དང་པ་ཀོ་རིན་ཐི། 10
10
སྐུ་ག་གསོལ་ཝ་མ་ཏབ༌ཅོ།
1ཡུང་ཟི་བ་ ཨ་ཧ་ཕ་མ་བ་ མུག་པ་ཕརའ་ཁ་ཆོ་ཁཱན་དང་ ཨ་ཧ་ཕ་མ་བ་ཀི་ མཚོ་གོག་ཁཱན་ཁེ་པ་ ན་ཤི་སེན་ཆེན་དག་ཉི་ ཇི་གི་མི་ཝ༌ཅ།
2རོག་ཏེ་བ་ ཐམས་ཅན་རང་ མུག་པ་དང་མཚོ་ག་ ཁྲུས་གསོར་ལ་ཉི་ མོ་ས་ག་ སློ་མ་རི་ཝ་ཆོ༌ཝ། 3ཉི་རོག་ཏེ་བ་ ཐམས་ཅན་གི་ ཐུགས་ཉིད་ག་ ལྟོ་ཐུར་རང་ཟ༌ཝ། 4ཉི་རོག་ཏེ་བ་ ཐམས་ཅན་གི་ ཐུགས་ཉིད་ག་ རི་ཐུར་རང་ཇ༌མ། ཧང་ཡ་དག་ནེ་ལ་ རོག་ཏེ་བ་ ཐམས་ཅན་གི་ རོག་ཏེ་བ་ཀབ་ཉི་བྱོན་ཁཱན་ ཐུགས་ཉིད་ག་ལུང་གེ་ ཇ་མ་གི༌ལ། ཉི་ཨུ་ཉུ་ལུང་ཤོ་ ཁིརིས་གི༌ལ། 5དག་པ་ཀབ་ཉི་ རོག་ཏེ་བ་ མང་པུ་ཐུར་ཀབ་ཉི་ དཀོན་མཆོག་ ཐུགས་མ་བཞེས་ཝ་ཆོ༌ཝ། ཨོ་ཉི་ཨ་དེན་གེ་ རོག་ཏེ་བ་ཀ་རོ་ ས་ཏོང་པ་ནང་ཀ་རང་ ཏོར་བ༌ལ།
6རོག་ཏེ་བ་ཀི་ ཨ་ཝ་པུརུས་ཀིན་ཨ་ཉི་ ཨ་ཤི་ཤོ་ ངན་པ་ཨ་ལེ་ག་སེམས་ མ་ཨན་ཆེན་དག་ཉི་ ཨོ་ཐ་ཆཱས་གི་ ཨ་ཧ་གེན་ཅ་གི༌ལ། 7ཉི་རོག་ཏེ་ཚེ་བང་གི་ སྐུ་ག་གསོལ་ཝ་ཏ་པ་པུརུས་ཀིན་ཨ་ཉི་ ན་ཤི་བུ་ སྐུ་ག་གསོལ་ཝ་མ་ཏབ༌ཅོ། སོ་ངོ་བ་ཀི་ ལང་ཉི་ཟཱན་ཇམ་ཐཱན་ བོརོ་ཇོང་མེ་ག་དེན་གེ་ ག་ཐིང་མ་#10:7 ཤོན་དི་ཝ་ག་དཔེ་ཆ་ 32:6དག་ཉི་ གསུང་རབ་གེ་ཤོན༌ཅ། 8རོག་ཏེ་ཚེ་བང་གི་ ལུས་འབྲེལ་མ་ཙང་མ་ ཨ་ཝ་ཨ་དེན་གེ་ ནོང་ཐུར་ག་རང་ སོ་ངོ་ 23000 ཤི་ཝ་ཆོ༌ཝ། ན་ཤི་ཤོ་ རོག་ཏེ་བ་ད་བུ་ ཨ༌ལེ་མང༌ཕ།
