Hosea 6
6
Isarele tiina bam seene ba leiri ba boboŋa na?
Nɔɔna bam maa we:
1“Pa-na se dé jwoori dé Tu Baŋa Wɛ wom tei.
Wonto mo tore dé yera yam yera-yera,
o nam wó jwoori o yɔɔre debam.
O ma pa dé na zonne,
se o laam pa dé na yazura.
2Ko ná ke da yalei,
o wó jwoŋi debam dé cham wone o yage.
Ko ná yi da yatɔ wɛɛne
o wó pa dé jwoori dé bi de yazura
se dé taa wo o tei ne.#Lei 71:20
3Pa-na dé seene dé yia,
se dé taa me de Baŋa Wɛ!
O laam wó veere o tete o bere debam,
ne wɛ na jege de pula te-pora ni ne tei to.
O wó ba o zeini debam,
ne duum doa na bugi tega tei to mo.”
Baŋa Wɛ maa we:
4“Efrayim dwi tiina bam,
amo nam wó ke abam tɛ mo?
Judah dwi tiina bam de,
amo lage a ke abam de tɛ mo?
Á na swoi amo tei to mo ba jege fera.
Ko nye de kunkwoŋo kolo na tui zezeŋa ne
ye ko jei lela to.
Ko ta nye de nyɔnɔ kolo na toa ye ko ba dáane to.
5Konto ŋwaane a lage a toŋe a sampwori sem mo á tei ne,
se a tɔge ba baŋa ne a pa á na chɔgem.
A ta wó kwei a ni taane dem a ma a go abam.
A lage a pɔpɔ a nwoŋi mo a waare abam
ne wɛ na puli te-pora ni ne tei to.#6:5 naa ne doa na pepele tei to.
6Á ya ná jege da-swono,
konto ya wó pwoli amo wo
ko dwoni á ná ke kaanem á pa-ne.
Á ya ná me de amo na ye á Tu Wɛ wom to,
ko wó taa gara á ná kwei vara á zwɛ se á zuli-ne.#Matiyu 9:13
7Ko ná ye ni delo amo na gwoni de-ba to,
ba déem yiri-de
maŋa kalo ba na wo Adama teo ne to.#6:7 naa nenɛɛne Adam de na ke tei to.
Chega to, ba seene ba nwoŋi amo kwaga ne.
8Gilead ye teo kolo kom puseŋ-nyena na su ko wone to mo.
Ba maa yeini ba go nɔɔna jaja.
9Wɛ kaanem tiina bam nye de venverena na seigi ba tete
se ba laam zaŋe ba vere nɔɔna to mo.
Ko ná maŋe ko ye Sɛkɛm chwoŋa ni ne,
ba go nɔɔna balo na tɔge da ba kɛ to.
Ko ye lwarem mo ba jege ba ke.
10Amo nɛ totoŋ-zɔɔne Isarele dwi tiina bam tetare ne.
Efrayim tiina bam biini ba tete mo
de ba na bwoori jwona kaanem baŋa ne tei to.
11Abam Judah dwi tiina bam,
ko ta ye bedwe mo de abam.
Á maŋa kam ná yia,
amo lage a yɔɔre a waare abam mo.
Currently Selected:
Hosea 6: KBG
Highlight
Share
Copy
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
