Loahmax 3

1Hoakzaqnaeh lez maz, puj Yaeuhtaiq ijrawz ndae nyeuz puj yowngh ndai nix? Hoak diauq zauh heh naeh miz gaeng luq nix? 2Hoak puj Yaeuhtaiq miz gaenq ndae lai taeuq. Towhbeh zawh gaenq naeh, zoq zawh dij Sen haeuz aeu kauq dix hawj puj Yaeuhtaiq zauzhuz. 3Gaj jixzawh puj Yaeuhtaiq miz goanz mboq sinq kauq dij Sen nix? Paenqdix mboq sinq dij Sen ej rux hawj dij Sen mboq hoak sowh gaenq dij Sen ndaej hax naeh maj? 4Mboq rux daengzhwx! Daengz dij goanz gaj goanz gaj haxyai nauq, dij Sen goj naengz hoak sowh gaenq dix ndaej hax naeh. Daj ndaw Sw Dij Sen hax naeh dungzlumj, ndaw Sw Dij Sen hax:

"Zaeuj aj, daenh toj ruxndeq kauq mawz hax gaeng zawh hax zaehzaeh mboqyaq;

mawz zoah gauq gaurawz mawz toj bex mboqyaq."#Lownx 51:4.

5Miz dij goanz hoakzaqnaeh hax: "Gaenqpiu hoak mboq hoj, rux hawj daenh gajfa ruxndeq dij Sen hoak hoj nauq nauq, baenznaeh dij Sen mboq hoj rikdwk chaenxfah gaenqpiu, jixzawh dij Sen chaenxfah gaenqpiu, zawh dix mboq hoj ejloah." 6Gaj gux haxdoq su, mboq rux zawh daengzhwx! Jixzawh zawh dij Sen mboq hoj, dix hoakzaqrawz saenxpanq daengzle baenz mux? 7Goj miz dij goanz hoakzaqnaeh hax: "Cholaeng gaenqpiu hax kauq zaj, daenh ej gajfa ruxndeq kauq dij Sen zawh zaeh singj nyeuz, dij Sen gajfa miz najta, baenznaeh dij Sen mboq hoj aeu gaenqpiu hoak puj hoak loang maz saenxpanq." 8Gaenqsu naeh ah, gangzmaz su sem hoakzaqnaeh hax ndeh: "Gaenqpiu hoak gaenq mbowq, hawj gaenq ndae gajfa miz lai." Gux daj gaenqsu hax, miz dij goanz hoakzaqnaeh moakndai piu zaeh, hax piu ndaej hax gaemz naeh. Sowh dij goanz naeh zoah saenxpanq zawh hohdih.

Gawz Goj Zawh Puj Hoakloang

9Haenx, puj Yaeuhtaiq raeuz ndae nyeuz puj yowngh ndai maj? Mboq rux zawh daengzhwx! Gaenqraeuz haeuz laemh yaq, puj Yaeuhtaiq gojndae, puj yowngh ndai gojndae, gawz goj miz gaenq ndog rangh ndang. 10Daj ndaw Sw Dij Sen hax naeh dungzlumj:

"Mboq miz goanz gawz zawh sowh goanz gaemz hax mboq miz naeh, daengz goanz ux naengz mboq miz,

11mboq miz gawz miz aen gvai,

mboq miz gawz taeuq dij Sen.

12Gawz goj pit ka loh dij Sen,

daengzle byenqbaenz gaenqndog.

Mboq miz gawz hoak saeh ndae, daengz goanz ux naengz mboq miz.

13Sowh kauq daeq hozzoh paenqdix chung maz naeh rux hawj daenh mboq saw, daj sowh mohbujreuh aj vaedvaed naeh dungzlumj,

sowh kauq daeq linx paenqdix maz naeh zawh gaj kauq goix gangq,

sowh kauq daeq baeg paenqdix og maz naeh miz duh dij nguz.

14Daengz baeg daem gaj sowh kauq mang daenh naeh daj duh.

15Kaj dij goanz,

mbaedyamq paenqdix kvaiq taeuq.

16Paenqdix bae taeng rawz,

ijrawz zoq vaih,

ijrawz zoq dohbaeuh.

17Paenqdix mboq sanz daeq ka loh hawj yuqvangq naeh.

18Paenqdix dit rawz daengz mboq ruxndeq mbu dij Sen."#Lownx 5:9; 14:1-3; 36:1; 140:3.

