Yezhanq 9

Yezsuz Ya Goanz Ta'mbud Ux Ndae

1Gau Yezsuz daeq loh naeh, dix leztaen goanz ta'mbud ux, goanz naeh zowngx daeuj zoq bwnz ta'mbud. 2Cohsaenz Yezsuz cham Yezsuz: "Lazbix, goanz naeh zowngx daeuj zoq ta'mbud, zawh gawz hoak loang mux? Zawh dix rux zawh bohmeh dix mux?" 3Yezsuz yaeng: "Mboq zawh cholaeng dix hoak loang, goj mboq zawh cholaeng bohmeh dix hoak loang, zawh cholaeng dij Sen daz ya dix hawj daenh leztaen doakriangz dwx dij Sen. 4Gannaeh naengz rungh, naengz zawh zang'vaenz. Gaenqraeuz baenz hoak najgaengx laux nemz gux daeuj naeh. Fax ndaem maz, zoq mboq miz gawz hoak najgaengx baenz eh. 5Zwz gux yuq dihndin naeh, gux zoq zawh gaenqrungh dihndin." 6Hax gaemz kauq naeh, dix zoq pih naemxnaiz bae dihndin, aeu naemxnaiz daj namh daz mwz ta goanz ta'mbud naeh, 7daj goanz ta'mbud naeh hax: "Mawz bae vaengz naemx Cizloahyaq naeh soiq ndeh." Yaq goanz ta'mbud naeh zoq bae, soiq yaq, dauh maz zoq leztaen. Laemh aen minxzwh Cizloahyaq naeh zawh hax: "Zoah nemz daeuj."

8Sowh dij goanz ruxnaj dix naeh daj sowh dij goanz kwnz leztaen dix dexkaeuj naeh hax: "Goanz naeh mboq zawh goanz zwzzwz naengh dexkaeuj naeh mawx?" 9Mbangj goanz hax: "Zawh dix zaeh." Mbangj goanz hax: "Mboq zawh gah, gaj lumj dix." Hoakri dix haeggaj hax: "Zawh gux." 10Paenqdix zoq cham dix: "Ta mawz hoakzaqrawz rux leztaen ah?" 11Dix yaeng: "Miz goanz ux rongx hoak Yezsuz, dix jenj namh daz ta gux, daj gux hax: ‘Mawz bae vaengz naemx Cizloahyaq naeh soiq ndeh.’ Gux daeh bae soiq, zoq leztaen eh." 12Paenqdix hax: "Goanz gaengnaeh yuq rawz ah?" Dix hax: "Gux mboq ruxndeq."

13Paenqdix zoq zowz goanz mbaednduq ta'mbud naeh mwz dih dij goanz Fahliqsaiq naeh. 14Vaenz Yezsuz jenj namh daz ta dix naeh zawh Vaenz Cednoiq. 15Dij goanz Fahliqsaiq goj cham dix hoakzaqrawz leztaen baenz. Dix daj paenqdix hax: "Goanz gaengnaeh aeu namh daz ta gux, gux daeh soiq, zoq leztaen." 16Dij goanz Fahliqsaiq mbangj goanz hax: "Goanz gaengnaeh mboq gaem Vaenz Cednoiq, baenzzaqnaeh dix mboq zawh dij goanz dij Sen." Mbangj goanz hax: "Goanz hoak loang ux hoakrawz rux hoak sowh saeh ndaw fax naeh mux?" Paenqdix zoq dungzjinj. 17Yaq paenqdix daeuq daj goanz mbaednduq ta'mbud naeh hax: "Goanz gaengnaeh hawj ta mawz rux leztaen, mawz hax dix zawh dij goanz gaeng?" Goanz mbaednduq ta mbud naeh yaeng: "Zawh puj zawxkauq dij Sen."

18Puj saeq puj Yaeuhtaiq mboq sinq dix koax daekgoanq zawh puj ta'mbud, mboq sinq zawh gannaeh zux rux leztaen. Paenqdix zoq rongx bohmeh dix daeuj, 19cham paenqdix: "Su hax su miz goanz lug zaiz ux zowngx daeuj zoq bwnz ta'mbud, zawh goanz naeh mbyah? Haenx, gannaeh baenzzaqrawz rux leztaen mawj?" 20Bohmeh dix yaeng: "Dix zawh lug zaiz piu, zowngx daeuj zoq ta'mbud, gaenqnaeh piu ruxndeq. 21Gannaeh dix hoakrawz rux leztaen, gaenqpiu mboq ruxndeq. Gawz hawj ta dix rux leztaen, gaenqpiu goj mboq ruxndeq. Gaenqsu cham dix mah, dix haeuz baenz pujdwx, dix haeggaj rux hax." 22Bohmeh goanz mbaednduq ta'mbud naeh hoakzaqnaeh hax zawh mbu puj saeq puj Yaeuhtaiq. Puj saeq puj Yaeuhtaiq haeuz dwkgangz ndae'ndowq, gawz yinq Yezsuz hoak Jizduz, zoq daem gawz ni rownzndawcowq, mwznaj mboq jinx maz rownzndawcowq. 23Baenzzaqnaeh bohmeh dix hax: "Dix haeuz baenz pujdwx, gaenqsu cham dix mah."

