Nwoŋim 11

Cham delo na kweeli to

1 Baŋa Wɛ déem ma ta Moses o we, “Amo laam lage a pa se cham dedwe mo yi Ejipti Pɛ wom de o nɔɔna bam se ko kweeli. A ná ke konto, o wó pa abam chwoŋa se á viiri. O nam lage o zeili abam mo se á nwoŋi á daare o teo kom. 2Nam ta de Isarele tiina bam se ba vo ba fara bam tei ba bwei ba jwoŋi sabu-seŋa dedaane lu-nyenno wonnu. Ba baara de ba kaana maama wó ke konto mo.”

3 Baŋa Wɛ déem nam ke se Ejipti tiina bam mo taa nege Isarele tiina bam. Ko ta ná ye Moses, Ejipti teo nakwa bam dedaane ko nɔn-bia bam kwoni ba nii‑o we o ye nɔn-kamunu mo.

4Moses déem ma ta de Pɛ wom o we, “Baŋa Wɛ ni dem mo tento:

Tete-koro ne, amo Baŋa Wɛ wó tɔge Ejipti teo kom baŋa ne a kɛ. 5Ejipti teo bakeiri-kwea dwi maama wó te. Pɛ wolo na sage paare yituŋu kom ne to bu-kwea wó te, ye kaba-kana kam na choe muni to de bakeiri-kwea de te. Vara balo ba na loge da-yiga to de maa wó te. 6Ejipti teo ni maama lage ko taa ye mo ŋɔɔ de keira. Ba ta wo fɔge ba na keira kalo dwi na wó to teo kom ne to, ye ka dwi nam daa bá ba. 7Ko nam ná ye Isarele tiina bam na zoore mɛ to, kukura tete bá wei ka fugi nabiina naa vara. Konto mo wó pa se abam lɔre we amo Baŋa Wɛ mo pɛ se popɔra wora Ejipti tiina de Isarele tiina tetare ne.”

8Moses daa ta ma ta de Pɛ wom o we, “Nmo nakwa bam laam wó ba amo tei mo ba chɔɔle tega ne ba lwoori-ne se a ja a nɔɔna bam maama a viiri. Ko kwaga ne mo amo wó seene a viiri.” Moses na tage konto to, o bane ma tiini de zaŋe. O ma nwoŋi Pɛ wom tei o kɛ o daare‑o.

9 Baŋa Wɛ déem tage dedaane Moses o we, “Pa-faro wom bá sɛ o cheigi nmo taane dem. Ko wó pa se amo na pwola se a tiini a toŋe wo-kenkagela dedɛ Ejipti tiina tei ne.” 10Moses dedaane Aron déem seene ba ke wo-kenkagela yanto maama mo Ejipti Pa-faro wom yibia ne. De konto maama de, Baŋa Wɛ déem ta pɛ se pɛ wom bochare dana mo.#Jɔn 12:37 Pɛ wom déem ma ve se o pa Isarele tiina bam chwoŋa se ba nwoŋi da o teo kom ne ba viiri.

Currently Selected:

Nwoŋim 11: KBG

Highlight

Copy