MAV̄INGIZI-RISALA 4

Monye na Yuhani mbeli za uMungulidzano Muɓole

1Monye na Yuhani waka ju la uhutuɓia idunia, ɗe wajiliwa na yaMatolezi-Masadaka|Mutolezi-Masadaka, shitswa wa yamagogezi ya iNyumba Ndzitwaharifu na watru wa ishama ya Masadukayo. 2Wakotukiwa iv̄o wale wakosomedza idunia ile na ujudza, ha ulawana na Insa, umuregezeo hayi wa wafu. 3Wawasiki, wawatria shiv̄ani ata isuku ya v̄ili, mana lijua madza lika litso. 4Na v̄ale, wengi hari mwa wale wakia uUrongozi waamini, ata iindadi yawo iengedzeha, ipara mukaɓala wa alifu tsano.

5iSuku yaɗunga, makizi-mbeli yawo, v̄umoja na uwatru waɓole na yaMafundi ya Sharia|Mafundi ya Sharia wangulidzana Yerusalemu 6v̄umoja na Anasi, uMuɓole wa yaMatolezi-Masadaka, na Kayafasi, Yuhani#4:6 Yuhani: Mutru uwo tsi ɗe liswahaɓa la Insa, ɓadi uwo mutru hari mwa uudjama wa uMuɓole wa yaMatolezi-Masadaka., Alisandrusa, na piya wao waka hari mwa uudjama wa uMuɓole wa yaMatolezi-Masadaka. 7Wamuhetsi Monye na Yuhani hari-hari na wao, amwesa wawadzisa: «Ha ushindzi trini au ha dzina la mbani ɗe mwarendra zile?»

8Ɓas Monye, ajaya iRoho Ndzitwaharifu, awaambia: «Wanyu makizi-mbeli na watru waɓole, 9ɓaanda ritafitiwao leo ju la trongo ndjema yarendreha hari mwa shirewe na ha namuna jeje azihiriwa, 10wanyu piyanyu, v̄umoja na piya umati wa Israila, namujuwe amba ɗe ha lidzina la Insa-Kristi wa Nazareti, ule mwamurema mizumari hari mwa muri wa pawa, ɗe Mungu amuregeza hayi ulawa ha uwafu, ɗe ha waye ɗe mutru unu ahima mbeli zanyu na unono mukamilifu. 11Insa, waye ɗe

‹liɓwe lalatswa na wanyu waundrizi,

ne larendreha amba ɗe liɓwe la nyongaju.›

12Uhuyifu kausi ha mutru wangina atsokao yotsi, mana shiv̄andreju mwa tsi v̄anu kav̄usi dzina langina lav̄elehwa mbeli za wanadamu amba ha lilo ɗe ralazimu rihuyiwe.»

13Wakati waona uhodari wa Monye na Yuhani, waremwa na ushangavu, mana wafahamu amba wao tsi watru wendza ĩlimu wala maãrifa. Wawafahamu iv̄o waka v̄umoja na Insa. 14Ɓadi rangu waona umutru ule alimbala mbeli zawo v̄ale, azihiriwa, kawakana za urongoa. 15Wawaãmurisha walawe hari mwa Mungulidzano wa Waɓole ule, amwesa wakolana mashuwara 16na udzisana: «Riwafanye trini watru wale? Ha kweli amba wafanya ãlama ya ãdjaɓu ɓole; piya uwatru waketsio Yerusalemu waiono dhwahiri, wala karishindri rahana. 17Ɓadi ile pare itrongo iyo isuzidi utsaniha ha uwanadamu, nariwafahamishe na uwarisidza wasulaguwe tsena na mutru atsokao yotsi ha lidzina lilo.»

18Ɓas wawahiri, amwesa wawaɓalidza ha kusudi urongoa na usomedza ha lidzina la Insa. 19Ɓadi Monye na Yuhani wawadjiɓu: «Hali iyo haki mbeli za Mungu ya umuvulikiani wanyu rahana waye Mungu? Namuinamuwe wanyu wenyewe, 20mana wasi karishindri amba rasurongowe zitrongo razishuhudia na uzikia.»

