icha'och ta spalacio, istac ta iq'uel ti Jesuse, ja' yech isjac'be chac li'i:
―¿Mi yech ti vo'ot Reyot yu'un li jurioetique? ―Xut.
34Itac'av ti Jesuse:
—¿Mi ta ajol atuc ti x'elan chajac'bone, o mi oy much'u layalbe? ―Xut.
35Itac'av ti Pilatoe:
—¿Min jurioon chavil? Ti much'utic co'ol alumal achi'uque, xchi'uc li totil paleetique, ja' li much'u la yiq'uic tal ta jtojole, ti layaq'uic entrucale. ¿C'usi apasoj? ―X'utat.
36Itac'av ti Jesuse:
Li cabtel quich'oje ma'uc ta scuenta sba balamil. Ti ja'uc yeche isliquesic xa c'op li jvinictac ti yechuque, yo mu xi aq'ue entrucal ta sc'ob li jurioetique. Li cabtel quich'oje ma'uc li' ta balamile. ―Xi ti Jesuse.
37Yech'o un, ti Platoe xi isjac'bee:
—¿Yu'un vo'ot reyot che'e? ―Xut.
Itac'av ti Jesuse:
—Vo'ot aval atuc: vo'on reyon. Li vo'one tal ayancon li' ta balamile, yu'un tal cal li c'usi melele. Scotol ti much'utic ja' nap'ajtic o li melele, cha'iic li c'usi chcale. 38Itac'av ti Pilatoe:
—¿C'usi li melele? ―Xi.
Ja' li yaloj ti jp'el xa sc'oplal chich milel ti Jesuse
(Mt 27.15-31; Mc 15.6-20; Lc 23.13-25)
Ti c'alal laj sjac' yech ti Pilatoe, ja' o loc' sc'opon noxtoc li jurioetique, ja' yech iyalbe chac li'i:
—Li vo'one mu jtabe smul li vinic li'i. —Xi. 39Li vo'oxuque nopem ono'ox xava'iic ti chajloq'uesbeic ta chuquel jun achi'ilic ta yorail q'uin coltaele: ¿mi ja' chac'anic ti ja' ta jcolta loq'uel li rey yu'un li jurioetique? ―X'utatic.
40Ja'o x'avlajetic xa liquel scotolic noxtoc:
―¡Le'e, mu me xacolta! ¡Ja' loq'ueso li Barrabase! ―Xiic.
Ti Barrabase j'elec'.
Currently Selected:
Svun Juan 18: LeqAC
Highlight
Share
Copy
Want to have your highlights saved across all your devices? Sign up or sign in
© Sociedad Biblica de Mexico AC
