HOSEA 5
5
Israel ngo Judah lau Aghime Cheni
1Hi inilo, O achinemiqo!
Amlo tsüqhiyilo, O Israelmi!
Akini xükholo, O akükau limi!
Kughengu küghakütha ye nongu ghenguno ke;
kughengu Mizpah lo nongu no alichhe ilhouve ke,
eno Tabor shou akhame sükhope qhike.
2Mjochile kemi no kuthoküzü shi heqhi ghiqhi auvae,
ikemu I no panongu kümtsü shikümzü nani.
3I no Ephraim ithi ani,
eno Israel ye I launo itshümlae;
O Ephraim, itehi kutolo no ye kütüqha aphi;
Israel ye shi kuchhubevae.
4Panongu kümla no lakhape panongu pelo pano
Lhou lau ideighilu peamoe.
Kughengu asalha ghawu no panongu lolo ani,
eno panongu ye Ampeu ithi amovae.
5Israel qheküza no pano zülo ashepe shi anie;
Israel ngo Ephraim ye pano kipimi lono küpxalu nani;
Judah ghi panongu gholono küpxalu nani.
6Panongu no pano mbeloji ngo amishi loji sasü
Ampeu phuniye wu nani,
ikemu panongu no phumla nani;
Pa ye panoqo launo tsüghüvae.
7Panongu no Ampeu lau aküpülü piye move;
kughengu panongu no inami tianuliqo punu ke.
Itehi ye aqhi kithe no pano luza gholono pano kütsa nani.
8Gibeah lo akibo küighalo,
Ramah lo afuko küighalo.
Beth-aven lono kütüghülo;
nino o papeni, O Benjamin!
9Aghime tsala lo
Ephraim ye pighive nani;
kiu no mtsüqhei keno I no
Israel shiaye lau piye nani.
10Judah sakiphemi ye alughitu
tukiqeve chekemi toike;
panoqo shou azü lepuku keshi
I no I loghu lepuku nani.
11Ephraim no niqhinilai#5:11 Momu timi lokütsü keu pape niye pükapütsa
kehu pa ye nedaqoda keu xakütha lono chunudaqhi ani.
12Ikemu Ni ye Ephraim lau amila toi, eno Judah lagha
lau qhai-ghoi mauve ketoi ke.
13Ephraim no pa küsü ithulu kelo
Judah no pa ghüzaku ithulu kelo,
Ephraim no Assyria lau akukuphu,
akükau akijeu#5:13 Momu akükau Jareb lau khu puwu.
Ikemu pa ye o shipivi mla momu
o ghüzaku shipivi tsümlae.
14Kughengu I no Ephraim lau abongshuu toi nani,
eno Judah lagha lau abongshuu lhothe toi nani.
Niu no aleqhi shi o sütha pinyive no wuve nani;
I no xapu wuve nani eno khunomu xaphe mlave nani.
15Panongu no pano kipimi ithi no aghime lono müamzü
I phuighi moke kutolo Ni ye
itaghi I kungo-a lo ideighive nani.
Currently Selected:
HOSEA 5: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
