དང་པ་ཀོ་རིན་ཐི། 4
4
ཁིརིས་ག་སྐུ་ཚབ༌བ།
1ཨོ་ཐེན་ཨ་ཉི་ སོ་ངོ་བ་ཀི་ ཨ་ཆིང་ཤོ་ དཀོན་མཆོག་ག་ གུམ་ནང་ཆཱས་ག་བ་ ཡེན་བི་ལེ་དེན་གེ་ཀེ་ཁཱན་ ཁིརིས་ག་གཡོག་པ་ཨ་ཉི་ ཙི་ལེ་ཁེ༌ལེ། 2བདག་འཛིན་ཨ་ཁཱན་ཨ་ཉི་ ཀེ་ཁཱན་སོ་ངོ་གི་ དམ་ཚིག་ཙུང་ཉི་ ལའི་ཨ་ལེ་ཁེ༌ལེ། 3ཉི་བཱརའ་སོ་ངོ་བ་དང་ ན་ཤི་ ཇང་དམ་ཚིག་ཙུང་ཁཱན་ཙི་ནེ་བུ་ མ་ཙི་ནེ་བུ་ ཁྱད་པར་ཧང་རང་མཱན༌ཅ། ཇང་ཇང་ཏེན་གི་བུ་ ཇང་ཧང་ད་བུ་ཅ་གི་ལ་སྨོ་ ཨོ་ཉ་ཀོར་གེ་ མི་ལུ་མཱན༌ཅ། 4ཇ་ག་སེམས་ཀི་ ན་ཝ་ཨ་ཉི་ལའི་ཨན༌ཅ། ཨོ་ཉེ་རང་གི་ནེ་བུ་ ཇང་དེན་མེ་དག་ཉི་ ཡེག་པེ་མར༌བ། ཧང་ཡ་དག་ནེ་ལ་ ཇང་ཧང་ད་བུ་ཅ་གི་ལ་སྨོ་ གཙོ་བོ་གི་ཤ་མཁྱེན༌མེ།
5ཨོ་ཉི་ཨ་དེན་གེ་ དམ་ཚིག་ཙུང་ཁཱན་དང་ མ་ཙུང་ཁཱན་ ཨི་བི་གི་ལ་སྨོ་ གཙོ་བོ་ ལོག་ཉི་མ་བྱོན་མ་སག་པུ་ ན་ཤི་ཡེག་པེ་མར༌བ། ཧང་ཡ་དག་ནེ་ལ་ གཙོ་བོ་བྱོན་མ་ཀབ་ཉི་ མེར་བུ་ནང་ཀ་ གུམ་ཉི་ཐ་ཁཱན་ཆཱས་ཁེ་པ་ རོ་ཀི་འོད་ཟེར་ནང་ཀ་ ཕ་ཉི་གནང་ཐཱན་ སོ་ངོ་བ་ཀ་ སེམས་ཀ་ཆོ་ཁཱན་ཁེ་པ་ གེན་གནང༌མེ། ཉི་ཤ་ སོ་ངོ་ཐམས་ཅན་གི་ ཉོང་པེ་རུང་ཁཱན་ དཀོན་མཆོག་གེ་ བསྟོད་པ་ཉོང༌པེ།
6ཉི་ཨོམ་ ཡུང་ཟི་བ་ ཇི་གི་ཡེག་ཁཱན་ཆཱས་ཁེ་པ་ ན་ཤི་ཧ་གོ་ལེ་ག་ ཕཱན་ཏོག་པེ་དེན་གེ་ ཇི་གི་ཇང་དང་ ཨ་པོལ་ལོས་ག་དཔེ་གེན༌ཅ། གསུང་རབ་ག་ འབྲི་བ་གེ་ལག་ཉི་ མ་དི་ནེ་ལ་ ན་ཤི་ ཐུར་ཀབ་ཉི་ཤོ་ནང་ཕེ་ཉི་ ཉི་ཨོམ་ཐུར་ཀབ་ཉི་ཤོ་ ཤོ་ནང་མ་ཕེ་ཝ་མ་ཨ༌ལ། 7ན་ཧ་བ་ བཱརའ་སོ་ངོ་བ་ཀེ་སོ་སུ་ ཨི་བི་གི་ ཅོད་ཉི་གནང་མ་ཡ། ཉི་དཀོན་མཆོག་གི་མ་གནང་ཁཱན་ ན་ཤི་ཧང་ཉོང་པ་ཅ་ཡ། ཉི་ན་ཤི་ཉོང་ཐཱན་ཨ་ནེ་ལ་ ན་ཤི་མ་ཉོང་པ་པུརུས་ཀིན་ཨ་ཉི་ ན་ཧ་བ་ ཧང་ཨ་ཉི་ཁམ་ཙོང་ཅ་ཡ།