24Yaq dij goanz Fahliqsaiq mbaed daih ngih rongx goanz koax daekgoanq ta'mbud naeh maz, daj dix hax: "Mawz hoj biangz dij Sen.#9:24 Yuq inxnaeh, Mawz hoj biangz dij Sen, goj ingj rux zawh hax: Mawz yuq doqnaj dij Sen hoj hax swh, rux hax: Mawz hoj biangz dij Sen, mboq hoj biangz goanz naeh. Gaenqpiu ruxndeq goanz gaengnaeh zawh puj hoak loang." 25Dix yaeng: "Dix zawh mboq zawh puj hoak loang, gux mboq ruxndeq; gaj miz diauq ux gux ruxndeq, zoq zawh mbaednduq gux zawh puj ta'mbud, gannaeh gux rux leztaen." 26Paenqdix zoq cham: "Dix hoak gaeng bae doq mawz mux? Dix hoakrawz hawj ta mawz rux leztaen mux?" 27Dix yaeng: "Gux haeuz haxdoq su, gaj gaenqsu mboq biak, gannaeh baenzzaqrawz daeuq zawx biak mawj? Lau gaenqsu goj zawx hoak cohsaenz dix mboq loah?" 28Paenqdix zoq mang dix: "Mawz zux zawh cohsaenz dix naeuj, gaenqpiu zawh cohsaenz Moahciz. 29Gaenqpiu ruxndeq dij Sen ndaej daj Moahciz hax kauq. Gaj goanz gaengnaeh, gaenqpiu mboq ruxndeq dix daeq rawz maz." 30Dix daj paenqdix hax: "Zawx ko gaiq eh, goanz gaengnaeh hawj ta gux rux leztaen, gaenqsu naengz mboq ruxndeq dix daeq rawz maz. 31Gaenqraeuz gawz goj ruxndeq dij Sen mboq biak puj hoak loang vanz, dix biak gaj sowh puj ruxndeq mbu dix, sowh puj biak kauq dix bae hoak naeh. 32Daeq chauq fax daj dihndin maz, mboq sanz ruxnyinz gawz rux hawj ta sowh puj zowngx daeuj zoq ta'mbud naeh rux leztaen. 33Jixzawh goanz gaengnaeh mboq zawh daeq dij Sen daeuj, dix gaeng goj mboq rux hoak." 34Paenqdix hax: "Mawz daeq zowngx daeuj zoq zawh puj hoak loang dwx singjringh, naengz daz zau piu maj?" Yaq paenqdix zoq daem dix og nog.

35 Yezsuz ruxnyinz paenqdix daem dix og nog, doaklaeng cha mex dix, Yezsuz zoq daj dix hax: "Mawz sinq Lug Dij Goanz vah?" 36Dix hax: "Zaeuj aj, gawz zawh Lug Dij Goanz, mawz haxdoq gux, gux zux sinq dix baenz." 37Yezsuz hax: "Mawz haeuz leztaen dix, goanz gannaeh daj mawz hax kauq naeh zoq zawh dix." 38Dix hax: "Zaeuj aj, gux sinq!" Dix zoq gvih bae doq Yezsuz. 39Yezsuz hax: "Gux daeuj dihndin zawh cholaeng saenxpanq, hawj sowh puj lez mboq taen naeh rux leztaen, hawj sowh puj leztaen naeh ta'mbud."#9:39 Inxnaeh hax leztaenzawh hax ruxndeq kauq jing, hax ta'mbudzawh hax mboq ruxndeq kauq jing. 40Miz jij goanz puj Fahliqsaiq ux yuq haenz dix ruxnyinz gaenqnaeh, zoq hax: "Mawz mboq zawh hax daengz gaenqpiu goj zawh puj ta'mbud naeujbojleh?" 41Yezsuz daj paenqdix hax: "Jixzawh gaenqsu zawh puj ta'mbud, gaenq hoakloang su zoq mboq miz yah. Gaj gannaeh gaenqsu hax gaenqsu mboq zawh puj ta'mbud, baenzzaqnaeh gaenqsu naengz miz gaenqloang."

Currently Selected:

Yezhanq 9: ZHN

Highlight

Copy