9ཉི་རོག་ཏེ་ཚེ་བང་གི་ གཙོ་བོ་གེ་ རྒྱུགས་ལ་ཝ་ཨ་དེན་གེ་ རུ་གེ་ནང་གི་ ཐོ་ཉི་ཤི་ཝ་ཆོ༌ཝ། ན་ཤི་ཤོ་ རོག་ཏེ་བ་ད་བུ་ ཨ་ལེ་མང་ཕ། 10ཉི་རོག་ཏེ་ཚེ་བང་གི་ བེརེག་ཏོང་ ཇིག་པ་ཨ་དེན་གེ་ ཤི་སྲོག་ག་ ཞིང་ཁམས་ག་འཐེན་པ་གི་ རོག་ཏེ་བ་ཤེ་ཝ་ཆོ༌ཝ། ན་ཤི་ཤོ་ ཨུ་ཉུ་ད་བུ་ཨ་ལེ་མང་ཕ། 11ཨོ་ཐ་བ་ཤོ་ ཨ་ཧ་ཏཱན་ རོག་ཏེ་བ་ཀ་ དཔེ་གེན་མེ་དེན་གེ་དང་ ཨ་ཧ་ནོ་ཝང་ཨ་ལེ་དེན་གེ་ ཇུང་མ་གི༌ལ། ཉི་ཨ་ཧ་བ་ཤོ་ ཇུག་དུང་མེ་རེན་པ་ཀབ་ཉི་ ཆོ་ཝ༌ཅ།
12ཨོ་ཉི་ཨ་དེན་གེ་ ན་ཤི་ ན་ཧ་བ་སྒྲིང་སྒྲིང་ཨ་ཉི་ ཆོ་ཝ་ཅ་དག་ཉི་ མི་ནེ་ལ་ ན་ཧ་བ་ རོ་ཁེ་མ་དི་ལེ་དེན་གེ་ རིག་པ་སྒྲིམ༌ཅོ། 13ན་ཧ་ཐུང་ཀ་ ཨུ་ཁཱན་བར་ཆད་ ཐམས་ཅན་རང་ སོ་ངོ་བ་ཀ་ཐུང་ཀ་ ཨུ་ཁཱན་བར་ཆད་གི༌ལ། ཉི་དཀོན་མཆོག་ཤོ་ དམ་ཚིག་ཙུང་ཁཱན་ གི་ཝ་ཨ་དེན་གེ་ ན་ཤི་ཐེས་པེ་རེ་བ་གེ་ལག་ཉི་ རོ་ཀི་ན་ཧ་ཐུང་ཀ་ བར་ཆད་ཇུང་མེ་མ་གནང༌མ། དག་པ་ཀབ་ཉི་ ན་ཧ་ཐུང་ཀ་ བར་ཆད་ཇུང་མ་ཀབ་ཉི་ ན་ཤི་ཨོ་ཉ་བར་ཆད་ ཇུང་མེ་གང་ཀ་ རོ་ཁེ་མ་དི་ལེ་དེན་གེ་ རོ་ཀི་ ན་ཧ་ཕིས་ཀ་ཤོ་ལེ་ག་ ལམ་གནང༌མེ།
14ཡུང་ཟི་བ་ ཨོ་ཉི་ཨ་དེན་གེ་ སྐུ་ག་གསོལ་ཝ་ཏ་པེ་ག་ ཐུབ་ཐའི། 15ན་ཧ་བ་ཤོ་ མི་ལེ་སེ་ཁཱན་སོ་ངོ་གི༌ལ། ཨོ་ཉི་ཨ་དེན་གེ་ ཇི་གི་ཡེག་ཁཱན་ཁེ་པ་ དེན་པ་གི་ལ་སྨོ་མང་གི་སྨོ་ ནའི་ཏེན་གི་ མི་ཉི་གོད༌ཅོ། 16ཨ་ཤི་ གཙོ་བོ་ག་ཚོགས་ ཞུ་ལ་ཀབ་ཉི་ བཞེས་ཆ་ག་དེན་གེ་ བཀའ་དྲིན་བསམ༌ཅ། ཨ་ཤི་ ཨོ་ཉ་བཞེས་ཆ་གེ་ ཇ་མ་ཀབ་ཉི་ ཁིརིས་ག་སྐུ་ཁྲག་ག་ བཅའ་མ་ཏོག་ཅ་མང་གི་སྨོ། ཉི་ཨ་ཤི་ ཀེབ་ཏང་བིརིང་ཐཱན་ ཟ་ལ་ཀབ་ཉི་ ཁིརིས་ག་སྐུ་ཕུང་ག་ བཅའ་མ་ཏོག་ཅ་མང་གི་སྨོ༎ 17ཀེབ་ཏང་ཐུར་ཤ་ ཆོ་ཝ་ཨ་དེན་གེ་ ཨའི་མང་པུ་ཐུར་ ཆོན་ཐཱན་རང་གི་ནེ་བུ་ ལུས་པུ་ཐུར་ཤ༌ཅ། ཧང་ཡ་དག་ནེ་ལ་ ཨའི་ཐམས་ཅན་གི་ ཨོ་ཉ་ཀེབ་ཏང་ཐུར་གེ་ བོང་ཉི་ཟཱན༌ཅ། 18ཨིས་རེལ་ག་ སོ་ངོ་བ་ཀ་དེན་གེ་ མིན་གོད༌ཅོ། མཆོད་པ་ཕུལ་ཁཱན་ཚོགས་ཟ་ཁཱན་ ཐམས་ཅན་རང་ མཆོད་གཤམ་ཐུར་གེ་ བོང་ཉི་ཟཱན་ཅ་མང་གི་སྨོ།
19ཧང་ ཇི་གི་ཡེག་པེ་དེན་ཐ་ཤོ་ སྐུ་ཤོ་དཀོན་མཆོག་ངོ་མ་དང་ སྐུ་ག་མཆོད་པ་ཕུལ་ཁཱན་བ་ ཁག་ཆི་ལུ་གི་ལ་ཨ་ཉི་ ཡེག་པ་ཙ་རྩིས་གི་ལ་སྨོ། 20མང་གི་ སྐུ་ག་མཆོད་པ་ཕུལ་ཁཱན་ཤོ་ དཀོན་མཆོག་ག་མང་གི་ཝ་ བདུད་ཀ་ཏཱན་ མཆོད་པ་ཕུལ་ཅ་གི༌ལ། ཉི་ཇི་གི་ ན་ཧ་བ་བདུད་ཀབ་ཉི་ བཅའ་མ་ཏོག་པེ་ག་ བི་ལེ་མར༌བ། 21ན་ཤི་གཙོ་བོ་ག་བཞེས་ཆ་དང་ བདུད་ག་གུར་བུ་ ཉིག་ཙིང་གེ་རང་ ཇ་མེ་མ་ན༌ལ། ན་ཤི་ གཙོ་བོ་ག་དོང་ཏཱན་དང་ བདུད་བ་ཀ་དོང་ཏཱན་ ཉིག་ཙིང་གེ་རང་ བཅའ་མ་ཏོག་པེ་མར༌བ། 22ཧང་ ཨ་ཤི་གཙོ་བོ་ སེར་སྣ་ཨ་ལེ་བི་ལེ་སྨོ། ཧང་ཨ་ཧ་བ་ རོ་ཀེ་ལག་ཉི་ ཤུག་ཅཱན་ཅ་སྨོ།
23ཐམས་ཅན་ཨ་ལེ་ཆོག༌པེ། དག་པ་ཀབ་ཉི་ ཐམས་ཅན་རང་ ཨ་ཧ་དེན་གེ་ ལེག་པུ་མང་གི། ཐམས་ཅན་ཨ་ལེ་ཆོག༌པེ། དག་པ་ཀབ་ཉི་ ཐམས་ཅན་གི་ ལའི་མ་ན༌ལ། 24རང་ཏེན་ག་དེན་གེ་ཤ་ ལེག་པུ་ཨ་ལེ་མ་གོད༌ཅོ། དག་པ་ཀབ་ཉི་ བཱརའ་སོ་ངོ་བ་ཀ་ ལེག་པུ་ཨ་ལེ་གོད༌ཅོ།
25ཚོང་ཁང་ག་ ཤ་ཧང་ཙོང་མ་ཐུར་ སེམས་ཀ་ ཧང་རང་མ་ཇི་མཱན་ ངོ་ཉི་ངམ༌ཤོ། 26ཧང་ཡ་དག་ནེ་ལ་ འཛམ་གླིང་དང་ འཛམ་གླིང་ནང་ཀ་ཆོ་ཁཱན་ ཐམས་ཅན་རང་ གཙོ་བོ་ག་གི༌ལ།#10:26 མགུར་མ་ག་དཔེ་ཆ་ 24:1
