Luhzaz 4

Do Gvanx Dij Pi Naeh Daz Coak Yezsuz Hoakloang

1Minghkoan dij Sen dumh daengz ndang Yezsuz, Yezsuz daeq ndaw dah Yezdanq dauh maz. Minghkoan dij Sen lingz dix bae ndaw doanghmowz 2siqsip vaenz, do gvanx dij pi naeh coak dix daz hawj dix hoak loang. Siqsip vaenz gaengnaeh, Yezsuz gaeng goj mboq jin, le vaenz doaklaeng naeh, dix zoq dongxyaeg. 3Do gvanx dij pi naeh daj dix hax: "Jixzawh mawz zawh lug zaiz dij Sen, zoq nemz kvaix tin naeh byenqbaenz gaenqjin ndeh!" 4Yezsuz yaeng: "Ndaw Sw Dij Sen hoakzaqnaeh hax: ‘Dij goanz zaeu mboq zawh kauq gaj gaenqjin.’"#4:4 Gaemz kauq naeh haeuz yuq Sw Fahlih Daih Ngih 8:3.

5Do gvanx dij pi naeh zowz dix mwz dih sung, mbaed yaepta ux zoq jix daengzle goh dawjfax hawj dix lez nauq. 6Dix daj Yezsuz hax: "Dix daj Yezsuz hax: "Sowh qenhliq dawjfax naeh, gaenq yawz gaenq ndae dawj fax naeh, gux goj aeu hawj mawz nauq, unj, sowh gaenq naeh haeuz bwnz aeu hawj gux yaq, gux ngaiq aeu hawj gawz gux zoq aeu hawj gawz. 7Nanghgaj mawz gvih gux, aeu gux hoak dij sen mawz, daengzle zawh gaenq mawz nauq." 8Yezsuz yaeng: "Ndaw Sw Dij Sen hoakzaqnaeh hax:

"‘Hoj gvih Zaeuj dij Sen mawz, aeu gaj dix hoak dij Sen mawz,

hoj kvej gaj dix.’"#Fahlih Ngih 6:13.

9Do gvanx dij pi naeh daeuq zowz Yezsuz mwz taeng Yezluqsaxlaengx, yaix Yezsuz in yuq nyiangzrownz dij Sen, daj Yezsuz hax: "Jixzawh mawz zawh lug zaiz dij Sen, zoq daeq inxnaeh yoangh bae ndeh! 10Unj, ndaw Sw Dij Sen hoakzaqnaeh hax:

"‘Dij Sen nemz bin dix daeuj dawz mawz,

hawj mawz baenz rawz mboq ndaej.

11Bin dix aeu mungz luz mawz,

yaj mawz sitndit.’#4:11 Gaemz kauq naeh haeuz yuq Sw Lownx 91:11-12."

12 Yezsuz yaeng: "Ndaw Sw Dij Sen hoakzaqnaeh hax: ‘Mboq jinx daeg Zaeuj, dij Sen mawz.’"#4:12 Gaemz kauq naeh haeuz yuq Sw Fahlih Daih Ngih 6:16. 13Do gvanx dij pi naeh coak Yezsuz yowngh rawz goj mbaeuq, coak nauq dix zoq ni Yezsuz goanq.

Yezsuz Yuq Ndaw Mbanj Zazliqliq Aeu Kauqfaengz Koanx Dwk Daenh

14 Yezsuz dauh maz taeng mbanj Zazliqliq, Minghkoan dij Sen haeuz hawj dix miz doakriangz. Zwh Yezsuz leuz bae daengz mbanj naeh nauq. 15Dix yuq rownzndawcowq zau daenh, daengzle haenh dix.

