Loahmax 4

Yaqboahlazhanq Sinq Dij Sen, Dij Sen Zoq Rongx Dix Hoak Sowh Goanz Gaemz Hax Mboq Miz Naeh

1Laemh taeng le gaenqnaeh, gaenqraeuz aeu Yaqboahlazhanq goanz nganq boajnowx maz hax zawh puj jeq rownz raeuz naeh maz hax, 2jixzawh dij Sen rongx dix hoak sowh goanz gaemz hax mboq miz naeh zawh cholaeng dix gaj loh gaj hoak hoj nauq, daengz dix hax haenh ndang'hoz dix goj haenh ndaej lox, gaj lej daengz baenzzaqnaeh dix yuq doqnaj dij Sen goj mboq miz gaeng haenh hoakri ndaej. 3Gaenqraeuz ruxndeq, ndaw Sw Dij Sen hoakzaqnaeh laemh dix, ndaw Sw Dij Sen hax: "Yaqboahlazhanq sinq dij Sen, dij Sen zoq rongx dix hoak sowh goanz gaemz hax mboq miz naeh."#4:3 Gaemz naeh haeuz yuq ndaw Sw Zwz nduq 15:6. 4Mawz saeh daenh hoak gaengx, daenh aeu vaenzriangz hawj mawz, mboq suanq zawh aeu hawj daengzhwx, zawh mawz hoj ndaej naeuj. 5Gaj dij Sen hawj dij goanz hoak sowh goanz gaemz hax mboq miz naeh, mboq zawh cholaeng dij goanz hoak najgaengx gaeng, zawh cholaeng gaj dij goanz sinq dix, sinq dix zawh laux Sen aeu puj hoak loang hoak sowh goanz gaemz hax mboq miz naeh. 6Daj Daqvaeq ndaej hax naeh dungzlumj, sowh puj mboq zawh cholaeng hoakri hoak gaeng zoq ndaej rongx hoak sowh goanz gaemz hax mboq miz naeh faengz zaehzaeh loh. 7Daqvaeqndaej hoakzaqnaeh hax:

"Sowh puj gaenq hoakloang ndaej yangq naeh,

sowh puj gaenqndog miz gaenq saeh daeb naeh faengz yah.

8Sowh dij goanz Zaeuj mboq anq gaenqloang dix naeh faengz yah."#4:8 Gaemz kauq naeh haeuz yuq ndaw Sw Lownx 32:1-2.

9Gux cham su, haenx, sowh dij goanz ndaej faengz naeh, zawh hax gaj sowh puj zauh heh naeh, rux hax daengz sowh puj mboq zauh heh naeh mux? Gaenqraeuz aeu Yaqboahlazhanq maz hax, gaenqdix zawh cholaeng sinq, dij Sen zoq rongx dix hoak sowh goanz gaemz hax mboq miz naeh. 10Su ciq hax, dij Sen rongx Yaqboahlazhanqhoak sowh goanz gaemz hax mboq miz naeh, zawh zwz Yaqboahlazhanq naengzbaeq heh naeh rux zawh zwz Yaqboahlazhanq haeuz heh naeh mux? Zawh zwz naengzbaeq heh naeh, mboq zawh heh yaq zux ndaej hoak. 11Zwz dix naengz mboq hoak diauq zauh heh naeh, dix haeuz cholaeng sinq dij Sen ndaej hoak sowh goanz gaemz hax mboq miz naeh. Dix biak dij Sen hoak diauq zauh heh naeh zawh aeu diauq naeh mai nyaengx ndaw ndang dix. Dij Sen hawj dix hoak sowh goanz gaemz hax mboq miz naeh, yaq zux hawj dix hoak diauq zauh heh naeh, hoanx naeh zawh cholaeng hawj dix hoak dez sowh puj mboq zauh heh gaj sinq dij Sen, yaq ndaej rongx hoak sowh goanz gaemz hax mboq miz naeh, 12goj zawh cholaeng hawj dix hoak dez sowh puj zauh heh naeh, zoq zawh hoak dez sowh puj yaeuq zauh heh, yaeuq daj zwz dix naengzbaeq heh naeh dungzlumj sinq dij Sen naeh.

