JONAH 2
2
Jonah Kighini
1Tile Jonah no akha po lono Ampeu, pa Lhou lau inikhu, 2eno pi,
“I no I ghime lono Ampeu lau ighae,
eno Pa no I khochile tsü;
Kithigha#2:2 Hebrew lo Sheol po lono I no ighamku,
eno Nono I sütsa chilu tsüe.
3Kughengu Nono akuthoku,
azüghi mta lo I vesüve,
eno züqozü no I süho luve;
O zü fukucho eno fuchighi keu
no I shou ikughie.
4Ikehu I no pi, ‘O nhethe lono
I küghape hapupovae;
ikeghi O kimthe chineki shou
I no jupuku anani.’
5I küxü luve tsüniye azüghi eno
akuthoku no I süho luve;
alupiqo no I kütsü küzüphove
6naghuto kuhu lono ni ye
ayeghi qhou iqive, tilau akhaduqo
no alholo ghenguno I khathave;
ikeghi O Ampeu I Lhou,
Nono akuthoku lono I saipeghie.
7Kughou I küxü hau cheghi keno,
I no Ampeu kümsülu,
eno I kighini no O lau,
O kimthe chineki lo ighie.
8Khunono adou julho gihu cheni
keno pano ye iqemokeu kikimiye lajupu phevae.
9Ikemu I no shikimthikütsü sütsa
pesü O lau aghakishi shini;
I no kiu tushoqhive akeno ti tsüni.
Xakulupu ye AMPEUw ke!”
10Tileno Ampeu no akha pütsa, eno tino qhaike yeghi lo Jonah puqule pheve.
Currently Selected:
JONAH 2: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