Dij Goanz Goakrownz Yezsuz Mboq Zaemz Yezsuz

16 Yezsuz maz taeng longq Nazsahlowh, dih hoakri dix dwx naeh, hoakzaq zwzndai naeh, Vaenz Cednoiq mwz rownzndawcowq, in doag Sw Dij Sen.#4:16 Dij goanz Yaeuhtaiq jiat vaenz miz vaenz ux rongx hoak vaenz cednoiq, zoq zawh vaenz daih jiat. Lez Sw Zwz nduq2:2. 17Miz goanz ux aeu bwnz sw Yixsaiqyaq goanz puj zawxkauq dij Sen naeh yenh hawj dix. Dix aj sw, fan mwz taeng dih ux, ndaw sw hoakzaqnaeh laiz:

18"Dij Sen lowg gux hoak Jizduz;

Minghkoan dij Sen yuq ndang gux.

Dij Sen lowg gux,

hawj gux aeu kauqfaengz dix bae koanx dwk puj baenzluk,

hawj gux bae haxdoq sowh puj zoah puk mwz naeh ndaej zoangq daeuj,

hawj gux bae haxdoq sowh puj ta'mbud naeh daeuq ndaej taen,

hawj sowh puj zoah daenh vazkuz naeh daeuq ndaej yuqndae,

19hawj gux haxdoq daenh:

‘Taeng jeh Zaeuj daeuj jeuq dij goanz naeh yah.’"#4:19 Suq kauq naeh haeuz yuq Sw Yixsaiqyaq 61:1-2, 58:6.

20 Yezsuz aeu sw jip ndae, yenh hawj sowh goanz zauzhuz sw naeh, zoq naengh daeuj. Sowh dij goanz yuq rownzndawcowq naeh gaj goanz gaj lez mwz doq dix, zawx ruxndeq dix daz hax gaeng. 21Dix daj paenqdix hax: "Suq kauq ndaw Sw Dij Sen inxnaeh, vaenznaeh haeuz yuq doqnaj su baenz zaeh." 22Daengzle haenh dix, goj sawz taeuq, mboqnaemz dix hax ndaej yawz baenzzaqnaeh, zoq hax: "Dix zawh lug zaiz Yezsowh naeujmax!" 23Yezsuz hax: "Gaenqsu aeu gaemz kauq zwzpujjeq naeh hax gux mboqyaq, gaemz kauq zwzpujjeq hax: ‘Pujyachaej, haeggaj ya hoakri mawz ndae ndeh!’ Su goj rux hoakzaqnaeh hax mboqyaq: ‘Piu ruxnyinz suq saeh mawz yuq longq Zazbowhnungh hoak naeh, mawz goj yuq goakrownz mawz inxnaeh hoak mah!’" 24Yezsuz daeuq hax: "Gux haxdoq su swhlit, puj zawxkauq dij Sen, gawz goj venj, yuq goakrownz hoakri mboq miz gawz zaemz goah. 25Gux laemh swh dwk su, jeh Yixliqyaq naeh, miz sam bi laeng choak ndown dungzdam paen mboq daeuj, gaj dih gaj yaeg, zwz naeh, mehrownz Yixsowhleh, sowh yah po haeuz tai yaq naeh miz lai taeuq. 26Gaj dij Sen mboq yaix dix maz saeh paenqdix, yaix dix bae ndaw mbanj Cizdunq longq Saxlowhfah naeh saeh yah mehrownz ux, po dix tai yaq naeh.#4:26 Inxnaeh haeuz yuq Sw Laux hongz Bwnz Daih Aet 17:7-24. 27Jeh Yixliqsaz naeh, yuq ndaw Yixsowhleh miz dij goanz baenznux lai taeuq, gaj dij Sen mboq yaix Yixliqsaz ya paenqdix goanz rawz, yaix dix ya gaj Naixmanq goanz puj Ciqliqyaq naeh."#4:27 Inxnaeh haeuz yuq Sw Laux hongz Bwnz Daih Ngih 5:8-14. 28Sowh puj yuq rownzndawcowq naeh ruxnyinz le gaemz kauq naeh, daengzle jih daengz mboq zawh haxnyaeux. 29Daengzle dwnq maz, daem dix ni ndaw longq. Laemh longq naeh daengj yuq ndaw bo. Paenqdix laeg dix bae now ndanq, daz ngex dix doak. 30Gaj Yezsuz gvaq jinghzang paenqdix bae, ni dih naeh.

