དང་པ་ཀོ་རིན་ཐི། 8
8
སྐུ་ག་ཕུལ་ཁཱན་ཚོགས།
1ཉི་ཨོམ་ སྐུ་ག་ཕུལ་ཁཱན་ ཚོགས་ག་ཀོར་གེ་ཡེག༌པེ། ཨ་ཤི་སེན་ཅ་ ཨའི་ཐམས་ཅན་ག་ ཡོན་ཏན༌ཅ། ཡོན་ཏན་གི་ ཨ་ཧ་བ་ཁམ་ཙོང་མེ་རིག༌ཅ། དག་པ་ཀབ་ཉི་ སྙིང་རྗེ་གི་ ཨ་ཧ་བ་ཅོད་པེ་རིག༌ཅ། 2ཐམས་ཅན་རང་ སེན་ཅ་དག་ཉི་ ཡེག་ཁཱན་གི་ མང་པུ་ཐུར་ སེ་ཝ་ཨོ་ཕུ་མཱན༌ཅ། 3དག་པ་ཀབ་ཉི་ དཀོན་མཆོག་ཕང་ཁཱན་ སོ་ངོ་ཤོ་ དཀོན་མཆོག་གི་མཁྱེན༌ཅ།
4ཉི་སྐུ་ག་ཕུལ་ཁཱན་ ཚོགས་ག་ཀོར་གེ་ ཆཱས་ཕི་ལ་ཀབ་ཉི་ ཨ་ཤི་སེན་ཅ་ ཨོ་ཐ་འཛམ་གླིང་ག་སྐུ་ཤོ་ ཧང་རང་མང་གི། ཉི་དཀོན་མཆོག་ཐུར་ཤ་ མ་ཏོག་པ་ བཱརའ་ཨི་བི་རང་ མཱན་ཅ་ཨ༌ཉི། 5གི་ལུ་ཏ་ ཞིང་ཁམས་དང་འཛམ་གླིང་ག་ དཀོན་མཆོག་དག་ཉི་ ར་ཁཱན་མང་པུ༌ཅ། (ཐུགས་ཉིད་ག་དབང་ཁཱན་དང་ གཙོ་བོ་བ་ ཆོ་ལུ་བུ་མང་པུ་ཐུར༌ཅ།) 6ཨོ་ཉེ་རང་གི་ནེ་བུ་ ཨ་ཧ་དེན་གེ་ཤོ་ ཡབ་དཀོན་མཆོག་ཐུར་ཤ༌ཅ། ཉི་རོ་ཀི་ཨ་ཉི་ ཐམས་ཅན་རང་ བཀོད་པ་གི༌ལ། ཉི་རོ་ཀ་དེན་གེ་ ཨའི་ཆོན་ཅ་གི༌ལ། ཉི་གཙོ་བོ་བུ་ ཡི་ཤུ་ཁིརིས་ཐུར་ཤ་གི༌ལ། ཉི་རོ་ཀེ་ཨ་ཉི་ ཐམས་ཅན་རང་ བཀོད་པ་གི༌ལ། ཉི་རོ་ཀེ་ཨ་ཉི་ ཨའི་ཆོན་ཅ་གི༌ལ།
7དག་པ་ཀབ་ཉི་ སོ་ངོ་ཐམས་ཅན་གི་ ཨོ་ཐ་ཀོར་གེ་ སེ་ལུ་མཱན༌ཅ། ཉི་སོ་ངོ་ཚེ་བང་གི་ སྐུ་ཤོ་ དངོས་སུ་གི་ལ་དག་ཉི་ མི་ལེ་ག་ལུགས་སྲོལ་ཐུར༌ལ། ཨོ་ཉི་ཨ་དེན་གེ་ རོག་ཏེ་བ་ཀི་ ཨུ་ཉུ་ད་བུ་ ཚོགས་ཟ་ལ་ཀབ་ཉི་ སྐུ་ག་ཕུལ་ཁཱན་ ཚོགས་གི་ལ་དག་ཉི་མི་ན། རོག་ཏེ་བ་ཀ་ སེམས་ཀི་མ་ན་ཁཱན་ ཨ་ཝ་ཨ་དེན་གེ་ མ་ཙང་མ་རིན༌ཅ། 8དག་པ་ཀབ་ཉི་ ཚོགས་གི་ ཨའི་དཀོན་མཆོག་ར་ག་ ཕ་ལུ་མཱན༌ཅ། ཨ་ཤི་ཚོགས་མ་ཟ་ཝ་གི་ ཧང་རང་མ་ནོད༌པ། ཉི་ཚོགས་ཟ་ཝ་གི་བུ་ ཧང་རང་མ་ཕཱན༌མ།
9དག་པ་ཀབ་ཉི་ ཚོགས་ཁེ་པ་ ཟ་ལེ་མ་ན་ལ་དག་ཉི་མི་ཁཱན་ སོ་ངོ་ཏེ་ཆོ་ནེ་ལ་ རོ་ཀ་དད་པ་ག་ མ་ཅོན་མེ་དེན་གེ་ ན་ཤི་རོ་ཀ་གུབ་ཀ་མ་ཟའི། 10ཟ་ལེ་མ་ན་ལ་དག་ཉི་མི་ཁཱན་ སོ་ངོ་ཐུར་གི་ ནའི་སྐུ་ག་ལྷ་ཁང་ནང་ཀ་ ཚོགས་ཟ་ཝ་ཐོང་ནེ་ལ་ རོ་ཀ་སེམས་ཀི་ ཟ་ལེ་མ་ན་ལ་དག་ཉི་ མི་ལེ་ནང་ཀེ་རང་ སྐུ་ག་ཕུལ་ཁཱན་ཚོགས་ཁེ་པ་ ན་ཤི་རོ་ཀ་ ཟ་ལེ་བིན་ཅ་མང་གི་སྨོ། 11ཁིརིས་ ཨོ་ཐ་ཤུག་མ་ཁཱན་ སོ་ངོ་ག་དེན་གེ་ གཤགས་པ་གི༌ལ། ན་ཧ་ཡོན་ཏན་གི་ རོག་མེ་པ་ཕི༌ལེ། 12ན་ཧ་ཡུང་ཟི་གི་ ཨ་ལེ་མ་ན་ལ་དག་ཉི་ མི་ཁཱན་ཁེ་པ་ ན་ཤི་ཨ་ལེ་བི་ཝ་ཨ་དེན་གེ་ ན་ཤི་རོག་ཏེ་བ་ཀ་དགྲ་ཨ་ཉི་ སྡིག་པ་ཨན་ཅ་གི༌ལ། ཉི་ན་ཤི་ ན་ཧ་ཡུང་ཟི་ག་དགྲ་ཨ་ཉི་ སྡིག་པ་སག་པ་ཀབ་ཉི་ ན་ཤི་ཁིརིས་ག་དགྲ་ཨ་ཉི་ སྡིག་པ་སག་ཅ་གི༌ལ། 13ཨོ་ཉི་ཨ་དེན་གེ་ ཇི་གི་ཟ་ཁཱན་ཟེ་གི་ ཇ་ག་ཡུང་ཟི་ རོ་ཁེ་དི་ལེ་རིག་ནེ་ལ་ ཇ་ག་ཡོར་ཀེ་ རོག་ རོ་ཁེ་མ་དིན་ཆེན་དག་པ་གི་ ཇི་གི་ཨོ་ཉ་ཟེ་ལོག་ཉི་ ཧ་ལ་རང་མ་ཟ༌ལ༎
Currently Selected:
དང་པ་ཀོ་རིན་ཐི། 8: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
