AMOS 3
3
Israel Kipimi eno Aghime
1O Israelmi, Ampeu no nongu shou pipuku akeu, Egypt yeghi lono I no saipeghi keu shiaye kümtsü shou pipuku akeu tsa hi inilo:
2“Ayeghi lo ashiaye kümtsü
dolo Ni ye nongu likhi ithie;
tighenguno no xine ghenguno
I no nongu ghime nani.
3“Pulokilemo kelo mikini ye
kümtsa chewu luni keshea?
4Abongshuu ye tsüqhi kepu lhoxü küha kelo
aghasü lo ighani keshea?
Abongshuu lhothe ye kiumu
tsüqhilu moaye pa ki lono ighani keshea?
5Ayeghi lo alichhe shimo keghi
aghau ye ikiqi meni keshea?
Alichhe lo kiumu iloghimo keghi
pakutoshi no xakhalu nani keshea?
6Mishighüna lo afuko igha aye
timiqo ye msa moni keshea?
Ampeu no puwumo kelo
mishighüna lo kütsakungo keu ighini keshea?
7“Kughengu Ampeu Alhou ye
Pa qemi tungkupmi lau Paw tuqhou pephe piyemo
keloye kiumu shichemoe.
8Abongshuu no igha kelo
khuu no msa moni kea?
Ampeu Alhou no piqhive ake
khuu no tungkuptsa sheshu moveni kea?”
9Ashdod eno Egypt yeghi lo
sükusho-aqo lau asheshu lo,
eno pilo, “Samaria naghutoqo lo nongu hekütsülo,
eno timiqo no shishe ighamku akeu, pano dolo
nedaqoda kile akeu julo.”
10“Khunono anguka lono süxape sükusho-a lo püani keno,”
“tipaqo ye kishi achipiu shini keno mthae,” Ampeu no pi.
11Tighenguno Ampeu Alhou no ishi piani:
“Aghümi no ayeghi botha luve
eno aküghütshü-a kütsave tsü
eno nonguw sükusho-a xulepuwuve tsü nani.”
12 Ampeu no piani, “Ambekheu no abongshuu kichi lono apukhu kini momu akinibo tüxa hakholu keshi, Samaria lo Israelmi akeqo ghi amekusho lakhü acheku lakhi eno alüpa tüxa gholono hakholu nani.
13“Inilo, eno Jacob lagha lakichile shepe shilo,”
ipi Ampeu Alhou, aqokitikhi Lhou no shuphe ani.
14“Tipani I no Israel xine ghenguno pa ghime nani,
Bethel lo akiptia ghime nani,
eno akiptia lo akibo akeqo ye
ikhipe ayeghi lo veqhive nani.
15I no süsü ki gholono mütsü ki ghi kütsave tsü nani,
akühahu ki kuboleve tsü eno
akighiki xaleqhive tsü nani,”
ipi Ampeu no shuphe.
Currently Selected:
AMOS 3: SUMRVBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