8ན་ཤི་ཚཱས་ཁཱན་བ་ ན་ཤི་ཉོང་པ༌ཅ། ཉི་ན་ཧ་བ་ གི་ཚེ་གེ་ཤ་ བེ་དིང་རི་ཝ༌ཅ། ཉི་ཨ་ཧ་བ་ མ་ལཱན་ཆོ་ལ་ཀབ་ཉི་ ན་ཧ་བ་དཔོན་རི་ཝ༌ལ། ན་ཧ་བ་དེན་མ་རང་ དཔོན་རི་ཝ་གི་ནེ་ལ་ ལེག་པུ་དི་ལེ་ཆོན་དག་ཉི་ ཇི་གི་མིན༌ཅ། ཧང་ཡ་དག་ནེ་ལ་ ཨའི་བུ་ ན་ཧ་བ་ཀབ་ཉི་ དཔོན་རི་ལེ་ཆོ༌ཝ། 9ཇི་གི་མི་ན་ སོ་ངོ་ཤེ་ལེ་ག་དེན་གེ་ རིག་ཉི་བུ་ཁཱན་པུརུས་ཀིན་ཨ་ཉི་ དཀོན་མཆོག་གི་ ཨའི་སྐུ་ཚབ་བ་བུ་ ཇུ་ཀ་དག་པ་ཀབ་ཉི་ཤ་ གེན་ཁཱན་ཅོད་ཉི་གནང་མ་ལ་དག༌ཉི། ཧང་ཡ་དག་ནེ་ལ་ ཨའི་ཤོ་ འཛམ་གླིང་ག་སོ་ངོ་དང་ ཞིང་ཁམས་ག་འཐེན་པ་ ཐམས་ཅན་ག་ ཏཱན་མུང་གེན་ཁཱན་རི་ཝ༌ཅ།
10ཨའི་ཤོ་ ཁིརིས་ག་ཡོར་ཀེ་ ཡོང་བ་རི་ཝ༌ཅ། དག་པ་ཀབ་ཉི་ ན་ཧ་བ་ ཁིརིས་ག་མཚན་ག་ སེ་བུ་རི་ཝ༌ལ། ཨའི་ཤོ་ ཤུག་མ་ཁཱན་གི༌ལ། དག་པ་ཀབ་ཉི་ ན་ཧ་བ་ཤོ་ ཤུག་ཆོ་ཁཱན་གི་ཝ༌ལ། ཉི་ན་ཧ་གུས་ཞབས་ཨ་ན་ དག་པ་ཀབ་ཉི་ ཨའི་ཏ་ཟེས་པུ་རང་མ༌ལ། 11ཨོ་མ་བུ་ ཨའི་བི་ནང་ཁུ་ཉི་ རི་ནང་སོབ་ཉི་ཆོ་ཝ༌ཅ། ཉི་ཨ་ཧ་ ཁ་མུང་སོར་ནང་བུ་མ༌ལ། ཨ་ཤི་ཐ་ས་ ཏེ་ཐ་དོག་པ་མང་གི་ ཉི་ཕའི་ཐུར་རང་མ་ཁཱན་ སོ་ངོ་རི་ཝ༌ཅ། 12ཉི་ཨའི་ཨའི་ཏེན་ག་ ག་དང་གི་ལའི་ཨ་ཉི་ ཙ་དྲེག༌ཅ། སོ་ངོ་བ་ཀི་ ཨ་ཧ་ཁ་རབ་ཕི་ནེ་ལ་ རོག་ཏེ་བ་ཀ་དེན་གེ་ ཨ་ཤི་བྱིན་རླབས་ཞུན༌ཅ། ཨ་ཧ་མ་ལེག་པ་ཨ་ཉི་ ཀ་ལུ་ཏཱད་པ་ཀབ་ཉི་ ཨའི་ཐེས་ཉི་ཆོན༌ཅ། 13སོ་ངོ་བ་ཀི་ ཨ་ཧ་ཀོར་གེ་ ཁ་ཏང་མ་ཀབ་ཉི་ ཨ་ཤི་རོག་ཏེ་བ་ཀ་ ཇམ་པུ་ཨ་ཉི་ ལན་ཨན༌ཅ། ཨོ་ཉེ་རང་གི་ནེ་བུ་ ཨའི་ཤོ་ འཛམ་གླིང་ག་ ཙོག་པ་གེམ་ཁཱན་བཱརང་ རི་ཝ༌ཅ། ཉི་ཨའི་ཤོ་ ཨོ་མ་སག་པུ་ ཐུར་གི་རང་མ་ཚཱས་ཁཱན་ རི་ཝ༌ཅ།
