MAV̄INGIZI-RISALA 14

Ɓaulusu na Ɓarnaɓasi ɗagoni Ikoniyumu

1Ikoniyumu wajau, Ɓaulusu na Ɓarnaɓasi wangia moni na iNyumba ya Uswali ya Mayahudi, tsena wakorongoa ha namuna amba wengi wa yaMayahudi na Magiriki waamini. 2Ɓadi Mayahudi wale kawaamini, wakotsotsoa watru wa zinishani zangina, wawatria ufitina rohoni kinyume na uwananya waaminifu wale. 3Ɓas, Ɓaulusu na Ɓarnaɓasi waɓaki ɗagoni Ikoniyumu muda kiasi na wao wakolagua ha uhodari hari mwa uv̄umoja wawo na Raɓi, alio amba akodhiɓitisha ukweli wa urongozi wawo ju la ineema yahe ha uwakuɓalia v̄urendrehe ãlama za midjuza na trongo za ãdjaɓu ha yimihono yawo. 4Ɓas, wakazi wa liɗago waanyisana, wasalia waɗungu yaMayahudi, na waɓaki yaMav̄ingizi-Risala|Mav̄ingizi-Risala. 5Na v̄ale watru wa zinishani zangina na yaMayahudi, v̄umoja na yamakizi-mbeli yawo, wahima na mutsutsuho ha utsaha wawarendre nnayi, wawaangamidze ha mawe. 6Ɓadi Ɓaulusu na Ɓarnaɓasi ujua yawo trongo zile, walawa wandre hari mwa yamalago ya Likaoniya yahiriwao Listra na Derɓi, na hari mwa piya yimikaɓala madjirani. 7Na oho wajau wakojudza iHaɓari Ndjema.

Ɓaulusu na Ɓarnaɓasi ɗagoni Listra

8Listra hule, v̄uka mutruɓaɓa shirewe, mindru yahe yikana shifeli; rangu udzalwa yahe yika yifu, kaparoendra. 9Mutru ule akomuvulishia Ɓaulusu iv̄o akolagua. Na Ɓaulusu waye amureme matso, aono amba akana uaminifu wa uzihiriwa. 10Sa ile arongoa ha ji lendza nguvu: «Hima ha yimindru, ulimbale!» Ɓas, ahimi na uwaruka, aandrisa uendra.

11iDunia yaka v̄ale uona yayo itrongo Ɓaulusu aifanya, wahedza yamaji ha nguvu, warongoa ha luha ya Shilikaoniya: «Yiyo miungu ɗe yarishukia ha mufano wa mwanadamu!» 12Ɓas, wamuhiri Ɓarnaɓasi Zeus na Ɓaulusu Hermisa#14:12 Ɓarnaɓasi Zeus na Ɓaulusu Hermisa: Hari mwa yimiungu ya masanamwe yakoãɓudiwa na yaMagiriki, Zausu aka ɗe muɓole wayo, na Hermisa ɗe muv̄ingizi-haɓari akojudza zitrongo., mana aka ɗe umurongozi mahususu. 13Mutolezi-masadaka wa Zeus alio amba inyumba ya umuãɓudu yahe ika mwandroni mwa liɗago, av̄ingi hari mwa yimilongo yalo mahondzo na mafu yarungwa amwesa, v̄umoja na idunia, akotsaha atowe sadaka.

14Ɓadi ukia yawo ihaɓari ile, Mav̄ingizi-Risala Ɓarnaɓasi na Ɓaulusu warandrua zinguo zawo#14:14 warandrua zinguo zawo: Hari mwa uwakati ule, mutru amorandrua nguo zahe, iyo ika ãlama ionesao hamu na huzuni., amwesa wandre ha uharaka wapare idunia ile 15ha ushelemedza: «He wanyawe, manatrini ata mufanyao trongo zizo? Wasi ne wanadamu wajau mauri ɗe wanyu, amwesa risumuv̄ingiani haɓari ndjema na umusariɓiani muɓauhe zitru kazina manufa zizo, muzinge ha Mungu alio hayi, Monyewe uumba uwingu, ishiv̄andre ya tsi, iɓahari, na piya zilio moni hazo. 16Zama zav̄ira aka alishi piya zinishani ziɗunge zindzia zazo. 17Ɓadi kula namuna kakozia umuv̄enuliani iwaye yahe ha uwema aufanyao, amuv̄elesheani zivua ulawa mbinguni na mavuna ha uwakati wawo, amwesa waye umudjaãliani zahula ha uwengi, na umujadziani ziroho zanyu na furaha.» 18Ɓadi ata ha yamarongozi yale, ne ika ndziro wao uzia idunia ile yasuwatoleye sadaka.

19Wakati ule v̄ulawa Mayahudi Antiyokiya na Ikoniyumu, yaja yasariɓia idunia ile. Ɓaanda wamuvutsia Ɓaulusu mawe, wamugogora v̄ondze mwa liɗago, wakofikiri amba afu. 20Ɓadi wakati yamaswihaɓa wamuzingidzia, ahimi, angia ɗagoni. iSuku ya v̄ili aɗungana na Ɓarnaɓasi, wandre Derɓi.

Ɓaulusu na Ɓarnaɓasi wasuregea Antiyokiya ya Siriya

21Ɓaanda wajudza iHaɓari Ndjema ɗagoni v̄ale ata watru wengi waamini, waregea Listra, Ikoniyumu na Antiyokiya. 22Wahodarisha iroho ya maswihaɓa, uwatria ɓari wasike uaminifu wawo na uwaambia: «Irilazimu riv̄iriye taãɓu nyengi iv̄o ringiye hari mwa uUtawalizi wa Mungu.» 23Wawahetsia madhwamana hari mwa kula Djama Ndziwaminifu, amwesa ɓaanda wafanya mamilio na ufunga, wawadhwaminisha Raɓi alio amba wamuamini. 24Ɓaanda ya v̄ale wav̄iria iPisidiya, wawaswili Pamufiliya. 25Wajudza Urongozi wa Mungu ɗagoni Perga, amwesa washuku Ataliya.

26Watreke rangu v̄ale warudi Antiyokiya, v̄ahanu waka wadhwaminishiwa hari mwa yamalezi ya ineema ya Mungu pare wafanye urumishi uwo waja wautsimidza. 27Uwaswili yawo hule, wahudhurisha piya iDjama Ndziwaminifu, wawaeledza piya zile Mungu azifanya ha ndzia yawo na inamuna aɓulia zinishani zangina umulongo wa uaminifu. 28Ɓaanda ya v̄ale waɓaki muda mwengi kiasi v̄umoja na yamaswihaɓa.

Currently Selected:

MAV̄INGIZI-RISALA 14: swb

Highlight

Copy