Yezsuz Yuq Ndaw Zazbowhnungh Daem Dij Pi

31 Yezsuz bae taeng mbanj Zazliqliq longq Zazbowhnungh naeh, Vaenz Cednoiq naeh dix zau daenh. 32Daenh biak sowh gaenq dix zau naeh zoq sawz taeuq, unj kauq dix miz qenhliq taeuq. 33Rownzndawcowq miz goanz ux zoah dij pi mwz ndang, caqsiq rongx: 34"Aih, Yezsuz ndaw Nazsahlowh, mawz baenzzaqrawz daet piu? Mawz daz ndaep piu max? Gux ruxndeq mawz zawh gawz, mawz zawh goanz sawrik, goanz dij Sen lowg daeuj naeh!" 35Yezsuz hwt dix: "Mbaet baeg! Daeq ndaw ndang goanz naeh og daeuj!" Dij pi yuq doqnaj daengzle hawj goanz gaengnaeh laemx bae dihndin, zoq daeq ndaw ndang goanz naeh og daeuj, mboq hawj goanz naeh ijrawz chaej. 36Daengzle sawz taeuq, goanz lej daj goanz hax: "Gaenqnaeh zawh gaeng saeh mux? Dix miz qenhliq miz doakriangz nemz dij pi, dij pi zoq og daeuj ngah!" 37Yaq zwh Yezsuz zoq leuz bae daengz mbanj naeh nauq.

Yezsuz Ya Pujchaej

38 Yezsuz dwnq ni rownzndawcowq, mwz rownz Cizmaenh. Yah daiq Cizmaenh nowxndaed taeuq,#4:38 Inxnaeh hax daiq Cizmaenh, zawh hax daiq oanq dix, zoq zawh meh mijmez dix. paenqdix vanz Yezsuz ya dix. 39Yezsuz in haenz dix, hwt aen chaej nowxndaed naeh, nowx zoq zumx. Yah naeh zoq dwnq maz kvej hawj paenqdix. 40Sowh gau tang'vaenz doak naeh, puj chaej gaeng goj venj, rownz paenqdix zowz paenqdix maz dih Yezsuz naeh.#4:40 Puj Yaeuhtaiq tang'vaenz doak zoq zawh vaengz laeng. Fahlih puj Yaeuhtaiq Vaenz Cednoiq mboq hawj daeq loh. Yezsuz aeu mungz baed ndang paenqdix, ya paenqdix ndae. 41Goj miz dij pi daeq ndaw ndang lai goanz taeuq daeuj, dij pi rongx: "Mawz zawh lug zaiz dij Sen." Dij pi ruxndeq Yezsuz zawh Jizduz, Yezsuz hwt paenqdix, mboq hawj paenqdix hax kauq.

Yezsuz Bae Longq Ndai Aeu Kauqfaengz Koanx Dwk Daenh

42Fax rungh, Yezsuz og bae, daeq bae taeng ndaw doanghmowz. Daengzle cha dix, cha mex dix, daz lanx dix yuq, mboq hawj dix ni paenqdix. 43Gaj Yezsuz hax: "Dij Sen nemz gux daeuj dihndin, zawh hawj gux aeu sowh saeh goh dij Sen naeh koanx dwk daenh,#4:43 Goh dij Sen zoq zawh hax dij Sen haeggaj daeuj gvanx dij goanz dix, gvanx daengzle sowh gaenq dix chauq naeh. gux bae longq ndai aeu sowh kauqfaengz naeh koanx dwk daenh zuxbaenz." 44Yaq Yezsuz bae rownzndawcowq puj Yaeuhtaiq bae hoak aen hoak aen, aeu sowh saeh goh dij Sen naeh koanx dwk daenh.

Currently Selected:

Luhzaz 4: ZHN

Highlight

Copy