14ཇི་གི་ཨོ་ཐ་བ་འབྲི་ཁཱན་ཤོ་ ན་ཧ་བ་ ངི་ནང་ཁུ་ཝ་ཅོད་པེ་དེན་གེ་ འབྲི་ཅ་མང་གི་ཝ་ ཇི་གི་ཕང་ཁཱན་ ཝག་ཙ་བ་གི་ཝ་ཨ་དེན་གེ་ ན་ཧ་ནོ་ཝང་ཨ་ལེ་ག་དེན་གེ་ འབྲི་ཅ་གི༌ལ། 15ཁིརིས་ག་ཀོར་གེ་ ན་ཧ་ཡེ་ཁཱན་ 10000 ཕང་ ཆོ་ནེ་བུ་ ན་ཧ་ཨ་པ་ཤོ་ ཐུར་ཤ༌ཅ། ཇི་གི་ ན་ཧ་འཐེན་ལེག་པུ་བཤད་པ་ཨ་དེན་གེ་ ཁིརིས་ཡི་ཤུ་ག་མཚན་ག་ ཇང་ཤོ་ ན་ཧ་ཨ་པ་རི་ཝ་གི༌ལ། 16ཨོ་ཉི་ཨ་དེན་གེ་ ཇི་གི་ན་ཧ་ཡེག་ཅ་ ཇང་གེ་དཔེ་གོད་ཅོ་དག༌ཉི།
17ཨོ་ཉི་ཨ་དེན་གེ་ ཇི་གི་ན་ཧ་བཱརང་ཀ་ ཇ་ག་ཟ་ ཏི་མོ་ཐི་ཀུན་ཏིན༌ཅ། རོག་ཤོ་ ཇི་གི་ཕང༌ཅ། ཉི་རོ་ཀི་གཙོ་བོ་ག་ དམ་ཚིག་ཙུང་ཉི་ཕྱག་ཞུན༌ཅ། ཇང་ཨོ་ག་དི་ཝ་ཐུར་ ཆོས་ཚོགས་ཐམས་ཅན་ག་ ཇི་གི་ཁིརིས་ཡི་ཤུ་ག་ཀོར་གེ་ ཡེ་ཝ་དང་ཏུ་ཉི་ ཇི་གི་ཆོ་ཝ་ཀོར་གེ་ རོ་ཀི་ན་ཧ་ཡེག༌པེ།
18ཇང་ལོག་ཉི་ ཧ་ལ་རང་ན་ཧ་བ་ཆོ་ས་ ཤོན་གོད་པེ་ག་ མ་ཤེག་པ་དག་ཉི་ ན་ཤི་མི་ཝ་ཨ་དེན་གེ་ ན་ཧ་པོང་ཀེ་ ཚེ་བང་ཁམ་ཏག་པ༌ལ། 19དག་པ་ཀབ་ཉི་ གཙོ་བོ་ག་ ཐུགས་བཞེད་ཆོ་ནེ་ལ་ ཇང་དོ་ཟོ་རང་ ན་ཧ་བཱརང་ཀ་ཨོ་ཕེ། ཉི་ཨོ་ཐ་ ཁམ་ཏག་ཁཱན་སོ་ངོ་གི་ ཧང་ད་བུ་ཆཱས་ཨ་ན་སྨོ་ གོད༌པེ། ཉི་ཨུ་ཉུ་མ་ཚཱད་པ་ རོག་ཏེ་བ་ཀ་ ཧང་ག་དབང་ལ་སྨོ་ གོད༌པེ། 20ཧང་ཡ་དག་ནེ་ལ་ དཀོན་མཆོག་ག་རྒྱལ་སྲིད་ཤོ་ ཆཱས་ཆི་ལུ་ཆི་ལུ་ ཨ་ཝ་བ་མང་གི་ཝ་ དཀོན་མཆོག་ག་དབང་གི༌ལ། 21ན་ཤི་ཨ་ནེ་ལ་ ཇང་ན་ཧ་བཱརང་ཀ་ ཏོ་ཀང་ཕ་ཉི་ ཨོ་ཕེ་ཁེ་ལེ་སྨོ་ སྙིང་རྗེ་དང་ཞི་ཇམ་པུ་རི་ཉི་ ཨོ་ཕེ་ཁེ་ལེ༌ཡ༎
Currently Selected:
དང་པ་ཀོ་རིན་ཐི། 4: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
