Maariko 2

Yeesu ari na obhuturo bhwa okufwira echigongo ebhibhiibhi

(Mataayo 9:1‑8; Ruuka 5:17‑26)

1Mbe, Yeesu ˆnaasubha rindi mu‑musi gwa Kaperinaawumu. Jejire jaatura siku nooto, abhaanu nibhoongwa ati aasubha iika. 2Abhaanu bhaafu nibheekofyanya mu‑nju irya, nibheejura okukingira okusibha injira ya okutura mu‑muryango. Yeesu aariga ˆnaaraasisya abhaanu omusango gwa Nyamuwanga. 3Omwanya gunu aaraasyaga, nibhaaja abhaanu bhana, bhayangire kw‑iraro omuunu unu aariga afuuwe omubhiri. 4Nibhataamibhwa okumwingisya anu Yeesu aariga ari, ku‑songa ya echise echinene cha abhaanu. Nibhariinya ku‑rusara#2:4 Ku‑rusara. Mu‑siku ejo, jinju ja Abhayawudi jaariga jiri na orusara runu rutasibhirwe inguru. Bhaariga nibhoombaka jinjegwe anja ja okuriinyira‑ko. rwa inju, nibhafumura orusara obhwima na anu Yeesu aariga ari, nibhooromosya omurwaye ari kw‑iraro. 5Yeesu ejire aarora eriikirisya ryebhwe, ˆnaabhwira omurwaye oyo ati, “Omwana waani, waafwirwa echigongo ebhibhiibhi bhyawo.”

6Nawe, bhaariga bhari‑wo abheeyigisya abharebhe bha ebhiraagiro bhya Muusa bheenyanjire omwo. Nibheeganirisya mu‑myoyo jeebhwe ati, 7“Mbawo omuunu unu kaayika kutyo? Keefumirisya Nyamuwanga! Atari‑wo omuunu unu kaatura okufwira echigongo ebhibhiibhi, tari Nyamuwanga eenyere!”

8Awoawo Yeesu ˆnaamenya obhwiganirisya bhwebhwe, ˆnaabhabhwira ati, “Ni kurwa ki omwiganirisya kutyo mu‑myoyo jeemwe? 9Angu, ni guuya omwangu okukira ogundi, okubhwira oyo ati, ‘Waafwirwa echigongo ebhibhiibhi bhyawo,’ amwi okumubhwira ati, ‘Imereeguru, gega riraro ryawo, uribhate’? 10Nawe eneenda mumenye ati, anye Omwana wa Omuunu#2:10 Omwana wa Omuunu. Yeesu ꞉eebhirikiiye risiina rinu kwiya kaafu. Kw‑isiina rinu, Yeesu ꞉eeresiisye ati ꞉aasookere ku‑Nyamuwanga, ka wone ayaaywe obhuturo bhunene okusooka ku‑mwene. Ku‑meeresyo amaafu, ringira mu‑Meeresyo inguru ya Emisango Emikomeeye. niyaaywe obhuturo bhwa okufwira echigongo ebhibhiibhi mu‑chaaro munu.” Neeya Yeesu ˆnaabhwira omuunu unu aariga afuuwe omubhiri ati, 11“Enikubhwira ati, imereeguru! Ugege riraro ryawo, ugende iika ewaawo!” 12Awoawo, omuunu oyo ˆneemereeguru, ˆnaagega riraro ryaye, ˆnaawuruka anja, bhoone bhanu bhaariga bhari arya nibharuguura na okukusya Nyamuwanga, nibhaayikaga ati, “Chichaariga okurora kata echikorwa rwa chinu!”

Yeesu eejire okuchungura abha ebhibhiibhi

(Mataayo 9:9‑13; Ruuka 5:27‑32)

13Yeesu ˆneemuka, ˆnaagenda rindi ku‑njekekera ya inyanja ya Gariraaya. Abhaanu bhaafu nibhamuruubha, ˆnaabheeyigisya.

14Neeya Yeesu ˆnaasooka awo ˆnaagenda, ku‑njira ˆnaarora Raawi omwana wa Arufwayo, eenyanjire mw‑itobhesisyo rya rigooti. Yeesu ˆnaamubhwira ati, “Nuunduubhe.” Awoawo, Raawi ˆneemuka, ˆnaamuruubha.

15Yeesu na abheeyigisibhwa bhaaye nibhagenda okurya ebhiryo iika wa Raawi. Abhatobhesya bha rigooti#2:15a Abhatobhesya bha rigooti. Ku‑meeresyo amaafu, ringira mu‑Meeresyo inguru ya Emisango Emikomeeye. na abhakosi bha ebhibhiibhi#2:15b Abhakosi bha ebhibhiibhi. Abhafarisaayo bhaariga nibharuubha muno ebhiraagiro bhya Muusa, noorwo ꞉bhoongesiisye‑ko amaragiriro na akatungiiywe akandi. Bhanu bhaariga bhatakuruubha amaragiriro na akatungiiywe ako, Abhafarisaayo ꞉bhaabhatogere abhakosi bha ebhibhiibhi. abhandi, nibheenyanja ku‑nenda okurya ebhiryo na Yeesu na abheeyigisibhwa bhaaye, kwa okubha abhaanu bhaafu abha jitungwa rwa ejo nibho bhaariga nibhamuruubha. 16Mbe abheeyigisya bha ebhiraagiro bhya Muusa bhanu bhaariga bhari Bhafarisaayo#2:16 Bhafarisaayo. Ku‑meeresyo amaafu, ringira Abhafarisaayo mu‑Meeresyo inguru ya Emisango Emikomeeye. bhejire bhaarora Yeesu naarya na abhatobhesya bha rigooti na abhakosi bha ebhibhiibhi abhandi, nibhabhuusya abheeyigisibhwa bhaaye ati, “Mbawo kaarya aamwi na abhatobhesya bha rigooti na abhakosi bha ebhibhiibhi?”