21Wakati ule watru waɓole wale wawatahadharisha mara yangina tsena, amwesa wawajeledza; ha siɓaɓu ya idunia kawapara ndzia ya uwav̄a zifungo, mana piyawo wakomutukuza Mungu na itrongo ile yahidjiri. 22Na mutru ule aɓahatisha lidzihiro la midjuza lile akana umuri wazidi maha aruɓaini.

Mamilio ya iDjama Ndziwaminifu

23Ɓaanda wajeledzewa, Monye na Yuhani wandre wapara wanyawo, wawatolea hadisi piya trongo zile yaMatolezi Maɓole ya Masadaka|Matolezi Maɓole ya Masadaka na watru waɓole wale wawaambia. 24Ɓaanda wawavulikia, ha djimlani hawo wahedza yamaji yawo ha umumia Mungu, warongoa: «Mwalatru, wawe ɗe Mungu waumba uwingu na ishiv̄andre ya tsi, iɓahari na piya zilio hari mwazo. 25Wawe ɗe warongoa ha iRoho Ndzitwaharifu hanyoni ha ɓaɓatru, murumishi waho Daudu:

‹Manatrini zinishani zahafiliha,

na zingumati zifanyao mipango kayina mana?

26yaMafalume ya shiv̄andreju mwa tsi wadzimidzi,

na yamatawalizi yawafikiana uka kinyume na Mola

na uMutsahuliwa|Mutsahuliwa wahe.›

27Mana kweli amba Hirudu na Pontiusu Ɓilatusa wawafikiana ɗagoni v̄anu, v̄umoja na watru wa zinishani zangina na uwatru wa Israila kinyume na umurumishi mutwaharifu waho, Insa wamudhwaminisha#4:27 wamudhwaminisha: iShigiriki isurongoa udhwaminisha ha utrilwa matra.. 28Ha izo, watsimidza piya izo waka wazinia rangu kaɓula ha uushindzi waho na yamav̄endzeleo yaho. 29Av̄asav̄anu Mwalatru, ngalia marisidzo yawo, amwesa uriv̄e wasi warumishi waho ushindzi wa ujudza urongozi waho ha uhodari wa kusudi. 30Uenyese ushindzi waho ha mazihiro, na ãlama za midjuza na ãdjaɓu, ha lidzina la umurumishi mutwaharifu waho, Insa.»

31Wamomalidza mamilio yawo, mukaɓala ule waka wangulidzana ugudzuha; piyawo wajadziwa iRoho Ndzitwaharifu, amwesa wakojudza urongozi wa Mungu ha uhodari.

Watru wa iDjama Ndziwaminifu wakodjimlisa izo wakanazo

32iDunia ya wale waamini ifanyiha umo moja na roho moja. Kav̄waka ata mutru akorongoa amba mali yahe, yahe waye monyewe, ɓadi wakozidjimlisa piyazo. 33Ha ushindzi muɓole, yaMav̄ingizi-Risala|Mav̄ingizi-Risala yakotoa ushahidi wa umuregezeo hayi wa Raɓi Insa|Raɓi. Na rehema ɓole yakoka ju lawo piya. 34Kav̄waka mutru atsokao yotsi hari mwawo akokosewa na shitru yalazimu, mana piya wao wakana mazamba au nyumba wakoziudza, wav̄ingi zifaida, 35wazihetsi mindruni ha yaMav̄ingizi-Risala. Amwesa zakoanyisiwa, ata kula mutru akopara ha ikiasi ya usongefu wahe.

36Yusufu, ule yaMav̄ingizi-Risala wakomuhira Ɓarnaɓasi, yaãni Mutria-Ɓari, Mulawi|Lawi wa shi Kupro, 37audzu shamba akanalo, av̄ingi zimarike, aja av̄azo yaMav̄ingizi-Risala.

Currently Selected:

MAV̄INGIZI-RISALA 4: swb

Highlight

Copy