13Dij Sen yinq aeu dihndin hawj Yaqboahlazhanq daj luglan Yaqboahlazhanq.#Zwz Nduq 22:17-18. Dij Sen hoakzaqnaeh yinq Yaqboahlazhanq, mboq zawh cholaeng Yaqboahlazhanq biak fahlih, zawh cholaeng Yaqboahlazhanq sinq dij Sen ej ndaej rongx hoak sowh goanz gaemz hax mboq miz naeh. 14Jixzawh dij goanz biak daengz buq fahlih zux ndaej sowh gaenq dij Sen yinq aeu hawj naeh, venjnaeh ndaej sowh gaenq dij Sen yinq aeu hawj naeh zoq daj sinq dij Sen mboq miz gaeng ndaemndiang eh, sowh gaenq dij Sen yinq aeu hawj naeh zoq bowhbowh yinq eh. 15Jixzawh mboq miz fahlih, zoq mboq miz puj hoak loang fahlih. Gaj miz fahlih zoq miz puj hoak loang fahlih, miz puj hoak loang fahlih, dij Sen zoq rux rikdwk chaenxfah.

16Baenzzaqnaeh sowh gaenq dij Sen yinq aeu hawj raeuz naeh mboq zawh cholaeng raeuz biak fahlih, zawh cholaeng raeuz sinq, hoakzaqnaeh zawh aeu hawj raeuz daengzhwx naeuj. Mboq zawh aeu hawj gaj sowh puj miz sowh Fahlih Moahciz mai naeh, goj aeu hawj sowh puj daj Yaqboahlazhanq dungzlumj sinq dij Sen naeh. Yaqboahlazhanq yuq doqnaj dij Sen hoak dez daengzle gaenqraeuz; sowh gaenq dij Sen yinq aeu hawj raeuz naeh zawh yumq aeu hawj daengzle luglan Yaqboahlazhanq. 17Zoq daj ndaw Sw Dij Sen hax naeh dungzlumj: "Gux haeuz hawj mawz hoak dez lai yowngh dij goanz."#4:17 Gaemz kauq naeh haeuz yuq ndaw Sw Zwz nduq 17:5. Dij Sen Yaqboahlazhanq sinq naeh zawh dij Sen hawj puj tai daeuq zaeu, hawj sowh gaenq bwnz naengz mboq miz naeh byenqbaenz gaenq miz naeh.

18Zwz Yaqboahlazhanq lumjzaq dih ngwz mboq miz naeh, dix goj naengzgaj ngwz, naengzgaj sinq dij Sen rux hawj dix miz lug, baenzzaqnaeh dix zoq baenz dez lai yowngh dij goanz, daj ndaw Sw Dij Sen hax naeh dungzlumj: "Mawz lez ndaundiq ndaw fax, luglan mawz toj miz lai baenzzaqnaeh mboqyaq."#Zwz Nduq 15:5. 19Zwz dix zaekgaj ndaej baeg bi naeh, dix nwh taeng ndang hoakri haeuz damz daj tai yaq dungzlumj, Sazlaz goj haeuz mboq rux zowngx lug, dix goj naengz gaj sinq dij Sen lumjgaeuq, mboq cauz dit rawz, 20goj mboq sanz hax mboq sinq ej huaihyih gaenq dij Sen yinq naeh, gajfa sinq vwnxcih, biangz dij Sen. 21Cholaeng dix sinq dij Sen toj rux hoak gaenq dij Sen ndaej yinq dix naeh, 22dij Sen zoq rongx dix hoak sowh goanz gaemz hax mboq miz naeh. 23"Rongx dix hoak sowh goanz gaemz hax mboq miz naeh," gaemz kauq naeh mboq zawh daegdaeg how gaj dix laiz, 24goj zawh how gaenqraeuz sowh puj ndaej rongx hoak sowh goanz gaemz hax mboq miz naeh laiz, zoq zawh gaenqraeuz sowh puj sinq dij Sen, laux hawj Zaeuj raeuz Yezsuz tai yaq daeuq zaeu naeh. 25Yezsuz zoah aeu mwz hawj daenh kaj, zawh cholaeng sowh gaenq raeuz hoak loang naeh. Hawj dix daeuq zaeu zawh cholaeng hawj raeuz ndaej rongx hoak sowh goanz gaemz hax mboq miz naeh.

Currently Selected:

Loahmax 4: ZHN

Highlight

Copy