17Yeesu ejire oongwa emisango jeebhwe, ˆnaabhabhwira ati, “Abhaanu bhanu bhatarwaye bhatakukena omuragusi, tari abharwaye nibho abhamukena. Anye ꞉niteejire okubhirikira abhaanu bhanu abheerora wuti ni bharengeresi, tari abhakosi bha ebhibhiibhi.”

Emisango emiyaaya ejitaasyanya na eja kara

(Mataayo 9:14‑17; Ruuka 5:33‑39)

18Abheeyigisibhwa bha Yowana Omubhatiija na Abhafarisaayo bhaariga nibheeyima okurya ebhiryo.#2:18 Bhaariga nibheeyima okurya ebhiryo. Ku‑mwanya omurebhe bhatakurya okweresya ati ni bheeyikanyibhwa ku‑Nyamuwanga. Rusuku rumwi abharebhe mu‑abho, nibhagenda ku‑Yeesu, nibhamubhuusya ati, “Mbawo abheeyigisibhwa bha Yowana na abha Abhafarisaayo abheeyima okurya ebhiryo, nawe abheeyigisibhwa bhaawo bhatakwiyima okurya ebhiryo?” 19Yeesu ˆnaabhasubhya ati, “Angu, abhaanu bhanu bhakokerwe na omutwasi mu‑bhuregesi bhwaye, abhatura kutiki okwiyima okurya ebhiryo, omutwasi akabha ari aamwi nabho? Omwanya gwone gunu owubha bhari aamwi nage, bhatakutura okwiyima! 20Nawe jisiku ejiija jinu omutwasi arisoosibhwa‑wo. Mbe ku‑mwanya ogwo, niwo bhariiyima okurya ebhiryo.

21“Ka wone, atari‑wo omuunu unu kaabhariirira echirepa echiyaaya ku‑mwenda omukokoro. Araabha aakakora kutyo, echirepa echiyaaya echo chiryongesya okutemura omwenda ogwo, na riwundu ryagwo riribha egari muno. 22Ka wone omuunu atakutuuraga echifuufu#2:22 Echifuufu. Ku‑meeresyo amaafu, ringira mu‑Meeresyo inguru ya Emisango Emikomeeye. echiyaaya mu‑sagwa ja jinjayi jingʼokoro. Aakakora kutyo omwanya gunu echisangʼarara na okufwimba, jisagwa ejitaamibhwa okufwimba nijaatika, echifuufu nichiwurura. Echifuufu echiyaaya cheenderwe okutuurwa mu‑sagwa jinyaaya.”

Yeesu niwe Raatabhugenyi wa orusuku rwa Isabhaato

(Mataayo 12:1‑8; Ruuka 6:1‑5)

23Rusuku rumwi, ruri rusuku rwa Isabhaato, Yeesu na abheeyigisibhwa bhaaye bhaaturaga mu‑masambu ga ingano. Abheeyigisibhwa bhaaye nibhaamba okubhutura ebhyangara bhya ingano na okubhiwungurura nibharya. 24Niwo Abhafarisaayo nibhabhwira Yeesu ati, “Ringira, abheeyigisibhwa bhaawo abhakora jinu ebhiraagiro bhya Muusa bhitakubheekirisisya okukora ku‑rusuku rwa Isabhaato!”

25Yeesu ˆnaabhasubhya ati, “Angu muchaariga okusoma mu‑Bhikaame Ebhyeru jinu Dawudi ꞉aakorere omwanya gunu omwene na abheejaabho ꞉bhoonguuwe omweko? 26꞉Eengiiye mw‑iyeema rya Nyamuwanga, omwanya gunu Abhiyataari aariga ari mugabhisi omukuru wa Nyamuwanga, Dawudi ˆnaarya emikaate jinu ꞉jaateeywe imbere ya Nyamuwanga.#2:26a Ringira 1 Samweri 21:1‑6. Okuruubhana na ebhiraagiro bhya Muusa, abhagabhisi#2:26b Abhagabhisi. Ku‑meeresyo amaafu, ringira mu‑Meeresyo inguru ya Emisango Emikomeeye. bheenyere nibho ꞉bheekirisiibhwe okurya emikaate ejo, nawe Dawudi ˆnaajirya, ka wone ˆnaayaana na abheejaabho, wone nibharya.” 27Niwo Yeesu ˆnaabhabhwira ati, “Abhaanu ꞉bhataabhumbirwe korereki bhagayuke ebhiraagiro bhya Isabhaato, tari rusuku rwa Isabhaato ꞉rwateeywe‑wo na Nyamuwanga ati, rusakire abhaanu. 28Mbe, mumenye ati, anye Omwana wa Omuunu naanye Raatabhugenyi noorwo wa orusuku rwa Isabhaato.”

Currently Selected:

Maariko 2: jit

Highlight

Copy