27དད་པ་མ་ཨ་ཁཱན་ སོ་ངོ་ཐུར་གི་ ལྟོ་ཟ་ལེ་ག་ར་ཝ་ཨ་དེན་གེ་ ལྟོ་ཟ་ལེ་ག་དི་ནེ་ལ་ ན་ཧ་སེམས་ཀི་ ཧང་རང་མ་ཇི་མཱན་ ན་ཧ་གུབ་ཀ་ ཧང་ཀེ་བ་ཐུར་ཟའི། 28དག་པ་ཀབ་ཉི་ སོ་ངོ་ཐུར་གི་ ཨོ་ཐ་ལྟོ་ཁེ་པ་ སྐུ་ག་མཆོད་པ་ཕུལ་ཁཱན་ ཚོགས་གི་ལ་དག་ཉི་ ཡེག་ནེ་ལ་ རོ་ཀ་སེམས་ཀི་ མ་ན་ཝ་ཨ་དེན་གེ་ ན་ཤི་རོ་ཀ་ཡོར་ཀེ་ ཨོ་ཉ་ལྟོ་ཟ་ལེ་མང་ཕ། 29ཇི་གི་ཡེག་པེ་དེན་ཐ་ཤོ་ ན་ཧ་སེམས་ཀི་ མ་ན་ཝ་མང་གི་ཝ་ བཱརའ་ག་སེམས་ཀི་ མ་ན་ཝ་ཀོར་གེ་ ཡེག་ཅ་གི༌ལ། དག་པ་ཀབ་ཉི་ ཇ་ག་སེམས་ཀི་ ན་ཁཱན་ཁེ་པ་ བཱརའ་ག་སེམས་ཀི་ མ་ན་ནེ་བུ་ ཧང་ཨ་ཉི་ མ་ལེག་པ་ཆིན་མེ་ཡ། 30ཇི་གི་དཀོན་མཆོག་ག་ བཀའ་དྲིན་བསམ་ཐཱན་ཟ་ནེ་ལ་ ཨོ་ཉ་བཀའ་དྲིན་བསམ་ཁཱན་ ལྟོ་ག་དེན་གེ་ ཧང་ཨ་ཉི་ བཱརའ་གི་ ཇ་ག་ཁ་ཏང་མེ་ཡ།
31ཨོ་ཉི་ཨ་དེན་གེ་ ན་ཤི་ ཧང་ཟ་ཉི་ཇམ་ནེ་བུ་ ཡང་ན་ལ་ ཧང་ཨ་ནེ་བུ་ ཐམས་ཅན་རང་ དཀོན་མཆོག་ག་ གཟི་བརྗིད་ག་དེན་གེ་ ཨ་ལེ་ཁེ༌ལེ། 32ཡ་ཧུ་དི་པ་དང་ ཡ་ཧུ་དི་པ་མང་གི་ཁཱན་བ་ ཉི་དཀོན་མཆོག་ག་ ཆོས་ཚོགས་ག་ མ་ནོད་པ་ཨ་ཉི་ཆོའི། 33ཇི་གི་བུ་ ཧང་ཨ་ཝ་ཐུར་ ཐམས་ཅན་རང་ ཤོ་ནང་ཕེ་ཝ་ཅོད་པེ་གོད༌ཅ། རོག་ཏེ་བ་ཀི་ ཐར་པ་ཉོང་ཅེན་དག་པ་གི་ ཇང་ཇང་ཏེན་ག་ ཕཱན་མེ་ག་མ་གོད་པཱན་ མང་པུ་ཐུར་ག་ ཕཱན་མེ་གོད༌ཅ།
Currently Selected:
དང་པ་ཀོ་རིན་ཐི། 10: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
