Nwoŋim 17

Na nwoŋi peo yera ne

1Isarele kɔ-fɔrɔ kom déem ma zege Sin kagoa kam ne, ye ba laam kare ba beeri, nenɛɛne Baŋa Wɛ na yeini o bere-ba se ba vo mɛ to. Ba ma vo ba yi jei sedwoŋi ba na bwoi we Refidim to ye ba chwi ba vwoa dáane. Jei sem konto ne, na déem tera se nɔɔna bam nyɔ. 2Ba ma bobo se ba taa bwɛ Moses ye ba we, “Pa debam na se dé nyɔ!” Moses ma leiri o we, “Bɛ mo ke ye á bwɛ amo konto? Bɛ mo ye abam lage se á maŋe Baŋa Wɛ á nii?” 3Na-nyɔm dem nam na jege nɔɔna bam to, ba déem ta poone ye ba bwɛ Moses ba we, “Bɛ mo maŋe ko ba n yuu ne ye n ja debam n nwoŋi Ejipti ne n ba ywo-seeni? Nmo lage se na-nyɔm mo go debam dedaane dé bia dedaane dé vara maama na?”

4Moses ma kaase o jare Baŋa Wɛ ye o we, “Amo bere a lage a ke nɔɔna banto tetɛ mo? Ba laam boŋe se ba dole-ne de kandwa mo ba go.” 5Baŋa Wɛ ma leiri Moses o we, “Kuri Isarele nakwa bam badwonna se á da nɔɔna bam yiga á kɛ. Kwei n nacheiga kalo n na mɛ n mage Naili buga kam to n woli da n vo. 6Amo wó zege Sinayi peo kom yuu ne se a jeeri abam. Á ná yi da, nmo laam wó ma n nacheiga kam n mage peo kom. Nmo ná ke konto, na wó nwoŋi ko yera ne se nɔɔna bam nyɔ.” Moses ma ke konto Isarele nakwa bam yiga ne.

7Moses déem pɛ jei sem konto yere we ‘Meriba’#17:7 Meriba kuri mo ye pompona, de ‘Massa’#17:7 Massa kuri mo ye maŋem. Kokuri to, dáane mo Isarele tiina bam poone ye ba maŋe Baŋa Wɛ se ba nii. Ba déem we, “Baŋa Wɛ wo dé tei ne naa o tera mo?”#Lei 95:8

Amaleki tiina ke jara de Isarele tiina bam

8Isarele tiina bam na wo Refidim ne to, Amaleki tiina bam ma pɔpɔ ba zaŋe ba baŋa ne se ba ke jara de-ba.#Nia Gulim 25:18 9Moses ma ta de Josua o we, “Kuri nɔɔna bam badwonna se á vo á jeeri Amaleki tiina bam de jara. Jwa ne, amo de wó taa zege peo kom yuu ne, ye a zei Wɛ nacheiga kam.”#Nwoŋim 24:13

10Josua ma ke kolo Moses na bere‑o to. O ma vo o jeeri Amaleki tiina bam se o ke jara de-ba. Se ko ná ye Moses de Aron dedaane Hura, banto déem diini peo kom yuu mo ba zege da. 11Maŋa kalo maama Moses je sem na yeini se wo wɛɛne to, Isarele tiina bam yeini ba dana mo jara yam wone. O je sem nam ná yeini se pare se maa tu tega, Amaleki tiina bam de daa maa dana jara yam yiga ne. 12Moses je sem déem ma bugi. Aron de Hura ma tiŋi kandwɛ, ye ba pa se o jeini de baŋa ne. Ba déem ma teili o je sem pa se lɛɛre se wo wɛɛne. Dedoa zei jazem dem, ye wodwoŋi wom de zei jagwia kam. Ba zei Moses je sem wɛɛne konto mo taa se ko yi wɛ-zoore maŋa. 13Ko dɛ chwoŋa kam konto mo ye Josua de o nɔɔna bam ja jara ba wane Amaleki tiina bam.

14 Baŋa Wɛ laam ma ta de Moses o we, “Popone keim dento n tiŋi tɔnɔ ne se nɔɔna guli ko gula. Ta popone we, Amo wó ba a pa se Amaleki tiina yere saare logo baŋa ne, se n daare n pa se Josua taa yei ko ni ne.”#Nia Gulim 25:17; 1 Samuwel 15:2 15Moses ma lɔ kaanem bimbini jei sem konto ne ye o bwoŋi-de we ‘Baŋa Wɛ mo ye amo Tuta#17:15 Tuta bere we Baŋa Wɛ jaŋe o pa-ne..’#Pulim 22:14 16O maa we, “Ba zeiŋi je mo wɛɛne se se jeeri Baŋa Wɛ. Baŋa Wɛ wó ja jara dedaane Amaleki tiina bam mo de ba kwaga kam taa wuu.”

Currently Selected:

Nwoŋim 17: KBG

Highlight

Copy