MARKUSI 3

Insa asuzihira mutru afa umuhono

(Mat 12:9-14; Luk 6:6-11)

1Insa angia raha moni na iNyumba ya Uswali, na moni v̄ale v̄uka mutru aka afa umuhono. 2Watru wakomutunda Insa ha uzuri ile waone neka atsozihira mutru ule iSuku ya Uv̄umuzi|Suku ya Uv̄umuzi, mana wakotsaha wapare ndzia ya umusingidzia. 3Ɓas, Insa aambia mutru ule afa umuhono: «Hima hari v̄ale.»

4Amwesa awaambia: «Hali iruhusiwa Suku ya Uv̄umuzi ufanya ndjema, au mbi? Uhuyi roho, au uiangamidza?» Ɓadi waɓuriha.

5Ɓas, Insa av̄eleha matso yahe, awaangalia ha utukivu, akana huzuni ɓole ha siɓaɓu ya uhali wa ziroho zawo. Aambia mutru ule: «Ondzoa muhono waho.» Auondzoa, na muhono wahe urudi munono. 6Watru wa ishama ya Mafarisayo walawa v̄ondze, wandre wav̄ana fikira na watru wa ishama ya Hirudu#3:6 Hirudu: Ini shama ya siasa ya shiUyahudi. Wao wakotsaha shilembwe ya Hirudu Muɓole ake mufalume tsiju v̄ale, wala tsi ɗe mufalume wa Romu. heli watsoshindrao wamuangamidze Insa.

Dunia nyengi isumujilia Insa

7Insa v̄umoja na maswihaɓa yahe wadzivuru wangoni na iɓahari#3:7 iɓahari: Yaãni, iƁahari ya Galilaya, au liDzia la Maji la Galilaya.. Dunia ya watru iwaɗungu ulawa Galilaya na Yudeya, 8tsena Yerusalemu, Idumeya, nyambo ya umuro wa Jurdani, na yamaɓavu ya Tiro na Sidoni. Dunia nyengi ya watru ɓaanda wakokia trongo Insa akozifanya, wamujilia. 9Ɓas, aambia maswihaɓa yahe yamutayarishiye laka ha siɓaɓu ya idunia ile, pare watru wasumusinye. 10Mana ha iv̄o akozihira watru wengi, piya wao wakana maradhi wakosukumana ile wapare wamuɓambe. 11Madjini ya peu wakati yakomuona, yakwendra mindru tsini mbeli zahe, na ushelemedza zini: «Wawe ɗe uMwana wa Mungu!» 12Ɓadi Insa ayafahamisha ha kusudi yasumutrangaze.

Insa asutsahua Mav̄ingizi-Risala kumi na waili

(Mat 10:1-4; Luk 6:12-16)

13Amwesa Insa ahea uju na umulima, ahiri wale akowatsaha, na wao waja wamupara. 14Atsahua kumi na waili wake na waye, ile awav̄elehe wajudze iHaɓari Ndjema, 15tsena wake na yezi ya utoa mazetwani. 16Na wao ɗe wanu: Simoni amuhira tsena Monye#3:16 Monye: iMana ya v̄av̄o ɓwe, yaãni, ɓwe-monye., 17Yakoɓu mwana wa Zuɓudu, na Yuhani, mwananyahe wa Yakoɓu, walio amba awav̄a lidzina la Ɓoanerge (mana yalo, «wana wa maguguma»), 18Andreasa, Filiɓusa, Ɓartolomayo, Matiyo, Tomasi, Yakoɓu mwana wa Halifa, Tadu, Simoni Zeloti#3:18 Zeloti: Au: Mukanaani. liDzina lini lisuonesa amba Simoni unu akana djitihadi na ziSharia za idini ya Mayahudi, tsena aka hari mwa ishama yakotsaha uhuru wa itsi yawo, ilio amba v̄ale yakotawaliwa na iRomu., 19na Yudasi Iskarioti, ule atsomuv̄iriao nyuma.

Misomo ya Insa yahusu Shetwani

(Mat 12:22-32; Luk 11:14-23; 12:10)

20Amwesa Insa aregea ɗagoni, na dunia ya watru ingulidzana raha, ata waye na wanyahe kawakopara waɗya. 21Wakati wadjemazahe wa Insa wapara haɓari zile, waja wamurenge, mana wakorongoa amba alatsiha fikira.

22Na Mafundi ya Sharia yaka yaja ulawa Yerusalemu, yakorongoa: «Ana Ɓelzeɓuli#3:22 Ɓelzeɓuli: Lini dzina limurongoao ɗe Iɓilisa, umuɓole wa yamazetwani.! Ha ushindzi wa umuɓole wa yamazetwani ɗe atoao mazetwani.»

23Ɓas, Insa awahiri, amwesa awaambia ha urumia mifano: «Ha namuna jeje Shetwani ashindrao atowe Shetwani? 24Neka ufalume una umani muraɓani, ufalume uwo kauẽshi. 25Na neka udjama usuwana wao na wao, udjama uwo kauẽshi. 26Neka Shetwani asuwana kinyume na iwaye yahe, waye upuha ɓari, kashindri uẽshi, ɓadi umwiso wahe upara. 27Wala kav̄u ata mutru ashindrao angiye moni na nyumba ya mutru mwendza nguvu, arav̄a mali zahe, neka kafunga raɓuzi mwendza nguvu ule; v̄av̄o ɗe atsoshindrao amurav̄e inyumba. 28Nisumuambiani ha kweli, wanadamu watsoswamihiwa piya madhambi yawo, na kula luha ya ukufuru. 29Ɓadi mutru yotsi atsokufuruo iRoho Ndzitwaharifu, katsopara swamaha ata idahari; atriki djukuma la dhambi la daima.»

30Insa awaambia namuna ile mana wakorongoa: «Ana djini la peu.»

Wadjemazahe wa Insa ɗe wav̄i?

(Mat 12:46-50; Luk 8:19-21)

31Sa ile mayahe na wananyahe wawaswili, wahimi v̄ondze, walagidza amba ahirwe. 32Na dunia ya watru ika iketsi v̄ale ha umuzingidzia. Ɓas, aambiwa: «Tsawo mayaho na wananyaho wa v̄ondze oho, wasuhutsaha.»

33Ɓadi awadjiɓu: «Mayangu ɗe uv̄i? Wananyangu ɗe wav̄i?»

34Ɓasi v̄ale aangalia watru wale waka waketsi wamuzingidzia, amwesa arongoa: «Tsawanu mayangu na wananyangu! 35Mana yotsi afanyao yamav̄endzeleo ya Mungu, uwo ɗe mwananyangu mutruɓaɓa, mutrumama, tsena ɗe mayangu.»

Currently Selected:

MARKUSI 3: swb

Highlight

Copy