Pulim 25

Abaraham toone

1Abaraham daa ma swo kaane wodwoŋi, o yere na ye Ketura to.#1 Tigisim 1:32-33 2Wonto de ma lo bia: Zimiran, de Jokisan, de Medan, de Midian, de Isibaka, dedaane Sua. 3Jokisan déem mo ye Seba de Dedan kwo. Dedan dwi dem mo ye Asuri tiina bam, de Letusi tiina bam, de Leyum tiina bam. 4Midian de bu-baara bam mo tento: Efa, de Efere, de Hanoki, de Abida, de Elida. Banto maama déem ye Ketura dwi mo.

5Abaraham ma kwei o na jege woŋo kolo maama to o tiŋi o pa Izaak. 6Ko daare o ka-bi sem bia bam mo o le pɛɛra o pa-ba ye o daa ta ŋwe. O ma daare o pwɛ-ba o pa se ba yɔɔre ba vo wɛ-puli seeni ye ba daare o bu Izaak.

7Abaraham bena yam maama déem yi bi dedaane fuserepɛ-yanu (175), 8ye o laam ba o te. O nɛ momwɛ-dɛɛre mo ye o laam ba o te o kokweero maŋa ne. 9O bia Izaak dedaane Isameli ma kwei‑o ba suli Machapela peo-bɔɔne dem ne, de na bwola de Mamere to.#Pulim 23:6 Tega kam déem ya ye Hiti tu Zohare bu Eforon nyem mo, 10ye Abaraham yeigi-ka Hiti tiina bam tei ne. Ba déem ke‑o mɛ ba na suli Sarah to mo. 11Abaraham toone dem kwaga ne, mo Wɛ swɛ Izaak swolim. Ka maŋa ne o déem zoore Beeri Lahayi Royi jei sem ne mo.

Isameli dwi dem taane

12Isameli de o dwi dem yera taane mo tento. Sarah ka-nyaane Hagara na ye Ejipti tu to de Abaraham mo loge Isameli. 13Isameli bu-baara bam yera mo tento, ya popone ya maŋe de ba lora kam na ye tei to mo: Nebayofa mo déem ye o bu-kwea, ko woli de Kedare, de Adibeeli, de Mibisam, 14de Misima, de Duma, de Massa, 15de Hadad, de Tema, de Jetura, de Nafisi dedaane Kedema. 16Isameli bia fuga-balei bam mo konto. Ba dedoa dedoa déem ma ji ba dwi tiina nabaaro. Mo ba yera yam mo konto, nɔɔno maama, de o nawuuri, de o teo.#Pulim 21:13

17Isameli bena yam maama yi bi dedaane fintɔ-yarepɛ (137) ye o laam ba o te. 18O dwi dem ma vo ba jeini tega kalo na zege Havila de Sura tetare laŋa ne to. Jei sem konto yɔɔre ko wo Ejipti siseini ni ne se ko taa vei Asiria seeni to mo. Maŋa maama ba déem jege nankɔɔre mo ba ke de ba chorro tem.

Jakob dedaane Esawu taane

19Abaraham bu Izaak de o dwi dem yera taane mo tento. Abaraham déem mo ye Izaak kwo. 20Izaak déem jege bena finna mo ye o di Bɛtuweli bukɔ Rebeka o ma ke o kaane. Bɛtuweli maa ye Aram tu ye o zoore Mesopotamia ne. Rebeka maa ye Laban nakɔ.

21Rebeka déem na ye kadega to, Izaak ma lwoori Baŋa Wɛ se o kaane wom lo bu.#Pulim 16:1; 1 Samuwel 1:2 Baŋa Wɛ ma sɛ o wɛ-lworo kom, ye o kaane Rebeka ja puga.#Luka 1:13 22Bia bam ma yigi daane o puga kam ne. O déem maa we, “Bɛŋwaane mo ko ye tento amo yera yam ne?” Ko ma pa se o vo Baŋa Wɛ yiga o bwei‑o se o lɔre ko kuri. 23Baŋa Wɛ maa we:

“Dwia yalei mo wo nmo puga kam wone.

Nmo wó lo dwi dwi kuni belei,

ye ba wó ba ba pwɛ chwei.

Dwi dedoa wó taa damma de dwoi dedwoŋi dem,

zembaaro wom mo wó taa toŋe o pa o nyaane wom.”#Pulim 27:29; Rom 9:11-12

24Maŋa kam ma yi se o lo. O déem ma seene o lo yeywa, bakeiri yerane. 25Wolo na dɛ yiga se o nwoŋi pwooni to maa ye nasoŋo, ye o yera yam maama ye koro yerane. Ko ma pa se ba bwoŋi wonto yere we ‘Esawu’.#25:25 Esawu kuri mo ye koro. 26Konto kwaga ne mo o nyaane wom de saŋe o nwoŋi pwooni, ye o jeŋa sɔ Esawu nakila. Ko ma pa se ba pa wonto yere we ‘Jakob’.#25:26 Jakob kuri mo nye nenɛɛne o jaane nakila naa gengan-nyeno. Izaak déem jege bena fuseredo mo ye Rebeka lo-ba.

27Bia bam déem ma ba ba ke nɔɔna. Esawu ma ji tɔɔno wolo na tiini o wae o tɔɔna. O maa yeini o swoi se o taa wo pwooni ne maŋa maama. Jakob déem maa ye nɔn-cheno. O maa swoi se o taa wo sɔŋɔ ne maŋa maama. 28Izaak déem maa swoi Esawu, Esawu na jaane kago-vara nɔna yam o tui o pa‑o to ŋwaane. Rebeka de déem maa swoi Jakob.

29Dɛ dedwe mo Jakob wora o saŋe o wodiu. Esawu ma zege gaao ne o jwoori sɔŋɔ ye kana tiini ka chɛ‑o. 30O ma ta de Jakob o we, “Ke lela n wɔɔre n dwoa-nasoŋo kom konto n pa-ne se a di! Kokuri, a wora a toa mo de kana!” Dwoa bam na seene to ŋwaane mo ba déem bwoi‑o we ‘Edom’.#25:30 Edom kuri mo ye nasoŋo.

31Jakob ma leiri we, “Nam sɛ se n da yiga n yeigi n nakwe nyɔɔre dem n pa-ne, se n laam daare.” 32Esawu ma leiri we, “Nii ywo, amo laam gɛ fee mo se a te! Bɛ lam mo nakwe nyɔɔre dem wó taa jega se de nam pa amo?” 33Jakob ma leiri we, “Nam du amo yiga ne se n daare.” O de ma du duuri o pa‑o, ye o yeigi o nakwe nyɔɔre dem o pa Jakob.#Hiburu 12:16

34Jakob laam ma kwei bworobworo dedaane dwoa o pa Esawu. O ma di ye o daare o nyɔ. O laam ma zaŋe wɛɛne o maa kɛa. Ko déem tɔge chwoŋa kam konto mo ye Esawu nii o nakwe nyɔɔre dem o gwooni-de to.

Currently Selected:

Pulim 25: KBG

Highlight

Copy