Jonah 4
4
Jonah bane zaŋe Wɛ yibwona ŋwaane
1Jonah na nɛ konto to, o wo déem ma fuli dedɛ, ye o bane zaŋe. 2O ma ware Baŋa Wɛ o we, “Amo Tu Baŋa Wɛ, amo ya ta na wo a tete teo ne to, a maŋe a lɔre we tento mo wó ke. Konto ŋwaane mo a nam maŋe a kwaane se a duri a vo Tarasisi to. Kokuri to, amo yei nmo na ye swono tu Wɛ, ye n tiini n jege nɔɔna ŋwaŋa tei to. N ma‑n yeini n peene n bane ye n leiri n boboŋa se n yé chɔge nɔɔna. 3Amo Tu Baŋa Wɛ, nam yage se a te, se a toone gare a ŋwea.” 4Baŋa Wɛ ma bwei‑o o we, “Wɔ mo pɛ‑m chwoŋa se n pa n bane zaŋe konto dwoŋi?”
5Jonah na nigi konto to, o ma nwoŋi teo kom wone o vo ko wɛ-puli seeni o tei pwoŋa o jei ka kuri ne. O laam maa jei ka woro ne o cheiga se o nii kolo na wó ke Ninevɛ teo kom to. 6Yuu-tu Baŋa Wɛ ma pa se nyambɔle nwoŋi de milimi de kwoli pwoŋa kam maama pa woro wora lanyerane. Ko ma pa Jonah zurim ye o jege wopwolo de nyambɔle dem vɔɔro.
7Tega na yi ye ka jwoori ka poore to, Wɛ ma pa kanzwɛ dedwoŋi ba de done nyambɔle dem pa de kwaare de te maama. 8Wea na bega to, Wɛ ma toŋe vo-loŋo se ko zege wɛ-puli seeni ko ba ko mage Jonah yupare baŋa. O yuu maa wɔe. O déem gɛ fee mo se o beiri, we-dɛa kam ŋwaane. O ma tiini o boŋe o beeri toone, ye o we, “A toone maŋe de gare a ŋwea.”
9Wɛ daa ma bwei‑o o we, “Chwoŋa kɔ mo n jega se n pa n bane zaŋe nyambɔle dem ŋwaane?” Jonah ma leiri o we, “Chwoŋa wora chekke se a bane zaŋe dedɛ. Ko ná maŋe ko ye se a te de, a jege chega.”
10 Baŋa Wɛ ma ta ded‑o o we, “Ko ná ye nyambɔle dem, tete dedoa ne mo a pɛ de zaŋe de be. A daa ma pa se de jei tete dedwoŋi ne. Nmo wo ke kolokolo n pa-de, se de maa zaŋe de be. Bɛ mo ye n wo chɔge de ŋwaane? 11Ko nam ná ye Ninevɛ teo nɔn-bia bam, a ná duri ba yibwona, ko dae ko chwoŋa ne na? Ko ye te-fɔrɔ kolo nɔɔna na dwoi morro bi de finlei balo na ware ba pɔɔre lam de lwarem daane to mo. Ba vare-kɔgɔ kom de maa tiini ko gaale. Konto, a seene a jege chwoŋa se a taa jege ba ŋwaŋa.”
Currently Selected:
Jonah 4: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
