MAV̄INGIZI-RISALA 6
6
Watru saɓa watsahuliwa wasaidi yaMav̄ingizi-Risala
1Hari mwa zisuku zizo, ɓaanda ihisaɓu ya maswihaɓa yakwendra na uengedzeha, wale wakolagua Shigiriki wakonguruma kinyume na wale wakolagua Shiheɓraniya, mana hawo watruwashe wafiliwa na waume wawo kawakov̄olwa sawa na wanyawo wasalia umusada wakotolwa kula suku. 2Ɓas, yaMav̄ingizi-Risala|Mav̄ingizi-Risala kumi na waili wale wangulidza piya idjama ya maswihaɓa, amwesa warongoa: «Iyo tsi trongo yalazimu amba rilishe ujudza urongozi wa Mungu, ne rielesheye watru. 3Ha izo wananyangu, namutsahuwe watru saɓa mengoni mwanyu warongolwao na ndjema, wajaya iRoho Ndzitwaharifu na hikima, riwadhwaminishe ihazi iyo, 4na wasi riendreleye udzishahilisa na yamamilio na utekeleza uUrongozi.»
5iTrongo ile ijiv̄idza piya idjama ile. Ɓas, wamutsahua Etiyeni, mutru mwendza uaminifu wa kusudi, tsena ajaya na iRoho Ndzitwaharifu, v̄umoja na Filiɓusa, Prokorusa, Nikanura, Timuna, Ɓarminasa, na Nikolasi wa shi Antiyokiya agauha Muyahudi iv̄o akuɓali idini yawo. 6Wawatekeleza ha yaMav̄ingizi-Risala, walio amba wawamilia na uwakadzia yimihono.
7uUrongozi wa Mungu wakwendra na uenea. iHisaɓu ya maswihaɓa yakoengedzeha ha uwengi hari mwa iYerusalemu, na wengi wa Matolezi-Masadaka|Mutolezi-Masadaka wastehi uaminifu.
Etiyeni asuziwa
8Etiyeni, aka ajaya neema na ushindzi, akofanya zitrendro za ãdjaɓu na ãlama za midjuza hari mwa watru. 9V̄uka wasalia hari mwa watru wa iNyumba ya Uswali ya Warumwa Waɓuliwa, ɗe iheli yakohiriwa, Mayahudi ya shi Kureniya na Aleksandriya, ya shi Silisiya na Aziya, waandrisa ushindrana na waye; 10ɓadi kawakoshindra ukanyusha ihikima yahe, wala iRoho yakomuv̄inga hari mwa yamarongozi yahe.
11Ɓas, wasariɓia watru warongowe: «Rimukia na marongozi yakomukufuru Musa na Mungu.»
12Watsotso idunia, uwatru waɓole na yaMafundi ya Sharia|Mafundi ya sharia, amwesa wamuzingaria, wamusiki na umuv̄inga mbeli za uMungulidzano wa Waɓole|Mungulidzano wa Waɓole. 13Wav̄ingi mazahidi ya trambo, waja warongoa: «Mutru unu kazia urongoa ha unayi v̄uv̄ahanu v̄utwaharifu na iSharia. 14Mana rimukia iv̄o akorongoa amba Insa unu wa Nazareti atsokomoa v̄ahanu v̄anu, amwesa atsogaudza zimila mutrume Musa arilishiazo mwaratha.»
15Piya watru waka hari mwa uMungulidzano wa Waɓole wakomustamia Etiyeni, wakoona isura yahe mauri sura ya malayika.
Currently Selected:
MAV̄INGIZI-RISALA 6: swb
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
