Pulim 38

Judah dedaane Tamara taane

1Kanto maŋa kam ne, mo Judah déem zaŋe o chorro tem tei ne ye o vo o zoore de Adulam tu wodwoŋi, o yere na ye Hira to tei ne. 2Dáane mo o nɛ Kanaan tiina bukɔ dedoa, o kwo yere na ye Sua to. O ma di‑o o ma ke o kaane. 3Kaane wom ma ja puga ye o lo bakeira. Ba déem ma bwoŋi bu wom yere we ‘Era’. 4O déem daa ma ja puga o lo bakeira ye o bwoŋi o yere we ‘Onan’. 5O daa ta ma lo bakeira kadwoŋi ye ba bwoŋi wonto we ‘Sela’. Chezibi teo ne mo ba loge‑o.

6Era déem na ke nɔɔno to, Judah déem swo kaane o pa‑o, o na ye o bu-kwea kam to ŋwaane. Kaane wom yere mo Tamara. 7Era déem ma tiini o ke puseŋa totoŋe Baŋa Wɛ yiga ne. O keina yam tiini ya chɔge Baŋa Wɛ wo ye o pa se o te.

8Judah laam ma ta de Onan we, “Véi n kwei n zembaaro kaane wom, se n ke kolo na maŋe se nyaane toŋe de o zembaaro kadeim to. Konto wó pa se á na dwi á pa n zembaaro wom.” 9Onan ma maane we dwi delo ba na wó lo to bá taa ye wonto nyem. O déem ná zo o tigi de o zembaaro kaane wom, o ma yeini o lwo o nywanno tem o yage tega ne. Kokuri to, o déem ba lage se o na bia o pa o zembaaro wom. 10O ke puseŋa totoŋe Baŋa Wɛ yiga ne. Wɛ ma go wonto de.

11Judah déem ma ta de o bu Era kaane Tamara o we, “Jwoori n vo n kwo sɔŋɔ n ta‑n jei da kadeini. Amo bu-baaro Sela ná ke nɔɔno o ti, se n laam ba.” O déem tage konto kolo ŋwaane o déem boŋe mo we, “Ko ná dae konto, Sela de wó zege o te nenɛɛne o chorro tem na tege tei to.” Tamara ma seene o vo o zoore o kwo sɔŋɔ ne.

12Ko maa wora ko wora, Judah kaane wolo na ye Sua bukɔ to déem ma ba o te. Judah na keeri o kaane wom ye lua kam ni kɛ to mo o zaŋe o vo Timina, o de o badwoŋi Hira, Adulam tu wom. O tontoŋena déem maa wora ba fane o pei sem koro. 13Tamara déem ma lɔre we, o baro kwo wom wo chwoŋa ne o maa vei Timina se o fane o pei koro. 14O ma lɔɔre o kadeini gwaaro tem, ye o daare o vɔ gɔrɔ kodwoŋi se o ma kwoli o yibia pa se ba ware‑o ba lɔre. O déem ta ma daare o vo Enayim teo kom o jei manchwo-peena ni ne, kokuri to o maane we Sela déem bege baaro ye ba ta wo sɛ se wom ji o kaane. Enayim déem wo Timina chwoŋa kam ni ne mo.

15Judah déem na maa kɛa ye o na‑o to, o pɛ se o ye ka-bworo mo, kaane wom na kwoli o yibia to ŋwaane. 16O ma ywori o vo o yi o tei chwoŋa kam ni ne ye o we, “Jan ja, sɛ se n pa dé peini daane.” O déem tage konto ye o wo lɔre we ko ye o tete bu-kaane wom mo. Kaane wom ma bwei‑o we, “Bɛ mo nmo wó pa-ne se a laam peini dede‑m?” 17Judah ma leiri we, “A wó le a vara bam wone bebala a toŋe a pa‑m.” O daa ma bwei‑o we, “Nmo nam wó pa amo woŋo mo se a tiŋi se ko taa nii maŋa kalo n na wó toŋe varem wom to na?” 18O maa we, “Nmo ya lage se a pa‑m bɛ mo a tiŋi daare?” O maa we, “Pa-ne n jafole dem de ŋona kalo na leigi da to, n ta woli n jeŋa nacheiga kam.” O ma sɛ o kwei-te o pa‑o ye ba daare ba peini daane. Konto to, Tamara déem jaane puga de o baro kwo wom. 19Tamara ma zaŋe o jwoori sɔŋɔ o vo o lɔɔre gɔrɔ kolo o na mɛ o kwoli o yibia to, ye o daare o jwoori o kwei o kadeini gwaaro tem o zo.

20Judah déem ma toŋe o badwoŋi Adulam tu wom dedaane bebala kam se o ja o vo o pa kaane wom, se o daare o jwoŋi wonnu telo o na mɛ o tiŋi daare to. Hira ma beeri beeri kaane wom o ga. 21O ma bwei Enayim nɔɔna badwonna o we, “Ka-bworo kolo déem na jei á teo kom chwoŋa ni ne to vei yei mo?” Ba ma leiri we, “Ka-bworo konto dwoŋi maŋe ko wo lɛɛne ywo-seeni.”

22O ma jwoori o vo Judah tei o ta we, “Amo beeri wuu, ye a ga o ŋwa! Teo kom nɔɔna ma ta we, ka-bworo maŋe ko wo gare ywo.” 23Judah ma ta o we, “Pa dé yage wonnu tem dé na mɛ dé tiŋi daare o tei ne to. Ko ná dae konto, nɔɔna laam wó taa jege debam ba mɔna. A lwoori a toŋe bebala kam se a ya pa‑o, nmo nam wo nɛ‑o mo.”

24Chane setɔ na kɛ to mo ba tage de Judah we, “N bu-kaane Tamara ke ka-bworo totoŋe mo, ko ŋwaane o laam jege puga mo.” Judah ma ta o we, “Ja-o-na á nwoŋi dáa á zwɛ á go-na.” 25Ba déem na jege‑o ba maa nwoŋi to mo o toŋe kwora o pa o baro kwo wom we, “Amo jaane puga kam de baaro wolo na tei wonnu tento to mo. Fɔge n nii lanyerane se n nii n wó wane n lɔre ko na ye wolo jafole de de ŋona, de ko na ye wolo nacheiga to na?” 26Judah ma nii wonnu tem, ye o we, “Te ye amo mo nyem! Kaane wonto jege chega o dwoi amo. Kokuri to, a wo sɛ se a kwei‑o a pa a bu Sela.” O nam daa wo jwoori o peini ded‑o.

27Maŋa kam na yi se Tamara lo to, mo ba maane we yeywa déem wo o puga kam ne. 28O na wora o lore to mo bakeiri sem dedoa twe o jeŋa pa se ka nwoŋi pwooni. Ka-lworinu wom ma ja jeŋa kam o vɔ gare-ŋon-seŋa o ke da, ye o we, “Wonto mo dɛ yiga o nwoŋi pwooni.” 29De ko de, bu wom daa ma jwoori o kɔɔre o jeŋa kam o daare ye o choro kom kɛ o nwoŋi pwooni. Ka-lworinu wom maa we, “Nii nmo na pi n nwoŋi pwooni tei!” Konto ŋwaane ba ma bwoŋi o yere we ‘Pɛreza’.#38:29 Pɛreza kuri mo ye Ka-pi-ka-nwoŋi. 30Bakeira kadwoŋi kam laam ma nwoŋi pwooni de o gare-ŋon-seŋa kam o jeŋa ne. Ba ma pa wonto yere we, Zera.

Currently Selected:

Pulim 38: KBG

Highlight

Copy