19Gaenqraeuz ruxndeq, sowh kauq ndaw fahlih hax naeh zawh daj sowh dij goanz zoah fahlih gvanx naeh hax, hoakzaqnaeh hawj dij goanz dihndin gawz goj biak dij Sen saenxpanq, doiq gaenq hoakloang hoakri gaemz goak mboq miz. 20Fahlih gozloz zawh hawj dij goanz ruxndeq hoakri hoak loang gaeng naeuj. Baenzzaqnaeh, mboq miz gawz cho'mbaiq biak fahlih ndaej yuq ndaw zaw dij Sen hoak sowh goanz gaemz hax mboq miz naeh.

Hoakrawz Zux Byenqbaenz Sowh Goanz Gaemz Hax Mboq Miz Naeh

21Gaj gannaeh, dij Sen haeuz aj ka loh ux hawj dij goanz ruxndeq, hawj sowh puj daeq ka loh naeh ndaej hoak sowh goanz gaemz hax mboq miz naeh. Ka loh naeh Sw Fahlih dij Sen daj daengzle sw puj zawxkauq dij Sen haeuz laemh zoah yaq. Ka loh naeh daj biak mboq biak fahlih dij Sen mboq miz gaeng. 22Dij Sen hax gawz zawh sowh dij goanz gaemz hax mboq miz naeh, zawh cholaeng paenqdix sinq Yezsuz Jizduz, gawz goj zawh dungzlumj, zawh cholaeng sinq Yezsuz Jizduz zux byenqbaenz sowh goanz gaemz hax mboq miz naeh. 23Baenzzaqrawz hoakzaqnaeh hax mah? Dij goanz gawz goj hoak loang, hawj hoakri mboq miz sowh najta dij Sen aeu hawj naeh. 24Gaj gannaeh dij Sen yumq doiq paenqdix ndae: hawj Jizduz Yezsuz taeq paenqdix dauh maz, yumq hawj paenqdix byenqbaenz sowh goanz gaemz hax mboq miz naeh. 25-26Koax daekgoanq, dij Sen goq gaemx gaemx, mboq daem nij sowh gaenq dij goanz hoak loang naeh. Gaj taeng zwz maz, dij Sen zoq hawj Yezsuz yuq doqnaj goanzlai tai, hawj Yezsuz hoak sowh gaenq mbud daeb gaenq hoakloang sowh puj sinq Yezsuz naeh. Dij Sen hoakzaqnaeh zawh hawj dij goanz ruxndeq dix mboq miz gaenq ndog, dix goj mboq biad gaenq ndog, hawj daenh ruxndeq gaenq naeh singjringh, hoakzaqnaeh hoak dix zux zawh laux gaemz hax mboq miz naeh, goj zux zawh laux hawj sowh puj sinq Yezsuz byenqbaenz sowh goanz gaemz hax mboq miz naeh.

27Hoakzaqnaeh, gaenqraeuz miz gaeng baenz bongz mux? Gux haxdoq su, mboq miz gaeng bongz baenz. Gaenqraeuz zawh cholaeng gaeng byenqbaenz sowh goanz gaemz hax mboq miz naeh mux? Zawh cholaeng biak fahlih maj? Gux haxdoq su, mboq zawh, zawh cholaeng ciangzsinq. 28Baenzzaqnaeh, gaenqraeuz ruxndeq singjringh, dij goanz byenqbaenz sowh goanz gaemz hax mboq miz naeh, mboq zawh cholaeng biak fahlih, zawh cholaeng ciangzsinq. 29Gaenqsu faeklaih dij Sen zux zawh gaj dij Sen puj Yaeuhtaiq maj? Dix mboq zawh dij Sen puj yowngh ndai ndoij maj? Gux haxdoq su, dix goj zawh dij Sen puj yowngh ndai. 30Dij Sen zux miz laux doag, dij Sen hawj sowh puj hoak diauq zauh heh naeh byenqbaenz sowh goanz gaemz hax mboq miz naeh, zawh cholaeng ciangzsinq. Dij Sen hawj sowh puj mboq zauh heh naeh byenqbaenz sowh goanz gaemz hax mboq miz naeh, goj zawh cholaeng ciangzsinq. 31Hoakzaqnaeh hax, gaenqraeuz cholaeng ciangzsinq ej byenqbaenz sowh goanz gaemz hax mboq miz naeh, ej hax fahlih mboq miz luq maj? Gux haxdoq su, mboq zawh, hoakzaqnaeh hax gajfa zawh hax fahlih miz luq.

Currently Selected:

Loahmax 3: ZHN

Highlight

Copy