Gimpuunan 40

Itinultul ni Husi ti Duwa ka Tagin-up

1-2Pagkalawuy inda pag manga nangyari, nagkasala sa hari Ihiptu ti takinan manga manugsirbi niya irinmun hanggan ti takinan manga manugtama tinapay. Nangisug gid masyadu ti hari#40:1-2 hari: sa Hibriyu, Paraun. Katunda diman sa sunud pag manga talata. sa duwa niya ka takinan. 3Nakan ipinapirisu niya sida sa pirisuhan nu naan pag mapirisuhan si Husi, sa rugar pagguwardiyahan kapitan manga guwardiya. 4Si Husi ti kinatiwalaan kapitan manga guwardiya ti man-asikasu sa duwa ka pirisu. Nagkaraibahan sida dugay sa pirisuhan.

5Usa ka yabi, nanagin-up ti manugsirbi irinmun hari hanggan ti manugtama tinapay habang ati sida sa pirisuhan. Ti kada usa sa kanda tuhay kay tagin-up ag tuhay diman kay ibug sabihun.

6Igu surip, pagka nagsabang si Husi sa kanda, nakitan niya maruku sida. 7Nakan pinaingana niya sida, “Hayga kamu maruku?”

8Sinmagut sida, “Nanagin-up ngani duy kami dapat unman may makatultul kay ibug sabihun inda.”

Magkun si Husi, “Ti Diyus ti magpakaun kadunungan sa pagtultul kay ibug sabihun manga tagin-up. Ta malu, tultulan niyu sa kangku nu hintay kanyu manga tagin-up.”

9Nakan itinultul takinan manugsirbi irinmun hari kay tagin-up. Magkun siya, “Nanagin-up duy aku may usa ka wakat ubas sa kang atubangan 10bag-u may imaw inda tulu ka sanga. Nansalingsing inda, nanbusang, ag nalutu kay manga burak. 11Bitbit niku ti tasa hari Ihiptu, nagputi aku ubas ag pin-ga niku inda sa tasa ag ipinakaun niku ti tasa sa hari.”

12Magkun si Husi, “Inda kay ibug sabihun kanmu tagin-up: Ti tulu ka sanga kay ibug sabihun tulu ka sirang. 13Udwaya magkatapus ti tulu ka sirang, paluwasun kawu hari sa pirisuhan ag ibalik kawu sa kanmu buruwatun bilang manugsirbi irinmun niya. 14Mana alalahanun nimu aku nu sa mayad yi kawu pag kahamtangan. Ag bilang sa mayad nimu pag pakiusa sa kangku, banggita diman nimu aku sa hari hampay maawatan nimu aku makalwas sa inda pag pirisuhan. 15Dahil ti tutuu, pinilit lang aku dinara sitay sa Ihiptu ginan sa daga manga Hibriyu, ag una sitaay unman diman aku may nabwat kasalanan hampay ipirisu aku.”

16Pagka nasaydan takinan manga manugtama tinapay mayad maaw kay ibug sabihun ti tagin-up niya kaibahan, itinultul waydi niya sa kan Husi kay tagin-up. Magkun siya, “Nanagin-up diman duy aku may dara sa kang ulu tulu ka balulang turungbawan may sukad tinapay. 17Ti sa tungud baliwa pag balulang may sukad tuhay-tuhay pag kalasi tinapay para sa hari Ihiptu, dapat pagtindukun inda manga manuk.”

18Magkun si Husi, “Inda kay ibug sabihun kanmu tagin-up: Ti tulu ka balulang kay ibug sabihun tulu ka sirang. 19Udwaya magkatapus ti tulu ka sirang, paluwasun kawu hari sa pirisuhan, dapat puldan kawu ulu ag kanmu bangkay tuhugun matarum pag kayu, bag-u tindukun inda manga manuk.”

20Nagras-ug ti ikatlu pag sirang ag inda ti kasirangan hari Ihiptu. Nakan nag-alistu siya para sa tanan takinan niya. Pinaluwas niya sa pirisuhan ti takinan manga manugsirbi niya irinmun hanggan ti takinan manugtama tinapay, bag-u pinaatubang sa kay manga takinan. 21Ibinalik niya sa kay tarabahu ti takinan manga manugsirbi niya irinmun, 22dapat ipinamatay niya ti takinan manugtama tinapay, ag ipinatuhug niya kay bangkay.

Natupad tunda tanan kay sinabi ni Husi sa kanda. 23Dapat unman gid siya naala-ala takinan manga manugsirbi irinmun.

Currently Selected:

Gimpuunan 40: HNN

Highlight

Copy